Mujh se Saeed bin Afir ne bayan kiya, unhon ne kaha hum se Yaqoob bin Abdur Rahman ne bayan kiya, in se Abu Hazim ne bayan kiya, aur in se Sahl bin Saad Saadi razi Allahu anhu ne bayan kiya ke jab Rasool Allah salla Allahu alaihi wasallam ke sar par (Uhud ke din) khud toot gaya Aap ka mubarak chehra khoon-aalood ho gaya aur samne ke daant toot gaye to Ali razi Allahu anhu dhaal bhar bhar kar pani laate thay aur Fatima razi Allahu anha Aap ke chehra mubarak se khoon dho rahi thien. Phir jab Fatima razi Allahu anha ne dekha ke khoon pani se bhi zyada aa raha hai to unhon ne ek boriya jala kar Rasool Allah salla Allahu alaihi wasallam ke zakhmon par lagaya aur is se khoon ruka.