Hum se Saeed bin Yahya ne byaan kiya , kaha mujh se mere walid ne byaan kiya , kaha ke hum se Aamash ne byaan kiya , un se Shaqeeq ne aur un se Abu Masood Ansari razi Allahu Ta'ala anhu ne kaha ke Rasool Allah salla Allahu alaihi wasallam ne jab humein sadqa karne ka hukm diya to hum mein se bahut se bazaar ja kar bojh uthane ki mazdoori karte aur is tarah ek mudd (ghalla ya khajoor waghera) haasil karte . (Jisay sadqa kar dete) lekin aaj hum mein se bahut son ke paas laakh laakh (dirham ya deenaar) maujood hain .