Hum se Ishaq bin Rabah ne byaan kiya , unhon ne kaha hum se Yaqoob bin Ibrahim ne byaan kiya , un se un ke walid (Ibrahim bin Saad) ne byaan kiya , un se Salih bin Kaysan ne , un se Ibn Shihab ne byaan kiya , unhein Ubaydullah bin Abdullah ne khabar di aur unhein Abdullah bin Abbas razi Allahu anhuma ne khabar di ke Rasool Allah salla Allahu alaihi wasallam ne (Shah e Faris) Kisra ke paas apna khat Abdullah bin Huzafah Sahmi razi Allahu anhu ko de kar bheja aur unhein hukm diya ke yeh khat Bahrayn ke governor ko de dein (jo Kisra ka aalim tha) Kisra ne jab Aap ka khat mubarak parha to is ke tukre tukre kar diye . Mera khayal hai ke Ibn Musayyab ne byaan kiya ke phir Nabi Karim salla Allahu alaihi wasallam ne un ke liye bad-dua ki ke woh bhi tukre tukre ho jayein .