Hum se Abdullah Bin Yusuf Tinnisi ne bayan kiya, kaha hum ko Imam Maalik ne khabar di, unhein Ibn Shihab ne, unhein Salim Bin Abdullah ne ke Abdullah Bin Umar (Radi Allahu Anhuma) ko Ibn Abi Bakr ne khabar di aur unhein Nabi Kareem (Sallallahu Alaihi Wasallam) ki zauja mutahira Aisha (Radi Allahu Anhuma) ne ke Rasul Allah (Sallallahu Alaihi Wasallam) ne farmaya "Tumhein maloom nahi ke jab tumhari qaum ne Kaba ki (nayi) tameer ki to Kaba ki Ibrahimi buniyad ko chhod diya." Mein ne arz kiya: Ya Rasul Allah! Phir Aap Ibrahimi buniyadon ke mutabiq dobara is ki tameer kyun nahi kar dete. Nabi Kareem (Sallallahu Alaihi Wasallam) ne farmaya ke agar tumhari qaum ka zamana kufr se qareeb na hota (to mein aisa hi karta) Abdullah Bin Umar (Radi Allahu Anhuma) ne kaha ke jab ke ye hadees Aisha (Radi Allahu Anhuma) ne Rasul Allah (Sallallahu Alaihi Wasallam) se suni hai to mera khayal hai ke Aap (Sallallahu Alaihi Wasallam) ne in dono rukno ke, jo Hajr-e-Aswad ke qareeb hain, bosa lene ko sirf isi wajah se chhoda tha ke bait-ullah Ibrahim Alaihis Salam ki buniyad par nahi bana hai (ye dono rukan aage hatt gaye hain) Ismail Bin Abi Uwais ne is hadees mein Abdullah Bin Muhammad Bin Abi Bakr kaha
.