Hum se Muhammad Bin Abdullah Bin Numair ne bayan kiya, un se Muhammad Bin Bishr ne, un se Ismail ne, un se Qais ne aur un se Abu Hurairah (Radi Allahu Anhu) ne ke jab wo Islam qabool karne ke irade se (Madinah ke liye) nikle to un ke sath un ka ghalam bhi tha. (Raste mein) wo donon ek doosre se bichar gaye. Phir jab Abu Hurairah (Radi Allahu Anhu) (Madinah pahunchne ke baad) Nabi Kareem (Sallallahu Alaihi Wasallam) ki khidmat mein baithe hue thay to un ka ghalam bhi achanak aa gaya. Aap (Sallallahu Alaihi Wasallam) ne farmaya, Abu Hurairah! ye lo tumhara ghalam bhi aa gaya. Abu Hurairah (Radi Allahu Anhu) ne kaha, Ya Rasul Allah! mein Aap ko gawah banata hoon ke ye ghalam ab azad hai. Raavi ne kaha ke Abu Hurairah (Radi Allahu Anhu) ne Madinah pahunch kar ye sher kahe thay. Hai pyari go kathan hai aur lambi meri raat, par dilayi is ne Dar-ul-Kufr se mujh ko najat
.