Kyun ke Allah Ta'ala ne Surah al-Hajj mein farmaya ”Hum ne qurbaniyon ko tumhare liye Allah ke naam ki nishani banaya hai, tumhare waste in mein bhalayi hai so parho in par Allah ka naam qatar bandh kar, phir wo jab gir parein apni karwat par (yani zabah ho jayein) to khao in mein se aur khilao sabr se baithne wale aur mangne wale dono tarah ke faqiron ko, isi tarah tumhare liye halal kar diya hum ne in janwaron ko taake tum shukr karo. Allah ko nahi pohanchta in ka gosht aur na in ka khoon, lekin us ko pohanchta hai tumhara taqwa, is tarah in ko bas mein kar diya tumhare ke Allah ki barayi karo is baat par ke tum ko us ne raah dikhayi aur bisharat suna de naiki karne walon ko. Mujahid ne kaha ke qurbani ke janwar ko «Badanah» is ke mota taza hone ki wajah se kaha jata hai, «Qani» sa'il ko kehte hain aur «Mu'tarr» jo qurbani ke janwar ke samne sa'il ki surat bana kar aa jaye khwah ghani ho ya faqeer, «Sha'air» ke mani qurbani ke janwar ki azmat ko malhooz rakhna aur ise mota banana hai. «Atique» (Khana Kaabah ko kehte hain) bajuz zalimon aur jabiron se azad hone ke, jab koi cheez zameen par gir jaye to kehte hain «Wajabat» isi se «Wajabat-ish-Shams» aata hai yani sooraj doob gaya
.

Hum se Abdullah Bin Yusuf ne bayan kiya, kaha ke hum se Imam Malik ne khabar di, unhein Abu Al-Zanad ne, unhein Aaraj aur unhein Abu Hurairah (Radi Allahu Anhu) ne ke Rasul Allah (Sallallahu Alaihi Wasallam) ne ek shakhs ko qurbani ka janwar le jate dekha to Aap (Sallallahu Alaihi Wasallam) ne farmaya ke is par sawar ho ja. Is shakhs ne kaha ke ye to qurbani ka janwar hai, Aap (Sallallahu Alaihi Wasallam) ne farmaya ke is par sawar ho jana. Is ne kaha ke ye to qurbani ka janwar hai to Aap (Sallallahu Alaihi Wasallam) ne phir farmaya afsos! Sawar bhi ho jao ( «Wailaka» Aap Sallallahu Alaihi Wasallam ne) doosri ya teesri martaba farmaya
.