Hum se Musaddad ne bayan kiya, kaha hum se Khalid ne bayan kiya, kaha hum se Haseen ne bayan kiya, in se Salim ne aur in se Jabir razi Allahu anhu ne bayan kiya ke hum mein se ek shakhs ke yahan bacha paida hua to unhon ne is ka naam Qasim rakkha. Sahabah ne in se kaha ke jab tak hum Nabi Karim salla Allahu alaihi wasallam se na pooch lein. Hum is naam par tumhari kuniyat nahi hone dein ge. Phir Nabi Karim salla Allahu alaihi wasallam ne farmaya ke mere naam par naam rakkho lekin meri kuniyat na ikhtiyar karo.

Hum se Musa ne bayan kiya, un se Abu ’Awaanah ne Abi Hussain ke waaste se naql kiya, woh Abu Saleh se riwayat karte hain, woh Abu Hurairah Radhiallahu Anhu se woh Rasoolullah Sallallahu Alaihi Wasallam se ke (apni aulaad) ka mere naam ke upar naam rakho. Magar meri kunniyat ikhtiyaar na karo aur jis shakhs ne mujhe khawaab mein dekha to bila-shubha us ne mujhe dekha. Kiunki shaitaan meri soorat mein nahi aa sakta aur jo shakhs mujh par jaan boojh kar jhoot bole woh dozakh mein apna thikana talaash kare.

Hum se Adam Bin Abi Iyas ne bayan kiya, kaha ke hum se Shuba ne bayan kiya, un se Humaid Taweel ne bayan kiya, aur un se Anas Bin Malik (Radi Allahu Anhu) ne ke Nabi Kareem (Sallallahu Alaihi Wasallam) ek martaba bazaar mein thay. Ke ek shakhs ne pukara ya Aba-al-Qasim! Aap (Sallallahu Alaihi Wasallam) ne is ki taraf dekha. (Kyunke Aap ki kuniyat Abu-al-Qasim hi thi) is par is shakhs ne kaha ke mein ne to is ko bulaya tha. (Yaani ek doosre shakhs ko jo Abu-al-Qasim hi kuniyat rakhta tha) Aap (Sallallahu Alaihi Wasallam) ne farmaya ke tum log mere naam par naam rakkha karo lekin meri kuniyat tum apne liye na rakkho
.

Hum se Malik Bin Ismail ne bayan kiya, kaha ke hum se Zubair ne bayan kiya, un se Humaid ne, aur un se Anas (Radi Allahu Anhu) ne ke ek shakhs ne Baqee mein (kisi ko) pukara ”Ae Abu-al-Qasim“ Nabi Kareem (Sallallahu Alaihi Wasallam) ne is ki taraf dekha, to is shakhs ne kaha ke mein ne aap ko nahi pukara. Is doosre aadmi ko pukara tha, Aap (Sallallahu Alaihi Wasallam) ne farmaya mere naam par naam rakkha karo lekin meri kuniyat na rakkha karo
.

Hum se Abu Waleed ne bayan kiya, kaha hum se Shuba ne bayan kiya, un se Sulaiman, Mansoor aur Qatada ne, unhon ne Salim Bin Abi Al-Jad se suna aur un se Jabir Bin Abdullah (Radi Allahu Anhuma) ne bayan kiya ke hum Ansariyion ke qabile mein ek Ansari ke ghar baccha paida ho to unhon ne bacche ka naam Muhammad rakhne ka irada kiya aur Shuba ne Mansoor se riwayat kar ke bayan kiya hai ke in Ansari ne bayan kiya (jin ke yahan baccha paida hua tha) ke mein bacche ko apni gardan par utha kar Nabi Kareem (Sallallahu Alaihi Wasallam) ki khidmat mein hazir hua. Aur Sulaiman ki riwayat mein hai ke un ke yahan baccha paida hua, to unhon ne is ka naam Muhammad rakhna chaha, Aap (Sallallahu Alaihi Wasallam) ne is par farmaya ke mere naam par naam rakho, lekin meri kuniyat (Abu-ul-Qasim) par kuniyat na rakhna, kyunke mujhe taqseem karne wala (Qasim) banaya gaya hai. Mein tum mein taqseem karta hoon, aur Husain ne (apni riwayat mein) yun bayan kiya, ke mujhe taqseem karne wala (Qasim) bana kar bheja gaya hai, mein tum mein taqseem karta hoon. Amr Bin Marzooq ne kaha ke humein Shuba ne khabar di, un se Qatada ne bayan kiya, unhon ne Salim se suna unhon ne Jabir (Radi Allahu Anhu) se ke in Ansari Sahabi ne apne bacche ka naam Qasim rakhna chaha tha to Nabi Kareem (Sallallahu Alaihi Wasallam) ne farmaya ke mere naam par naam rakho lekin kuniyat na rakho
.

Hum se Muhammad Bin Yusuf Bikandi ne bayan kiya, kaha hum se Sufyan Thauri ne bayan kiya, un se Aamash ne, un se Abu Salim ne, un se Abu-ul-Jad ne aur un se Jabir Bin Abdullah Ansari (Radi Allahu Anhuma) ne bayan kiya ke hamare qabile mein ek shakhs ke yahan baccha paida hua, to unhon ne is ka naam Qasim rakha, Ansar kehne lage ke hum tumhein Abu-ul-Qasim keh kar kabhi nahi pukareinge aur hum tumhari aankh thandi nahi kareinge ye sun kar wo Ansari Aap (Sallallahu Alaihi Wasallam) ke paas aya aur arz ki Ya Rasul Allah! Mere ghar ek baccha paida hua hai. Mein ne is ka naam Qasim rakha hai to Ansar kehte hain hum teri kuniyat Abu-ul-Qasim nahi pukareinge aur teri aankh thandi nahi kareinge. Aap (Sallallahu Alaihi Wasallam) ne farmaya "Ansar ne theek kaha hai mere naam par naam rakho, lekin meri kuniyat mat rakho, kyunke Qasim mein hoon."
.

Hum se Hafs Bin Umar ne bayan kiya, kaha hum se Shuba ne bayan kiya, un se Humaid ne aur un se Anas (Radi Allahu Anhu) ne bayan kiya ke Nabi Kareem (Sallallahu Alaihi Wasallam) bazar mein thay ke ek sahab ki aawaz aayi. Ya Aba Al-Qasim! Aap un ki taraf tawajjo hue (maloom hua ke unhon ne kisi aur ko pukara hai) is par Aap (Sallallahu Alaihi Wasallam) ne farmaya "Mere naam par naam rakkho lekin meri kuniyat mat rakkho
."

Hum se Muhammad Bin Kaseer ne bayan kiya, kaha hum ko Shuba ne khabar di, unhein Mansoor ne, unhein Salim Bin Abi Al-Jad ne aur unhein Jabir (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Mere naam par naam rakkha karo lekin meri kuniyat na rakkha karo
."

Hum se Ali Bin Abdullah ne bayan kiya, unhon ne kaha hum se Sufyan ne bayan kiya, un se Ayub ne, un se Ibn Sireen ne bayan kiya aur unhon ne Abu Hurairah (Radi Allahu Anhu) se suna, aap ne bayan kiya ke Abu Al-Qasim (Sallallahu Alaihi Wasallam) ne farmaya "Mere naam par naam rakkho lekin meri kuniyat na rakkha karo
."

Hum se Ali bin Abdullah ne bayan kiya, unhon ne kaha hum se Sufyan bin Uyaynah ne bayan kiya, in se Ayub Sakhtiyani ne, in se Muhammad bin Sireen ne aur unhon ne Abu Hurairah razi Allahu anhu se suna ke Abu al-Qasim salla Allahu alaihi wasallam ne farmaya ”mere naam par naam rakkho lekin meri kuniyat na rakkho.“

Hum se Adam bin Abi Iyas ne bayan kiya, kaha hum se Shubah ne bayan kiya, in se Haseen bin Abd-ur-Rahman ne, in se Salim bin Abi al-Jad ne aur in se Jareer bin Abdullah Ansari ne bayan kiya ke Rasool Allahsalla Allahu alaihi wasallam ne farmaya ”mere naam par naam rakkho, lekin meri kuniyat na ikhtiyar karo kyunke main Qasim (taqseem karne wala) hoon aur tumhare darmiyan (uloom e deen ko) taqseem karta hoon.“ Aur is riwayat ko Anas razi Allahu anhu ne bhi Nabi Karim salla Allahu alaihi wasallam se naqal kiya.

Hum se Musa bin Ismail ne bayan kiya, unhon ne kaha hum se Abu Awanah ne bayan kiya, unhon ne kaha hum se Abu Haseen ne bayan kiya, in se Abu Salih ne aur in se Abu Hurairah razi Allahu anhu ne bayan kiya ke Nabi Karim salla Allahu alaihi wasallam ne farmaya ”tum mere naam par naam rakkho lekin tum meri kuniyat na ikhtiyar karo aur jis ne mujhe khwab mein dekha to us ne mujhe hi dekha kyunke shaytan meri surat mein nahi aa sakta aur jis ne qasdan meri taraf koi jhooti baat mansub ki us ne apna thikana jahannum mein bana liya.“