Allah Taala ne Surat Al-Maida mein farmaya "Allah Taala laghw qasmon par tum ko nahin pakde ga, balkeh un qasmon par pakde ga jinhen tum pakke taur se khao. Pas us ka kaffara das miskeenon ko mamooli khana khilana hai, us ausat khane ke mutabiq jo tum apne ghar walon ko khilate ho ya un ko kapra pehnana ya ek ghulam aazaad karna. Pas jo shakhs yeh cheezen na paaye to us ke liye teen din ke roze rakhna hai. Yeh tumhari qasmon ka kaffara hai jis waqt tum qasam khao aur apni qasmon ki hifazat karo. Isi tarah Allah Taala apne hukmon ko khol kar bayaan karta hai. Shayad ke tum shukr karo.