Hum se Aasim bin Ali ne bayan kiya, unhon ne kaha hum se Ibn Abi Zaib ne Zuhri ke hawala se bayan kiya, unhon ne Salim se, unhon ne Ibn Umar Razi Allah Anhuma se, unhon ne farmaya ke Rasool Allah Sallallahu Alaihi Wasallam se ek aadmi ne poocha ke ihram bandhne wale ko kya pehnna chahiye. To Aap Sallallahu Alaihi Wasallam ne farmaya ke na qameez pehne na pajama, na baran coat aur na aisa kapra jis mein zafran laga hua ho aur na wars laga hua kapra, phir agar kisi shakhs ko jootiyan na milein (jin mein paon khula rehta ho) woh moze kaat kar pehen le taake woh takhnon se neeche ho jayen aur Ibn Abi Zaib ne is hadees ko Nafi se bhi riwayat kiya, unhon ne aisa hi Nabi Kareem Sallallahu Alaihi Wasallam se bhi riwayat kiya hai.

Hum se Adam ne bayan kiya, kaha un ko Ibn-e-Abi Zi’b ne Nafe’ ke waaste se khabar di, woh Abdullah bin Umar Radhiallahu Anhuma se riwayat karte hain, woh Rasoolullah Sallallahu Alaihi Wasallam se aur (doosri sanad mein) Zohri Salim se, kaha woh Ibn-e-Umar Radhiallahu Anhuma se, woh Nabi Kareem Sallallahu Alaihi Wasallam se riwayat karte hain ke ek shakhs ne Aap Sallallahu Alaihi Wasallam se poocha ke Ehraam baandhne waale ko kya pahanna chaahiye? Aap Sallallahu Alaihi Wasallam ne farmaaya ke na qamees pahne na Saafa baandhe aur na pajamah aur na koi Sarposh oodhe aur na koi Za’faran aur Wars se ranga huwa kapda pahne aur agar joote na milen to moze pahan le aur jnhein (is tarah) kaat de ke takhnon se neeche ho jaayen.

Hum se Abdullah bin Yusuf ne byaan kiya , unhon ne kaha ke humein Imam Malik ne khabar di , unhein Nafi ne aur unhein Abdullah bin Umar razi Allahu anhuma ne ke ek shakhs ne poocha ke Ya Rasool Allah! Muhrim ko kis tarah ka kapra pehanna chahiye ? Nabi Karim salla Allahu alaihi wasallam ne farmaya na kurta pehne , na amama baandhe , na pajama pehne , na baran-kot , na moze . Lekin agar us ke paas jooti na ho to woh moze is waqt pehan sakta hai jab takhnon ke neeche se in ko kaat liya ho . (Aur ahram mein) koi aisa kapra na pehno jis mein zafran ya wars laga hua ho . Abu Abdullah Imam Bukhari rahmatullah alaihi ne kaha ke muhrim apna sar dho sakta hai lekin kangha na kare . Badan bhi na khujlana chahiye aur joon sar aur badan se nikaal kar zameen par daali ja sakti hai .

Hum se Abdullah Bin Yazid ne bayan kiya, unhon ne kaha hum se Laith ne bayan kiya, un se Nafi ne bayan kiya aur un se Abdullah Bin Umar (Radi Allahu Anhuma) ne bayan kiya ke ek shakhs ne kharay ho kar poocha ya Rasul Allah! halat-e-ihram mein humein kaun se kapre pehnne ki ijazat dete hain ? To Nabi Kareem (Sallallahu Alaihi Wasallam) ne farmaya ke na qameez pehno na pajame, na amame aur na burnus. Agar kisi ke joote na hon to mauzon ko takhnon ke neeche se kaat kar pehen le. Isi tarah koi aisa libas na pehno jis mein zafran ya wars laga ho. Ihram ki halat mein aurtein munh par naqab na dalein aur dastane bhi na pehnein. Laith ke sath is riwayat ki mutabi’at Musa Bin Uqba aur Ismail Bin Ibrahim Bin Uqba aur Juwairiyah aur Ibn Ishaq ne naqab aur dastanon ke zikr ke silsile mein ki hai. Ubaidullah (Rahimahullah) ne «wa la wars» ka lafz bayan kiya wo kehte thay ke ihram ki halat mein aurat munh par na naqab dale aur na dastane istemal kare aur Imam Malik ne Nafi se bayan kiya aur unhon ne Abdullah Bin Umar (Radi Allahu Anhuma) se bayan kiya ke ihram ki halat mein aurat naqab na dale aur Laith Bin Abi Saleem ne Malik ki tarah riwayat ki hai
.

Hum se Ahmad Bin Yunus ne bayan kiya, unhon ne kaha ke hum se Ibrahim Bin Saad ne bayan kiya, unhon ne kaha ke hum se Ibn Shihab ne bayan kiya, un se Salim ne aur un se Abdullah Bin Umar (Radi Allahu Anhuma) ne bayan kiya ke Rasul Allah (Sallallahu Alaihi Wasallam) se poocha gaya ke muhrim kaun se kapre pehen sakta hai ? Aap (Sallallahu Alaihi Wasallam) ne farmaya ke qameez, amama, pajama aur burnus (kan-top ya baran-coat) na pehne aur na koi aisa kapra pehne jis mein zafran ya wars lagi ho aur agar jootiyan na hon to mauze pehen le, albatta is tarah kaat le ke takhnon se neeche ho jayein
.

Hum se Qutaybah bin Saeed ne bayan kiya , unhon ne kaha hum se Hammad bin Salama ne bayan kiya , in se Ayub Sakhtiyani ne bayan kiya , in se Nafi ne aur in se Abdullah bin Umar razi Allahu anhuma ne ke ek sahab ne arz kiya: ya Rasool Allah! Muhram kis tarah ka kapra pehne . Nabi Karim salla Allahu alaihi wasallam ne farmaya ke muhram qamees , pajama , burnus (topi ya sar par pehnne ki koi cheez) aur mozay nahi pehne ga albatta agar usay chappal na milein to mozon hi ko takhnon tak kaat kar pehan le woh hi jooti ki tarah ho jayein ge .

Hum se Ismail ne bayan kiya , unhon ne kaha ke mujh se Imam Malik ne bayan kiya , in se Nafi ne bayan kiya , in se Abdullah bin Umar razi Allahu anhuma ne bayan kiya ke ek shakhs ne arz kiya: ya Rasool Allah! Muhram kis tarah ka kapra pehne ? Nabi Karim salla Allahu alaihi wasallam ne farmaya (muhram ke liye) ke qamees na pehno , na amamay , na pajamay , na burnus aur na mozay albatta agar kisi ko chappal na mile to woh (chamre ke) mozon ko takhna se neeche tak kaat kar unhein pehan sakta hai aur na koi aisa kapra pehno jis mein zafran ya wars lagaya gaya ho .

Hum se Musa bin Ismail ne bayan kiya , unhon ne kaha hum se Juwayriyah ne bayan kiya , in se Nafi ne aur in se Abdullah ne bayan kiya ke ek sahab ne khare ho kar arz kiya: ya Rasool Allah! Ihram baandhne ke baad hamain kis cheez ke pehnne ka hukm hai ? Farmaya ke qamees na pehno , na pajamay , na amamay , na burnus aur na mozay pehno . Albatta agar kisi ke paas chappal na hon to woh chamre ke aise mozay pehne jo takhnon se neeche hon aur koi aisa kapra na pehno jis mein zafran aur wars laga hua ho .

Hum se Ali bin Abdullah Madini ne bayan kiya , unhon ne kaha hum se Sufyan Sawri ne bayan kiya , unhon ne kaha ke main ne Zuhri se suna , unhon ne kaha ke mujhe Salim ne khabar di , unhein in ke walid (Abdullah bin Umar razi Allahu anhuma) ne khabar di ke Nabi Karim salla Allahu alaihi wasallam ne farmaya ke muhram qamees na pehne , na amama pehne , na pajama , na burnus aur na koi aisa kapra pehne jis mein zafran aur wars laga ho aur na mozay pehne albatta agar kisi ko chappal na milein to mozon ko takhnon ke neeche tak kaat de (phir pehne) .