Hum se Shihab bin Abbad ne byaan kiya , unhon ne kaha ke hamein Ibrahim bin Humaid ne khabar di , unhein Ismail bin Abi Khalid ne , unhein Qais bin Abi Hazim ne aur unhon ne kaha ke main ne Abu Masood Ansari razi Allahu anhu se suna ke Nabi Karim salla Allahu alaihi wasallam ne farmaya sooraj aur chand mein gahan kisi shakhs ki maut se nahi lagta . Yeh dono to Allah Ta'ala ki qudrat ki nishaniyan hain . Is liye ise dekhte hi kharay ho jao aur namaaz parho .

Hum se Amr bin Awn ne byaan kiya , unhon ne kaha ke hum se Khalid bin Abdullah ne Yunus se byaan kiya , in se Imam Hasan Basri ne byaan kiya , in se Abu Bakrah Nufee bin Harith razi Allahu anhu ke hum Nabi Karim salla Allahu alaihi wasallam ki khidmat mein hazir thay ke sooraj ko gahan lagna shuroo hua . Nabi Karim salla Allahu alaihi wasallam (uth kar jaldi mein) chadar ghaseet-te hue masjid mein gaye . Sath hi hum bhi gaye Aap salla Allahu alaihi wasallam ne hamein do rakat namaaz parhayi ta-aan-ke sooraj saaf ho gaya . Phir Aap salla Allahu alaihi wasallam ne farmaya ke sooraj aur chand mein gahan kisi ki maut o halakat se nahi lagta lekin jab tum gahan dekho to us waqt namaaz aur dua karte raho jab tak gahan khul na jaye .

Hum se Asbagh bin Farah ne byaan kiya , unhon ne kaha ke mujhe Abdullah bin Wahb ne khabar di , unhon ne kaha ke mujhe Amr bin Harith ne Abdur Rahman bin Qasim se khabar di , unhein in ke baap Qasim bin Muhammad ne aur unhein Abdullah bin Umar razi Allahu anhuma ne Nabi Karim salla Allahu alaihi wasallam se khabar di ke Aap salla Allahu alaihi wasallam ne farmaya sooraj aur chand mein gahan kisi ki maut o zindagi se nahi lagta balkay yeh Allah Ta'ala ki nishaniyon mein se do nishaniyan hain , is liye jab tum yeh dekho to namaaz parho .

Hum se Abdullah bin Muhammad Musnadi ne byaan kiya , unhon ne kaha ke hum se Hashim bin Qasim ne byaan kiya , unhon ne kaha ke hum se Shaiban Abu Muawiyah ne byaan kiya , in se Ziyad bin Ilaqa ne byaan kiya , in se Mughirah bin Shubah razi Allahu anhu ke Rasool Allah salla Allahu alaihi wasallam ke zamana mein sooraj gahan is din laga jis din (Aap salla Allahu alaihi wasallam ke sahibzade) Ibrahim razi Allahu anhu ka intiqal hua baaz log kehne lage ke gahan Ibrahim razi Allahu anhu ki wafat ki wajah se laga hai . Is liye Rasool Allah salla Allahu alaihi wasallam ne farmaya ke gahan kisi ki maut o hayat se nahi lagta . Albatta tum jab ise dekho to namaaz parha karo aur dua kiya karo .

Hum se Abdullah bin Muslimah Qanabi ne byaan kiya , in se Imam Malik ne byaan kiya , in se Hisham bin Urwah ne byaan kiya , in se in ke baap Urwah bin Zubayr razi Allahu anhu ne byaan kiya , in se Umm ul-Momineen Aisha Siddiqa razi Allahu anha ke Rasool Allah salla Allahu alaihi wasallam ke zamana mein sooraj gahan hua to Aap ne logun ko namaaz parhayi . Pehle Aap salla Allahu alaihi wasallam kharay hue to bari der tak kharay rahe , qiyam ke baad ruku kiya aur ruku mein bahut der tak rahe . Phir ruku se uthne ke baad der tak dobara kharay rahe lekin Aap salla Allahu alaihi wasallam ke pehle qiyam se kuch kam , phir ruku kiya to bari der tak ruku mein rahe lekin pehle se mukhtasar , phir sajda mein gaye aur der tak sajda ki haalat mein rahe . Doosri rakat mein bhi Aap salla Allahu alaihi wasallam ne isi tarah kiya , jab Aap salla Allahu alaihi wasallam farigh hue to gahan khul chuka tha . Is ke baad Aap salla Allahu alaihi wasallam ne khutbah diya Allah Ta'ala ki hamd o sana ke baad farmaya ke sooraj aur chand dono Allah ki nishaniyan hain aur kisi ki maut o hayat se in mein gahan nahi lagta . Jab tum gahan laga hua dekho to Allah se dua karo takbeer kaho aur namaaz parho aur sadqa karo . Phir Aap salla Allahu alaihi wasallam ne farmaya ay Muhammad ki ummat ke logun! dekho is baat par Allah Ta'ala se zyada ghairat aur kisi ko nahi aati ke is ka koi banda ya bandi zina kare , ay ummat-e-Muhammad! wallah jo kuch main jaanta hoon agar tumhein bhi maloom ho jaye to tum hanste kam aur rote zyada .

Hum se Qutaibah bin Saeed ne byaan kiya , kaha ke hum se Hammad bin Zaid ne byaan kiya , un se Yunus bin Ubaid ne , un se Imam Hasan Basri ne , un se Abu Bakrah razi Allahu anhu ne ke Rasool Allah salla Allahu alaihi wasallam ne farmaya sooraj aur chaand donon Allah Ta'ala ki nishaniyan hain aur kisi ki maut o hayaat se un mein grahan nahi lagta balke Allah Ta'ala is ke zariye apne bandon ko darata hai . Abdul Waris , Shu'bah , Khalid bin Abdullah aur Hammad bin Salamah in sab hafizon ne Yunus se yeh jumla ke ”Allah Ta'ala un ko grahan kar ke apne bandon ko darata hai“ byaan nahi kiya aur Yunus ke saath is hadees ko Musa ne Mubarak bin Fudalah se , unhon ne Imam Hasan Basri se riwayat kiya . Is mein yun hai ke Abu Bakrah razi Allahu anhu ne Nabi Karim salla Allahu alaihi wasallam se sun kar mujh ko khabar di ke Allah Ta'ala un ko grahan kar ke apne bandon ko darata hai aur Yunus ke saath is hadees ko Ash'as bin Abdullah ne bhi Imam Hasan Basri se riwayat kiya .

Hum se Musaddad ne byaan kiya , kaha ke hum se Yahya Qattan ne Ismail bin Abi Khalid se byaan kiya , kaha ke mujh se Qais ne byaan kiya , un se Abu Masood Uqbah bin Aamir Ansari Sahabi razi Allahu anhu ne byaan kiya ke Rasool Allah salla Allahu alaihi wasallam ne farmaya sooraj aur chaand mein grahan kisi ki maut ki wajah se nahi lagta albatta yeh donon Allah Ta'ala ki nishaniyan hain , is liye jab tum grahan dekho to namaaz parho .

Hum se Abdullah bin Muhammad Musnadi ne byaan kiya , unhon ne kaha ke hum se Hisham ne byaan kiya , unhon ne kaha ke hamen Ma'mar ne khabar di , unhen Zuhri aur Hisham bin Urwah ne , unhen Urwah bin Zubair ne , unhen Ayesha Siddiqa razi Allahu anha ne ke Rasool Allah salla Allahu alaihi wasallam ke zamana mubarak mein sooraj ko grahan laga to Aap salla Allahu alaihi wasallam kharay huay aur logon ke saath namaaz mein mashghool ho gaye . Aap salla Allahu alaihi wasallam ne lambi qiraat ki . Phir ruku kiya aur yeh bhi bohat lamba tha . Phir sar uthaya aur is martaba bhi der tak qiraat ki magar pehli qiraat se kam . Is ke baad Aap salla Allahu alaihi wasallam ne (doosri martaba) ruku kiya bohat lamba lekin pehle ke muqabla mein mukhtasir phir ruku se sar utha kar Aap salla Allahu alaihi wasallam sajdah mein chale gaye aur do sajday kiye phir kharay huay aur doosri rakat mein bhi isi tarah kiya jaise pehli rakat mein kar chuke thay . Is ke baad farmaya ke sooraj aur chaand mein grahan kisi ki maut o hayaat se nahi lagta . Albatta yeh donon Allah Ta'ala ki nishaniyan hain jinhen Allah Ta'ala apne bandon ko dikhata hai , is liye jab tum unhen dekho to foran namaaz ke liye dauro .

Hum se Muhammad bin Ala ne byaan kiya , kaha ke hum se Abu Usamah ne byaan kiya , un se Buraid bin Abdullah ne , un se Abu Burdah ne , un se Abu Musa Ash'ari razi Allahu anhu ne ke aik dafa sooraj grahan hua to Nabi Karim salla Allahu alaihi wasallam bohat ghabra kar uthay is dar se ke kahin Qayamah na qaim ho jaye . Aap salla Allahu alaihi wasallam ne masjid mein aa kar bohat hi lamba qayam , lamba ruku aur lambe sajdon ke saath namaaz parhi . Main ne kabhi Aap salla Allahu alaihi wasallam ko is tarah karte nahi dekha tha . Aap salla Allahu alaihi wasallam ne namaaz ke baad farmaya ke yeh nishaniyan hain jinhen Allah Ta'ala bhejta hai yeh kisi ki maut o hayaat ki wajah se nahi aatin balke Allah Ta'ala un ke zariye apne bandon ko darata hai is liye jab tum is tarah ki koi cheez dekho to foran Allah Ta'ala ke zikr aur us se istighfar ki taraf lapko .

Aur Abu Usamah ne byaan kiya ke hum se Hisham bin Urwah ne byaan kiya , unhon ne kaha ke mujhe Fatimah bint Munzir ne khabar di , un se Asma bint Abi Bakr razi Allahu anhuma ne farmaya ke jab sooraj saaf ho gaya to Rasool Allah salla Allahu alaihi wasallam namaaz se farigh huay aur Aap salla Allahu alaihi wasallam ne khutbah diya . Pehle Allah Ta'ala ki shaan ke mutabiq us ki tareef ki is ke baad farmaya «amma ba'ad» .

Hum se Abu Muammar ne byaan kiya , kaha ke hum se Abdul Waris ne byaan kiya , kaha ke hum se Yunus ne byaan kiya , un se Imam Hasan Basri ne , un se Abu Bakrah ne ke Rasool Allah salla Allahu alaihi wasallam ke zamane mein sooraj grahan laga to Aap salla Allahu alaihi wasallam apni chadar ghaseet-te huay (bari tezi se) masjid mein pohanche . Sahaba bhi jama ho gaye . Phir Aap salla Allahu alaihi wasallam ne unhen do rakat namaaz parhayi , grahan bhi khatam ho gaya . Is ke baad Aap salla Allahu alaihi wasallam ne farmaya ke sooraj aur chaand Allah Ta'ala ki nishanion mein se do nishaniyan hain aur un mein grahan kisi ki maut par nahi lagta is liye jab grahan lage to us waqt tak namaaz aur dua mein mashghool raho jab tak yeh saaf na ho jaye . Yeh Aap salla Allahu alaihi wasallam ne is liye farmaya ke Nabi Karim salla Allahu alaihi wasallam ke aik sahibzade Ibrahim razi Allahu anhu ki wafaat (isi din) hui thi aur baaz log un ke mutaliq kehne lage thay (ke grahan un ki maut par laga hai) .

Hum se Yahya Bin Sulaiman ne bayan kiya, kaha ke mujh se Abdullah Bin Wahb ne bayan kiya, kaha ke mujhe Amr Bin Harith ne khabar di, un se Abdur Rahman Bin Qasim ne bayan kiya, un se un ke baap Qasim Bin Muhammad Bin Abi Bakr ne aur un se Abdullah Bin Umar (Radi Allahu Anhuma) ne bayan kiya wo Nabi Kareem (Sallallahu Alaihi Wasallam) se naql karte thay ke Aap (Sallallahu Alaihi Wasallam) ne farmaya ke sooraj aur chand mein kisi ki maut-o-hayat ki wajah se grahan nahi lagta. Balki ye Allah Ta'ala ki nishaniyon mein se ek nishani hain. Is liye jab tum un ko dekho to namaz parha karo
.

Hum se Ismail Bin Abi Uwais ne bayan kiya, unhon ne kaha ke mujh se Imam Malik ne bayan kiya, un se Zaid Bin Aslam ne, un se Ata Bin Yasar ne aur un se Abdullah Bin Abbas (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne farmaya "Sooraj aur chand Allah Ta'ala ki nishaniyon mein se do nishaniyan hain kisi ki maut-o-hayat se un mein grahan nahi lagta. Is liye jab tum grahan dekho to Allah ki yaad mein lag jaya karo."
.

Hum se Muhammad Bin مثنیٰ ne bayan kiya, unhon ne kaha hum se Yahya Bin Said Qattan ne bayan kiya, un se Ismail Abi Khalid ne bayan kiya, kaha ke hum se Qais Bin Abi Hazim ne bayan kiya aur un se Abu Masood Ansari (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya "Sooraj aur chand mein kisi ki maut ya hayat par grahan nahi lagta. Balki ye Allah ki nishaniyon mein se nishani hain is liye jab tum in mein grahan dekho to namaz parho."
.

Hum se Qutaiba ne bayan kiya, unhon ne kaha hum se Laith Bin Saad ne bayan kiya, un se Jafar Bin Rabi'a ne, un se Aaraj ne bayan kiya aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya "Jab murg ki baang suno to Allah se is ke fazl ka sawal kiya karo, kyunke us ne farishte ko dekha hai aur jab gadhe ki awaz suno to shaitan se Allah ki panah mango kyunke us ne shaitan ko dekha hai."
.

Hum se Ishaq Bin Rahwayh ne bayan kiya, kaha hum ko Ruh Bin Ubada ne khabar di, kaha hum ko Ibn Juraij ne khabar di, kaha ke mujhe Ata Bin Abi Rabah ne khabar di aur unhon ne Jabir Bin Abdullah (Radi Allahu Anhuma) se suna ke Rasul Allah (Sallallahu Alaihi Wasallam) ne farmaya "Jab raat ka andhera shuru ho ya (Aap Sallallahu Alaihi Wasallam ne ye farmaya ke) jab sham ho jaye to apne bacchon ko apne paas rok liya karo, kyunke shayatin isi waqt phailte hain. Albatta jab ek ghadi raat guzar jaye to unhein chhod do, aur Allah ka naam le kar darwaze band kar lo, kyunke shaitan kisi band darwaze ko nahi khol sakta, Ibn Juraij ne bayan kiya ke mujhe Amr Bin Dinar ne khabar di ke unhon ne Jabir Bin Abdullah (Radi Allahu Anhuma) se bilkul isi tarah hadees suni thi jis tarah mujhe Ata ne khabar di thi, albatta unhon ne is ka zikr nahi kiya ke 'Allah ka naam lo'."
.

Hum se Abdullah bin Yusuf ne byaan kiya , unhon ne kaha hum ko Imam Malik ne khabar di , unhein Zayd bin Aslam ne , unhein Ata bin Yasar ne aur unhein Abdullah bin Abbas razi Allahu anhuma ne , unhon ne byaan kiya ke Nabi Karim salla Allahu alaihi wasallam ke zamana mein sooraj girhan hua to Nabi Karim salla Allahu alaihi wasallam ne logon ke saath is ki namaz parhi . Aap ne bahut lamba qiyam ki itna taveel ke Surah al-Baqarah parhi ja sake phir taveel ruku kiya . Ruku se sar utha kar bahut der tak qiyam kiya . Yeh qiyam pehle qiyam se kuch kam tha . Phir Aap ne doosra taveel ruku kiya . Yeh ruku tawalat mein pehle ruku se kuch kam tha . Phir sar uthaya aur sajda kiya . Phir dobara qiyam kiya aur bahut der tak halat e qiyam mein rahe . Yeh qiyam pehli rakat ke qiyam se kuch kam tha . Phir taveel ruku kiya , yeh ruku pehle ruku se kuch kam taveel tha . Phir sar uthaya aur taveel qiyam kiya . Yeh qiyam pehle qiyam se kuch kam tha . Phir ruku kiya , taveel ruku . Aur yeh ruku pehle ruku se kuch kam taveel tha . Phir sar uthaya aur sajda mein gaye . Jab Aap namaz se farigh huay to girhan khatam ho chuka tha . Is ke baad Aap salla Allahu alaihi wasallam ne farmaya ke sooraj aur chaand Allah ki nishaniyon mein se do nishaniyan hain . In mein girhan kisi ki maut ya kisi ki hayat ki wajah se nahi hota . Is liye jab tum girhan dekho to Allah ko yaad karo . Sahabah ne arz kiya: ya Rasool Allah! Hum ne Aap ko dekha ke Aap ne apni jagah se koi cheez barh kar li . Phir hum ne dekha ke Aap hamain se hatt gaye . Nabi Karim salla Allahu alaihi wasallam ne farmaya ke main ne jannat dekhi ku ya (Nabi Karim salla Allahu alaihi wasallam ne farmaya rawi ko shak tha) mujhe jannat dikhayi gayi thi . Main ne is ka khosha torne ke liye hath barhaya tha aur agar main usay torr leta to tum rehti duniya tak usay khate aur main ne dozakh dekhi aaj ka is se zyada haibat-naak manzar main ne kabhi nahi dekha aur main ne dekha ke is mein auraton ki tadaad zyada hai . Sahabah ne arz kiya: ya Rasool Allah! Aaisa kyun hai ? Nabi Karim salla Allahu alaihi wasallam ne farmaya ke woh shohar ki na-shukri karti hain aur in ke ihsan ka inkar karti hain , agar tum in mein se kisi ek ke saath zindagi bhar bhi husn e sulook ka muamla karo phir bhi tumhari taraf se koi cheez is ke liye nagowari e khaatir hui to keh de gi ke main ne to tum se kabhi bhalayi dekhi hi nahi .