Hum se Muslim bin Ibrahim ne byaan kiya , kaha ke hum se Wuhaib bin Khalid ne byaan kiya , kaha ke hum se Abdullah bin Taus ne byaan kiya , un se un ke baap Taus ne , un se Abu Hurayrah razi Allahu anhu ne ke Rasool Allah salla Allahu alaihi wasallam ne farmaya hum (dunya mein) to baad mein aye lekin qiyamat ke din sab se aage hon ge , farq sirf yeh hai ke Yahood o Nasara ko kitaab hum se pehle di gayi aur hamein baad mein . To yeh din (juma) woh hai jis ke bare mein ahl kitaab ne ikhtilaaf kiya , Allah Taala ne hamein yeh din batla diya (is ke baad) doosra din (haftah) Yahood ka din hai aur teesra din (itwar) Nasara ka . Aap phir khamosh ho gaye .