Hum se Aarim ne bayan kiya, kaha hum se Hammad ne bayan kiya ke Ayub Sakhtiyani ke samne Abu Qulabah ki likhi hui ahadees parhi gayiein in mein woh ahadees bhi thien jinhein (Ayub ne Abu Qulabah se) bayan kiya tha aur woh bhi thien jo in ke samne parh kar sunayi gayi thien. In likhi hui ahadees ke zakheera mein Anas razi Allahu anhu ki yeh hadees bhi thi ke Abu Talha aur Anas bin Nadr ne Anas razi Allahu anhum ko daagh laga kar in ka ilaaj kiya tha ya Abu Talha razi Allahu anhu ne in ko khud apne hath se daagha tha. Aur Abbad bin Mansoor ne bayan kiya, in se Ayub ne, in se Abu Qulabah ne aur in se Anas razi Allahu anhu ne bayan kiya ke Rasool Allah salla Allahu alaihi wasallam ne qabila Ansar ke baaz gharanon ko zahreele janwaron ke kaatne aur kaan ki takleef mein jhaarne ki ijazat di thi to Anas razi Allahu anhu ne bayan kiya ke zaat-ul-janb ki beemari mein mujhe daagha gaya tha Rasool Allah salla Allahu alaihi wasallam ki zindagi mein aur is waqt Abu Talha, Anas bin Nadr aur Zayd bin Sabit razi Allahu anhum maujood thay aur Abu Talha razi Allahu anhu ne mujhe daagha tha.