Hum se Musaddad bin Musarhad ne bayan kiya , kaha hamase Ismail bin Abi Oways ne bayan kiya , in se Ayub ne , in se Nafi ne aur in se Abdullah bin Umar raziAllahu anhuma ne bayan kiya ke Nabi kareem salla Allahu alaihi wasallam ke paas ek Yahudi mard aur aurat laaye gaye , jinon ne zina kiya thu . Nabi kareem salla Allahu alaihi wasallam ne Yahudiyon se poochha ketum in ke saath kiya karte ho ? Unhon ne kaha ke hum in ka munh kaala kar ke unhein ruswa karte hain . Nabi kareem salla Allahu alaihi wasallam ne farmaya ke phir Tauraat lao aur is ki tilawat karo agar tum sache ho chunanche woh (Tauraat) laaye aur ek shakhs se jis par woh mut-main thay kaha ke Ae Awar! parho . Chunanche is ne parha aur jab is ke ek maqam par pahuncha to is par apna hath rakh diya . Nabi kareem salla Allahu alaihi wasallam ne farmaya ke apna hath uthao , jab is ne apna hath uthaya to is mein aayat e rajm bilkul waazhih taur par maujood ku , is ne kaha: Ae Muhammad! in par rajm ka hukm to waqeyi hai lekin hum usay aapas mein chhupate hain . Chunanche donon rajm kiye gaye , main ne dekha ke mard aurat ko patthar se bachane ke liye is par jhuka parta thu .