Hum se Abdullah Bin Yusuf ne bayan kiya, kaha hum se Laith ne bayan kiya, kaha mujh se Aqeel ne bayan kiya, un se Ibn Shihab ne kaha ke mujhe Ubaidullah Bin Abdullah Bin Utba ne khabar di aur unhein Abdullah Bin Abbas (Radi Allahu Anhuma) ne ke Rasul Allah (Sallallahu Alaihi Wasallam) ne apna khat Kisra ke paas bheja. Aap (Sallallahu Alaihi Wasallam) ne (ailchi se) ye farmaya tha ke wo aap (Sallallahu Alaihi Wasallam) ke khat ko Bahrain ke governor ko de dein, Bahrain ka governor ise Kisra ke darbar mein pahuncha de ga. Jab Kisra ne maktub-e-mubarak parha to ise us ne phaar dala. Mujhe yaad hai ke Saeed Bin Musayyib ne bayan kiya tha ke phir Nabi Kareem (Sallallahu Alaihi Wasallam) ne is par bad-dua ki thi ke wo bhi para para ho jaye (chunancha aisa hi hua)
.