Hum se Ishaq Wasiti ne bayan kiya, kaha ke hum se Khalid Tahhan ne Khalid Hazza se bayan kiya, un se Ikrima ne, un se Abdullah Bin Abbas (Radi Allahu Anhuma) ne ke Rasul Allah (Sallallahu Alaihi Wasallam) ne Bait Allah ka tawaf ont par sawar ho kar kiya. Aap (Sallallahu Alaihi Wasallam) jab bhi (tawaf karte hue) Hajar-e-Aswad ke nazdeek aate to apne hath ko ek cheez (chari) se ishara karte aur takbeer kehte
.

Amr bin Dinar ne kaha, hum ne Jabir bin Abdullah Razi Allah Anhu se bhi yeh masla poocha to Aap ne bhi yehi farmaya ke woh biwi ke qareeb bhi is waqt tak na jaye jab tak Safa aur Marwah ki sayi na kar le.

Aur Muhammad bin Bakr ne kaha ke humein Ibn Juraij ne khabar di , unhon ne kaha mujh ko Amru bin Dinar ne khabar di ke Abul Shatha ne kaha Baitullah ke kisi bhi hissa se bhala kaun parhez kar sakta hai . Aur Muawiyah razi Allahu anhu chaaron rukno ka istilam karte thay , is par Abdullah bin Abbas razi Allahu anhuma ne in se kaha ke hum in do arkaan-e-shami aur iraqi ka istilam nahi karte to Muawiyah razi Allahu anhu ne farmaya ke Baitullah ka koi juz aisa nahi jisay chhor diya jaye aur Abdullah bin Zubayr razi Allahu anhuma bhi tamam arkaan ka istilam karte thay .

Hum se Muhammad bin Musanna ne byaan kiya , kaha ke hum se Abdul Wahab ne byaan kiya , kaha ke hum se Khalid Hazza ne Ikrimah se byaan kiya , un se Ibn Abbas razi Allahu anhuma ne ke Nabi Karim salla Allahu alaihi wasallam ek oontni par (sawar ho kar Kaaba ka) tawaf kar rahe thay aur jab bhi Aap salla Allahu alaihi wasallam Hajr-e-Aswad ke saamne puhanchte to kisi cheez se us ki taraf ishaara karte thay .

Hum se Musaddad ne byaan kiya , kaha ke hum se Khalid bin Abdullah ne byaan kiya , kaha ke hum se Khalid Hazza ne byaan kiya , un se Ikrimah ne aur un se Ibn Abbas razi Allahu anhuma ne byaan kiya Nabi Karim salla Allahu alaihi wasallam ne Baitullah ka tawaf ek oontni par sawar reh kar kiya . Jab bhi Aap salla Allahu alaihi wasallam Hajr-e-Aswad ke saamne puhanchte to kisi cheez se us ki taraf ishaara karte aur takbeer kehte . Khalid Tahhan ke saath is hadees ko Ibrahim bin Tahman ne bhi Khalid Hazza se riwayat kiya hai .

Amr ne kaha ke phir mein ne Jabir Bin Abdullah (Radi Allahu Anhuma) se is ke mutaliq maloom kiya to unhon ne bataya ke Safa Marwah ki sayee se pehle apni biwi ke qareeb bhi na jaye
.

Hum se Adam Bin Abi Iyas ne bayan kiya, unhon ne kaha ke hum se Shuba ne bayan kiya unhon kaha ke um se Amr Bin Dinar ne bayan kiya, unhon ne kaha ke mein ne Ibn Umar (Radi Allahu Anhuma) se suna, unhon ne kaha ke Nabi Kareem (Sallallahu Alaihi Wasallam) (Makkah mein) tashreef laye to Aap (Sallallahu Alaihi Wasallam) ne Khana Kaabah ka saat chakron se tawaf kiya aur Maqam-e-Ibrahim ke peeche do rakat namaz parhi phir Safa ki taraf (sayee karne) gaye aur Allah Ta'ala ne farmaya hai ke tumhare liye Rasul Allah (Sallallahu Alaihi Wasallam) ki zindagi behtareen namuna hai
.

Hum ne is ke mutaliq Jabir Bin Abdullah (Radi Allahu Anhuma) se bhi poocha to Aap ne farmaya ke Safa aur Marwah ki sayee se pehle biwi ke qareeb bhi na jaye
.

Hum se Makki Bin Ibrahim ne bayan kiya, un se Ibn Jurayj ne bayan kiya ke mujhe Amr Bin Dinar ne khabar di, kaha ke mein ne Abdullah Bin Umar (Radi Allahu Anhuma) se suna, Aap ne kaha ke Nabi Kareem (Sallallahu Alaihi Wasallam) jab Makkah tashreef laye to Aap ne Bait Allah ka tawaf kiya aur do rakat namaz parhi phir Safa aur Marwah ki sayee ki. Is ke baad Abdullah (Radi Allahu Anhu) ne ye ayat tilawat ki «Laqad Kana Lakum Fee Rasulillahi Uswatun Hasanah» "Tumhare liye Rasul Allah (Sallallahu Alaihi Wasallam) ki zindagi behtareen namuna hai."
.

Hum se Abul Numan ne bayan kiya, kaha ke hum se Abu Awana ne bayan kiya, un se Mansoor ne, un se Ibrahim Nakhai ne, un se Aswad ne aur un se Aisha (Radi Allahu Anha) ne bayan kiya ke hum Nabi Kareem (Sallallahu Alaihi Wasallam) ke sath nikle, hamari niyat Haj ke siwa aur kuch na thi. Phir jab Nabi Kareem (Sallallahu Alaihi Wasallam) (Makkah) pohanche to Aap (Sallallahu Alaihi Wasallam) ne Bait Allah ka tawaf aur Safa aur Marwah ki sayee ki, lekin Aap (Sallallahu Alaihi Wasallam) ne ihram nahi khola kyunke Aap ke sath qurbani thi. Aap (Sallallahu Alaihi Wasallam) ke sath Aap (Sallallahu Alaihi Wasallam) ki biwiyon ne aur digar ashab ne bhi tawaf kiya aur jin ke sath qurbani nahi theen unhon ne (is tawaf-o-sayee ke baad) ihram khol diya lekin Aisha (Radi Allahu Anha) haiza ho gayi theen, sab ne apne Haj ke tamam manasik ada kar liye thay, phir jab Lailat-ul-Hasba yani rawangi ki raat aayi to Aisha (Radi Allahu Anha) ne arz ki Ya Rasul Allah (Sallallahu Alaihi Wasallam) Aap (Sallallahu Alaihi Wasallam) ke tamam saathi Haj aur Umrah dono kar ke ja rahe hain sirf mein Umrah se mahroom hoon, Aap (Sallallahu Alaihi Wasallam) ne farmaya ke acha jab hum aaye thay to tum (haiz ki wajah se) Bait Allah ka tawaf nahi kar saki theen? Mein ne kaha ke nahi, Aap (Sallallahu Alaihi Wasallam) ne farmaya ke phir apne bhai ke sath Taneem chali ja aur wahan se Umrah ka ihram bandh (aur Umrah kar) hum tumhara falan jagah intizar karein ge, chunancha mein apne bhai (Abdul Rahman Radi Allahu Anhu) ke sath Taneem gayi aur wahan se ihram bandha. Isi tarah Safiya Bint Huyayy (Radi Allahu Anha) bhi haiza ho gayi theen Nabi Kareem (Sallallahu Alaihi Wasallam) ne unhein (azrah-e-muhabbat) farmaya «Aqra Halqa» , to, tu humein rok le gi, kya tu ne qurbani ke din tawaf-e-ziyarat nahi kiya tha? Wo boleen ke kiya tha, is par Aap (Sallallahu Alaihi Wasallam) ne farmaya ke phir koi haraj nahi, chalee chalo. Mein jab aap tak pohanchi to Aap (Sallallahu Alaihi Wasallam) Makkah ke balayi ilaqa par charh rahe thay aur mein utar rahi thi ya ye kaha ke mein charh rahi thi aur Nabi Kareem (Sallallahu Alaihi Wasallam) utar rahe thay. Musaddad ki riwayat mein (Rasul Allah Sallallahu Alaihi Wasallam ke kehne par) haan ke bajaye nahi hai, is ki mutabiat Jareer ne Mansoor ke waste se ”nahi“ ke zikr mein ki hai
.

Unhon ne bayan kiya ke hum ne Jabir Bin Abdullah (Radi Allahu Anhuma) se bhi is ke mutaliq sawal kiya to aap ne farmaya Safa aur Marwah ki sayee se pehle apni biwi ke qareeb bhi na jana chahiye
.

Hum se Muhammad Bin Bashar ne bayan kiya, un se Ghundar Bin Muhammad Bin Jafar ne bayan kiya, un se Shuba ne bayan kiya, un se Qais Bin Muslim ne bayan kiya, un se Tariq Bin Shihab ne bayan kiya, aur un se Abu Musa Ashari ne bayan kiya, unhon ne bayan kiya ke mein Nabi Kareem (Sallallahu Alaihi Wasallam) ki khidmat mein Batha mein hazir hua aap wahan (Haj ke liye jate hue utre hue thay) Aap (Sallallahu Alaihi Wasallam) ne daryaft farmaya ke kya tumhara Haj hi ka irada hai? Mein ne kaha, ji haan. Aap (Sallallahu Alaihi Wasallam) ne poocha aur ihram kis cheez ka bandha hai? Mein ne kaha mein ne isi ka ihram bandha hai, jis ka Nabi Kareem (Sallallahu Alaihi Wasallam) ne ihram bandha ho, Aap (Sallallahu Alaihi Wasallam) ne farmaya tu ne acha kiya, ab Bait Allah ka tawaf aur Safa aur Marwah ki sayee kar le phir ihram khol daal, chunancha mein ne Bait Allah ka tawaf kiya aur Safa aur Marwah ki sayee, phir mein Bano Qais ki ek aurat ke paas aaya aur unhon ne mere sar ki juein nikaleen, is ke baad mein ne Haj ka ihram bandha. Mein (Nabi Kareem Sallallahu Alaihi Wasallam ki wafat ke baad) isi ke mutabiq logon ko masla bataya karta tha, jab Umar (Radi Allahu Anhu) ki khilafat ka dour aaya to aap (Radi Allahu Anhu) ne farmaya ke humein Kitab Allah par amal karna chahe ke is mein humein (Haj aur Umrah) poora karne ka hukum hua hai aur Rasul Allah (Sallallahu Alaihi Wasallam) ki sunnat par amal karna chahiye ke is waqt Aap (Sallallahu Alaihi Wasallam) ne ihram nahi khola tha jab tak hadyi ki qurbani nahi ho gayi thi. Lehaza hadyi sath lane walon ke waste aisa hi karne ka hukum hai
.

Mujh se Bayan bin Amr ne byaan kiya , kaha hum se Nadr bin Shumayl ne byaan kiya , unhein Shubah ne khabar di , un se Qays bin Muslim ne byaan kiya , unhon ne Tariq bin Shihab se suna aur un se Abu Musa Ash'ari razi Allahu anhu ne byaan kiya ke main Rasool Allah salla Allahu alaihi wasallam ki khidmat mein hazir hua . Is waqt Aap salla Allahu alaihi wasallam Wadi e Bathaa (sang-rezi zameen) mein qiyam kiye huay thay . Aap ne poocha tum ne hajj ka ihram bandh liya ? Main ne arz kiya ke ji haan . Daryaft farmaya , ihram kis tarah bandha hai ? Arz kiya (is tarah) ke main bhi isi tarah ihram bandhta hoon jis tarah Nabi Karim salla Allahu alaihi wasallam ne bandha hai . Aap salla Allahu alaihi wasallam ne farmaya ke pehle (umrah karne ke liye) Bayt Allah ka tawaf kar , phir Safa aur Marwah ki sayi kar , phir halal ho ja . Chunanche main Bayt Allah ka tawaf aur Safa aur Marwah ki sayi kar ke qabila Qays ki ek aurat ke ghar aaya aur unhon ne mere sar se juein nikalein .

Hum se Ahmad bin Salih aur Yahya bin Sulayman ne byaan kiya , unhon ne byaan kiya ke hum se Abdullah bin Wahab ne byaan kiya , kaha ke humein Yunus ne Ibn Shihab se khabar di , unhein Ubaidullah bin Abdullah ne aur un se Ibn Abbas razi Allahu anhuma ne byaan kiya ke Nabi Karim salla Allahu alaihi wasallam ne Hajjat-ul-Wada ke mauqe par apni oontni par tawaf kiya tha aur Aap salla Allahu alaihi wasallam Hajr-e-Aswad ka istilam ek chhari ke zariya kar rahe thay aur is chhari ko choomte thay . Aur Yunus ke saath is hadees ko Dara-wardi ne Zuhri ke bhatije se riwayat kiya aur unhon ne apne chacha (Zuhri) se .