Abul ’Aaliyah ne (apne ladkon se) kaha ke mere pairon par maalish karo kiunki woh mareez ho gaye.

Hum se Muhammed ne bayan kiya, kaha hum se Sufyan bin ’Uyainah ne Ibn-e-Abi Hazim ke waaste se naql kiya, unhon ne Sahl bin Sa’d As-Sa’idi se suna ke logon ne un se poocha, aur (main us waqt Sahl ke itna qareeb tha ke) mere aur un ke darmiyaan koi doosra haail na tha ke Rasoolullah Sallallahu Alaihi Wasallam ke (Uhud ke) zakhm ka ilaaj kis dawa se kiya gaya tha. Unhon ne kaha ke is baat ka jaanne waala (ab) mujh se ziyada koi nahi raha. ’Ali Radhiallahu Anhu apni dhaal mein paani laate aur Fatima Radhiallahu Anha Aap Sallallahu Alaihi Wasallam ke munh se khoon dhootien phir ek boriya ka tukda jalaya gaya aur Aap Sallallahu Alaihi Wasallam ke zakhm mein bhar diya gaya.