Hum se Abdullah bin Maslamah Qanabi ne byaan kiya , un se Imam Malik rahmatullah alaihi ne byaan kiya , un se Ibn Shihab ne byaan kiya , un se Salim bin Abdullah ne ke Abdullah bin Muhammad bin Abi Bakr ne unhein khabar di , unhein Abdullah bin Umar razi Allahu anhuma ne khabar di aur unhein Nabi Karim salla Allahu alaihi wasallam ki paak biwi Aisha Siddiqa razi Allahu anha ne ke Nabi Karim salla Allahu alaihi wasallam ne in se farmaya ke tujhe maloom hai jab teri qaum ne Kaaba ki tameer hui to buniyaad-e-Ibrahim ko chhor diya tha . Maine arz kiya Ya Rasool Allah! Phir Aap buniyaad-e-Ibrahim par us ko kyun nahi bana dete ? Aap salla Allahu alaihi wasallam ne farmaya ke agar tumhari qaum ka zamana kufr se bilkul nazdeek na hota to main beshak aisa kar deta . Abdullah bin Umar razi Allahu anhuma ne kaha ke agar Aisha Siddiqa razi Allahu anha ne yeh baat Rasool Allah salla Allahu alaihi wasallam se suni hai (aur yaqeenan Aisha razi Allahu anha sacchi hain) to main samajhta hoon yahi wajah thi jo Nabi Karim salla Allahu alaihi wasallam Hateem se muttasil jo deewaron ke kone hain in ko nahi choomte thay . Kyunke Khana-e-Kaaba Ibrahimi buniyaadon par poora na hua tha .