Hum se Ismail bin Abdullah ne bayan kiya , kaha hum se Imam Malik ne bayan kiya , in se Nafi ne aur in se Abdullah bin Umar razi Allahu anhuma ne ke Yahudi Rasool Allah salla Allahu alaihi wasallam ke paas aane aur kaha ke in mein se ek mard aur ek aurat ne zina-kaari ki hai . Nabi Karim salla Allahu alaihi wasallam ne in se poochha ke Tauraat mein rajm ke mutalliq kiya hukm hai ? Unhon ne kaha ke hum unhein ruswa karte hain aur koray lagaate hain . Abdullah bin Salam razi Allahu anhu ne is par kaha ke tum jhoote ho is mein rajm ka hukm maujood hai . Chunanche woh Tauraat laaye aur khola . Lekin in ke ek shakhs ne اپنا hath aayat e rajm par rakh diya aur is se pehle aur baad ka hissa parh diya . Abdullah bin Salam razi Allahu anhu ne is se kaha ke اپنا hath uthao . Is ne اپنا hath uthaya to is ke neeche rajm ki aayat maujood ku . Phir unhon ne kaha: Ae Muhammad! Aap ne sach farmaya ke is mein rajm ki aayat maujood hai . Chunanche Nabi Karim salla Allahu alaihi wasallam ne hukm diya aur donon rajm kiye gaye . Main ne dekha ke mard aurat ko pattharon se bachane ki koshish mein is par jhuka raha thu .