Hum se Abdur Rahman ne byaan kiya , kaha hum ko Abdullah ne khabar di , kaha hum ko Aasim ne khabar di , unhein Shabi ne aur unhon ne Jabir razi Allahu anhu se suna , unhon ne byaan kiya ke Rasool Allah salla Allahu alaihi wasallam ne kisi aaisi aurat se nikah karne se mana kiya tha jis ki phoopi ya khala is ke nikah mein ho . Aur Dawood bin Aun ne Shabi se byaan kiya aur in se Abu Hurairah razi Allahu anhu ne .

Hum se Abdullah bin Yusuf ne byaan kiya , unhon ne kaha hum ko Imam Malik ne khabar di , unhein Abu al-Zinad ne , unhein Aaraj ne aur un se Abu Hurairah razi Allahu anhu ne byaan kiya ke Rasool Allah salla Allahu alaihi wasallam ne farmaya ke kisi aurat ko is ki phoopi ya is ki khala ke saath nikah mein jama na kiya jaye .

Hum se Abdullah bin Mubarak ne byaan kiya , kaha hum ko Abdullah ne khabar di , kaha ke mujhe Yunus ne khabar di , unhein Zuhri ne , kaha ke mujh se Qubaysah bin Zuwayb ne byaan kiya aur unhon ne Abu Hurairah razi Allahu anhu se suna , woh byaan kar rahe thay ke Rasool Allah salla Allahu alaihi wasallam ne is se mana kiya hai ke kisi aurat ko is ki phoopi ya is ki khala ke saath nikah mein jama kiya jaye (Zuhri ne kaha ke) hum samajhte hain ke aurat ke baap ki khala bhi (haram hone mein) isi darja mein hai kyunke (agli hadees dekhein) .

Hum se Abdullah bin Yusuf Taneesi ne byaan kiya , unhon ne kaha hum ko Imam Malik rahmahullah ne khabar di , unhein Nafi ne aur unhein Abdullah bin Umar razi Allahu anhuma ne ke Rasool Allah salla Allahu alaihi wasallam ne shighar se mana farmaya hai . Shighar yeh hai ke koi shakhs apni larki ya behen ka nikah is shart ke saath kare ke woh doosra shakhs apni (beti ya behen) us ko biyah de aur kuch mahr na thehre .

Hum se Muhammad bin Salam ne byaan kiya , kaha hum se Muhammad bin Fudayl ne byaan kiya , kaha hum se Hisham bin Urwah ne byaan kiya , un se un ke walid ne byaan kiya ke Khawla bint Hakeem razi Allahu anha in auraton mein se thien jinon ne apne aap ko Rasool Allah salla Allahu alaihi wasallam ke liye hiba kiya tha . Is par Aisha razi Allahu anha ne kaha ke ek aurat apne aap ko kisi mard ke liye hiba karte sharmati nahi . Phir jab aayat «turji-u man tashaa-u minhunna» ”Ae Paighambar! Tu apni jis biwi ko chahe peeche daal de aur jise chahe apne paas jagah de“ nazil hui to main ne kaha: ya Rasool Allah! Ab main samjhi Allah Ta'ala jald jald Aap ki khushi ko poora karta hai . Is hadees ko Abu Saeed (Muhammad bin Muslim) , Mua'ddib aur Muhammad bin Bashar aur Abdah bin Sulayman ne bhi Hisham se , unhon ne apne walid se , unhon ne Aisha razi Allahu anha se riwayat kiya hai . Ek ne doosre se kuch zyada mazmoon naqal kiya hai .

Hum se Malik bin Ismail ne byaan kiya , kaha hum ko Sufyan bin Uyaynah ne khabar di , kaha hum ko Amr bin Dinar ne khabar di , kaha hum se Jabir bin Zayd ne byaan kiya , kaha hum ko Ibn Abbas razi Allahu anhuma ne khabar di ke Rasool Allah salla Allahu alaihi wasallam ne (Maymoonah razi Allahu anha se) nikah kiya aur is waqt Aap ihram baandhe huay thay .

Hum se Malik bin Ismail ne byaan kiya , unhon ne kaha hum se Sufyan bin Uyaynah ne byaan kiya , unhon ne Zuhri se suna , woh byaan karte thay ke mujhe Hasan bin Muhammad bin Ali aur un ke bhai Abdullah bin Muhammad bin Ali ne apne walid (Muhammad bin al-Hanafiyyah) se khabar di ke Ali razi Allahu anhu ne Abdullah bin Abbas razi Allahu anhuma se kaha ke Nabi Karim salla Allahu alaihi wasallam ne muta aur paltu gadhe ke gosht se Jang e Khaibar ke zamana mein mana farmaya tha .

Hum se Muhammad bin Bashar ne byaan kiya , kaha hum se Ghundar Muhammad bin Jafar ne byaan kiya , kaha hum se Shubah bin Hajjaj ne byaan kiya , un se Abu Jamrah ne byaan kiya , kaha main ne Ibn Abbas razi Allahu anhuma se suna , in se auraton ke saath nikah e muta karne ke mutalliq sawal kiya gaya thu to unhon ne is ki ijazat di , phir un ke ek ghulam ne in se poocha ke is ki ijazat sakht majboori ya auraton ki kami ya isi jaisi suraton mein ho gi ? To Ibn Abbas razi Allahu anhuma ne kaha ke haan . (Note: Yeh hurmat se qabal ki baat hai baad mein har halat mein har shakhs ke liye muta haram qarar diya gaya jo Qayamat tak ke liye hai) .

Hum se Ali bin Abdullah Madini ne byaan kiya , kaha hum se Sufyan bin Uyaynah ne byaan kiya , un se Amr bin Dinar ne byaan kiya , un se Hasan bin Muhammad bin Ali bin Abi Talib ne aur un se Jabir bin Abdullah Ansari aur Salamah bin al-Akwa ne byaan kiya ke hum ek lashkar mein thay . Phir Rasool Allah salla Allahu alaihi wasallam hamare paas tashreef laye aur farmaya ke tumhein muta karne ki ijazat di gayi hai is liye tum nikah kar sakte ho .

Hum se Ali bin Abdullah Madini ne byaan kiya , kaha hum se Sufyan bin Uyaynah ne byaan kiya , un se Amr bin Dinar ne byaan kiya , un se Hasan bin Muhammad bin Ali bin Abi Talib ne aur un se Jabir bin Abdullah Ansari aur Salamah bin al-Akwa ne byaan kiya ke hum ek lashkar mein thay . Phir Rasool Allah salla Allahu alaihi wasallam hamare paas tashreef laye aur farmaya ke tumhein muta karne ki ijazat di gayi hai is liye tum nikah kar sakte ho .