Hum se Malik Bin Ismail ne bayan kiya, kaha hum se Abdul Aziz Bin Abi Salama ne bayan kiya, kaha hum ko Ibn Shihab ne khabar di Salim Bin Abdullah se aur un se Abdullah Bin Umar (Radi Allahu Anhuma) ne bayan kiya ke Rasul Allah (Sallallahu Alaihi Wasallam) ne farmaya "Bilal (Radi Allahu Anhu) raat mein azan dete hain. Is liye tum log seheri kha pee sakte ho yahan tak ke (fajr ke liye) doosri azan pukari jaye." Ya (ye farmaya) yahan tak ke "Abdullah Ibn Umm-e-Maktum (Radi Allahu Anhu) ki azan sun lo." Abdullah Ibn Umm-e-Maktum (Radi Allahu Anhu) nabina thay aur jab tak un se kaha na jata subah ho gayi hai, wo azan nahi dete thay
.

Hum se Abdullah bin Maslama Qanabi ne bayan kiya Imam Malik se , unhon ne Ibn Shihab se , unhon ne Salim bin Abdullah bin Umar raziyallahu anhuma se , unhon ne apne walid Abdullah bin Umar se ke Rasool Allah salla Allahu alaihi wa sallam ne farmaya ke dekho Bilal raziyallahu anhu raat rahe azan dete hain . Is liye tum log khaate peete raho . Yahan tak ke Ibn Umm Maktum azan den . Raawi ne kaha ke woh nabina thay aur is waqt tak azan nahi dete thay jab tak un se kaha na jata ke subah ho gayi . Subah ho gayi .

Hum se Abdullah bin Yusuf Tinnisi ne bayan kiya , kaha ke humein Imam Malik ne Abdullah bin Dinar se khabar di , unhon ne Abdullah bin Umar raziyallahu anhuma se ke Rasool Allah salla Allahu alaihi wa sallam ne farmaya , dekho Bilal raziyallahu anhu raat rahe mein azan dete hain , is liye tum log sehri kha pi sakte ho . Jab tak Ibn Umm Maktum azan na den .

Hum se Ahmad bin Yunus ne bayan kiya , kaha ke hum se Zuhair bin Muawiya Jafi ne bayan kiya , kaha ke hum se Sulaiman bin Tarkhan Taimi ne bayan kiya Abu Usman Abdur Rahman Nahdi se , unhon ne Abdullah bin Masood raziyallahu anhu se , unhon ne Nabi Karim salla Allahu alaihi wa sallam se ke aap salla Allahu alaihi wa sallam ne farmaya ke Bilal ki azan tumhein sehri khane se na rok de kyunke woh raat rahe se azan dete hain ya yeh kaha ke pukarte hain . Taake jo log ibadat ke liye jage hain woh aaram karne ke liye lot jayen aur jo abhi soye hue hain woh hoshiyar ho jayen . Koi yeh na samajh baithe ke fajr ya subah sadiq ho gayi aur aap ne apni ungliyon ke ishare se tulu subah ki kaifiyat batayi . Ungliyon ko upar ki taraf uthaya aur phir aahista se unhein neechay laye aur phir farmaya ke is tarah fajr hoti hai Zuhair raawi ne bhi shahadat ki ungli ek doosri par rakhi , phir unhein dayen bayen janib phela diya .

Imam Bukhari rahimahullah ne kaha ke mujh se Yusuf bin Isa ne bayan kiya , unhon ne kaha ke hum se Fazl bin Moosa ne , kaha ke hum se Ubaidullah bin Umar ne Qasim bin Muhammad se bayan kiya , unhon ne Aisha raziyallahu anha se , unhon ne Nabi Karim salla Allahu alaihi wa sallam se ke aap salla Allahu alaihi wa sallam ne farmaya ke Bilal raat rahe mein azan dete hain . Abdullah Ibn Umm Maktum ki azan tak tum sehri kha pi sakte ho .

Hum se Ubaid Bin Ismail ne bayan kiya, kaha hum se Abu Usamah ne, un se Ubaidullah ne, un se Nafi ne aur un se Ibn Umar (Radi Allahu Anhuma) ne aur (Ubaidullah Bin Umar Radi Allahu Anhuma ne yehi riwayat) Qasim Bin Muhammad se aur unhon ne Aisha (Radi Allahu Anha) se ke Bilal (Radi Allahu Anhu) kuch raat rahe se azan de diya karte thay is liye Rasul Allah (Sallallahu Alaihi Wasallam) ne farmaya ke jab tak Ibn Umm-e-Maktum (Radi Allahu Anhu) azan na dein tum khate peete raho kyunke wo subah sadiq ke tulu se pehle azan nahi dete. Qasim ne bayan kiya ke donon (Bilal aur Umm-e-Maktum Radi Allahu Anhuma) ki azan ke darmiyan sirf itna fasla hota tha ke ek charhte to doosre utarte
.

Aur Layth ne byaan kiya ke in se Jafar bin Rabee ne byaan kiya , in se Abdur Rahman bin Hurmuz ne , unhon ne Abu Hurairah razi Allahu anhu se suna ke Rasool Allah salla Allahu alaihi wasallam ne farmaya ke bakheel aur sakhi ki misal do aadmiyon jaisi hai jin par lohe ki do zirahein seene se gardan tak hain . Sakhi jab bhi koi cheez kharch karta hai to zirah is ke chamray par dheeli ho jati hai aur is ke paon ki ungliyon tak pahunch jati hai (aur phail kar itni barh jati hai ke) is ke nishan e qadam ko mitati chalti hai lekin bakheel jab bhi kharch ka irada karta hai to is ki zirah ka har halqa apni apni jagah chimat jata hai , woh usay dheela karna chahta hai lekin woh dheela nahi hota . Is waqt Aap ne apni ungli se apne halaq ki taraf isharah kiya .

`Hum se Masaddad ne bayan kiya, kaha hum se Yahya Qattan ne, un se Sulaiman Taimi ne, un se Abu Usman Nahdi ne, un se Abdullah bin Masood Radi Allahu Anhu ne bayan kiya ke Rasul Allah صلی اللہ علیہ وسلم ne farmaya ”Kisi shakhs ko Bilal Radi Allahu Anhu ki azan sehri khane se na roke kyunke wo sirf is liye azan dete hain ya nida karte hain taake jo namaz ke liye bidaar hain wo wapas aa jayein aur jo soye hue hain wo bidaar ho jayein aur fajr wo nahi hai jo is tarah lambi dhaar hoti hai. Yahya ne is ke izhaar ke liye apne donon haath milaye aur kaha yahan tak ke wo is tarah zahir ho jaye aur is ke izhaar ke liye unhon ne apni donon shahadat ki ungliyon ko phaila kar batlaya.“

`Hum se Musa bin Ismail ne bayan kiya, kaha hum se Abdul Aziz bin Muslim ne bayan kiya, kaha hum se Abdullah bin Dinar ne bayan kiya, unhon ne Abdullah bin Umar Radi Allahu Anhuma se suna ke Nabi Kareem صلی اللہ علیہ وسلم ne farmaya ”Bilal (Ramzan mein) raat hi mein azan dete hain (wo namaz-e-fajr ki azan nahi hoti) pas tum khao piyo, yahan tak ke Abdullah ibn-e-Umm-e-Maktum azan dein (to khana peena band kar do).“