Mujh se Muhammad bin Alaa ne byaan kiya , kaha hum se Abu Usamah ne byaan kiya , kaha hum se Ismail bin Abi Khalid ne byaan kiya , un se Qays ne aur un se Abu Hurairah razi Allahu anhu ne byaan kiya ke jab main apne watan se Nabi Karim salla Allahu alaihi wasallam ki khidmat mein hazir hone ke liye chala to raste mein , main ne yeh sher parha (tarjuma) ”Kaisi hai takleef ki lambi yeh raat , khair is ne kufr se di hai najat“ aur mera ghulam raste mein bhaag gaya tha , phir main Nabi Karim salla Allahu alaihi wasallam ki khidmat mein hazir hua aur Aap se bai'at ki , abhi Aap ke paas main baitha hi hua tha ke woh ghulam dikhayi diya , Aap salla Allahu alaihi wasallam ne mujh se farmaya: Abu Hurairah! Yeh hai tumhara ghulam! Main ne kaha Allah ke liye main ne is ko ab aazad kar diya .