Hum se Abu al-Yaman ne byaan kiya , unhon ne kaha hum ko Shuayb ne khabar di , un se Zuhri ne byaan kiya , kaha ke mujh ko Urwah bin Zubayr ne Masood bin Makhramah aur Abdur Rahman bin Abdul Qari se khabar di ke in donon ne Umar bin Khattab razi Allahu anhu se suna , unhon ne kaha ke main ne Hisham bin Hakeem bin Hizam razi Allahu anhu ko Rasool Allah salla Allahu alaihi wasallam ki zindagi mein Surah al-Furqan parhte suna . Main in ki qirat ko ghaur se sunne laga to maloom hua ke woh aise bahut se tariqon mein tilawat kar rahe thay jinhein Rasool Allah salla Allahu alaihi wasallam ne hamain nahi sikhaya tha . Mumkin thu ke main namaz hi mein in ka sar pakar leta lekin main ne intizar kiya aur jab unhon ne salam phera to main ne in ke gale mein chadar lapait di aur poocha yeh surtein jinhein abhi abhi tumhein parhte huay main ne suna hai tumhein kis ne sikhayi hain ? Unhon ne kaha ke mujhe is tarah in suraton ko Rasool Allah salla Allahu alaihi wasallam ne sikhaya hai . Main ne kaha ke tum jhoot bol rahe ho . Khud Nabi Karim salla Allahu alaihi wasallam ne mujhe bhi yeh surtein parhayi hain jo main ne tum se sunien . Main unhein khainchte huay Aap salla Allahu alaihi wasallam ki khidmat mein hazir hua aur arz kiya: ya Rasool Allah! Main ne khud suna ke yeh shakhs Surah al-Furqan aaisi qirat se parh raha tha . Jis ki taleem Aap ne hamain nahi di hai Aap mujhe bhi Surah al-Furqan parha chuke hain . Nabi Karim salla Allahu alaihi wasallam ne farmaya ke Hisham! Parh kar sunao . Unhon ne isi tarah is ki qirat ki jis tarah main in se sun chuka tha . Aap salla Allahu alaihi wasallam ne farmaya ke isi tarah yeh surat nazil hui hai . Phir Aap salla Allahu alaihi wasallam ne farmaya ke Umar! Ab tum parho . Main ne bhi isi tarah qirat ki jis tarah Nabi Karim salla Allahu alaihi wasallam ne mujhe sikhaya tha . Aap salla Allahu alaihi wasallam ne farmaya ke isi tarah yeh surat nazil hui thi . Phir Aap salla Allahu alaihi wasallam ne farmaya ke Quran Majeed saat qism ki qiraton par nazil hua hai bas tumhare liye jo aasan ho is ke mutabiq parho .

Hum se بشر bin Adam ne byaan kiya , kaha hum ko Ali bin Mushar ne khabar di , kaha hum ko Hisham bin Urwah ne khabar di , unhein un ke walid ne aur un se Aisha razi Allahu anha ne byaan kiya ke Rasool Allah salla Allahu alaihi wasallam ne ek qaari ko raat ke waqt masjid mein Quran Majeed parhte huay suna to farmaya ke Allah is aadmi par raham kare is ne mujhe falan falan aayatein yaad dila dien jinhein main ne falan falan suraton mein se chhor rakkha tha .

Aur Allah Ta'ala ne Surah Muzzammil mein farmaya «wa rattil-il-qur-aana tarteelan» ”aur Quran Majeed ko tarteel se parh .“ (yani har ek harf achhi tarah nikal kar itminan ke saath) aur Surah Bani Israeel mein farmaya «wa qur-aanan faraqnaahu litaqra-ahu alan-naasi ala muksin» ”aur hum ne Quran Majeed ko thora thora kar ke is liye bheja ke tu thehar thehar kar logon ko parh kar sunaye“ aur shair o sukhan ki tarah is ka jaldi jaldi parhna makrooh hai . Ibn Abbas razi Allahu anhuma ne kaha is surat mein jo lafz «faraqnaahu» ka lafz hai is ka maani yeh hai ke hum ne usay kai hisse kar ke utara .

Hum se Abu al-Nu'man ne byaan kiya , kaha hum se Mahdi bin Maymoon ne , kaha hum se Wasil Ahdab ne , in se Abu Wail ne Abdullah bin Masood razi Allahu anhu se byaan kiya ke hum in ki khidmat mein subah sawayray hazir huay . Hazireen mein se ek sahab ne kaha ke raat main ne (tamam) mufassal surtein parh dalien . Is par Abdullah bin Masood razi Allahu anhu bolay jaise ashaar jaldi jaldi parhte hain tum ne waise hi parh li ho gi . Hum se qirat suni hai aur mujhe woh jorr wali surtein bhi yaad hain jin ko mila kar namazon mein Nabi Karim salla Allahu alaihi wasallam parha karte thay . Yeh atharah surtein mufassal ki hain aur woh do surtein jin ke shuru mein «ha-meem» hai .

Hum se Qutaybah bin Saeed ne byaan kiya , kaha hum se Jareer bin Abdul Hameed ne byaan kiya , un se Musa bin Abu Aisha ne , un se Saeed bin Jubayr ne aur un se Ibn Abbas razi Allahu anhuma ne Allah Ta'ala ke farman «la tuhar-rik bihi lisanaka lita'jala bihi» ”Aap Quran ko jalدی jaldi lene ke liye is par zaban ko na hilaya karein .“ Byaan kiya ke jab Jibraeel alaihissalam wahi le kar nazil hote to Rasool Allah salla Allahu alaihi wasallam apni zaban aur hont hilaya karte thay . Is ki wajah se Aap ke liye wahi yaad karne mein bahut baar parta tha aur yeh Aap ke chehre se bhi zahir ho jata thu . Is liye Allah Ta'ala ne yeh aayat jo Surah «la uqsimu bi-yawmil qiyamati» mein hai , nazil ki ke Aap Quran ko jaldi jaldi lene ke liye is par zaban ko na hilaya karein yeh to hamare zimma hai is ka jama karna aur is ka parhwana to jab hum usay parhne lagein to Aap is ke peeche peeche parha karein phir Aap ki zaban se is ki tafseer byaan kara dena bhi hamare zimma hai .“ Rawi ne byaan kiya ke phir jab Jibraeel alaihissalam aate to Aap sar jhuka lete aur jab wapas jaate to parhte jaisa ke Allah ne Aap se yaad karwane ka waada kiya tha ke tere dilli mein jama dena is ko parha dena hamara kaam hai phir Aap is ke muwafiq parhte .

Hum se Muslim bin Ibrahim ne byaan kiya , kaha hum se Jareer bin Hazim Azdi ne byaan kiya , kaha ke hum se Qatadah ne byaan ke main ne Anas bin Malik razi Allahu anhu se Nabi Karim salla Allahu alaihi wasallam ki tilawat e Quran Majeed ke mutalliq sawal kiya to unhon ne batlaya ke Nabi Karim salla Allahu alaihi wasallam in alfaz ko khainch kar parhte thay jin mein madd hota thu .

Hum se Amr bin Aasim ne byaan kiya , kaha hum se Hammam ne byaan kiya , in se Qatadah ne ke Anas razi Allahu anhu se poocha gaya ke Rasool Allah salla Allahu alaihi wasallam ki qirat kaisi thi ? Unhon ne byaan kiya ke madd ke saath . Phir Aap ne «bismillah-ir-rahman-ir-raheem» parha aur kaha ke «bismillah» (mein Allah ki laam) ko madd ke saath parhte «al-rahman» (mein meem) ko madd ke saath parhte aur «al-raheem» (mein haa ko) madd ke saath parhte .

Hum se Adam bin Abi Iyas ne byaan kiya , kaha hum se Shubah ne byaan kiya , kaha hum se Abu Iyas ne byaan kiya , kaha ke main ne Abdullah bin Mugaffal razi Allahu anhu se suna , unhon ne byaan kiya ke main ne Rasool Allah salla Allahu alaihi wasallam ko dekha ke Aap salla Allahu alaihi wasallam apni oontni ya oont par sawar ho kar tilawat kar rahe thay sawari chal rahi thi aur Aap salla Allahu alaihi wasallam Surah al-Fatah parh rahe thay ya (rawi ne yeh byaan kiya ke) Surah al-Fatah mein se parh rahe thay narmi aur aahistagi ke saath qirat kar rahe thay aur aawaz ko halaq mein dohrate thay .

Hum se Muhammad bin Khalaf Abu Bakr Asqalani ne byaan kiya , unhon ne kaha hum se Abu Yahya Hammani ne byaan kiya , unhon ne kaha hum se Burayd bin Abdullah bin Abi Burdah ne byaan kiya , un se un ke dada Abu Burdah ne aur un se Abu Musa Ash'ari razi Allahu anhu ne byaan kiya ke Rasool Allah salla Allahu alaihi wasallam ne farmaya ”Ae Abu Musa! Tujhe Dawood alaihissalam jaisi behtareen aawaz ata ki gayi hai .“

Hum se Umar bin Hafs bin Ghiyas ne byaan kiya , kaha hum se hamare walid ne , un se Aamash ne byaan kiya , un se Ibrahim ne , un se Ubaidah ne aur un se Abdullah bin Masood razi Allahu anhu ne byaan kiya ke mujh se Rasool Allah salla Allahu alaihi wasallam ne farmaya ke mujhe Quran Majeed parh kar sunao . Main ne arz kiya main Aap ko Quran sunaoon Aap par to Quran nazil hota hai . Nabi Karim salla Allahu alaihi wasallam ne farmaya ke main Quran Majeed doosre se sunna mahboob rakhta hoon .