Mujh se Ishaq Bin Nasr ne bayan kiya kaha hum se Abdur Razzaq ne bayan kiya un se Maamar ne un se Hammam Bin Munabbih ne aur unhon ne Abu Hurairah (Radi Allahu Anhu) se suna. Unhon ne bayan kiya ke Nabi Kareem (Sallallahu Alaihi Wasallam) ne farmaya "Bani Israel ko hukam hua tha ke Bait-ul-Muqaddas mein sajda-o-ruku karte hue dakhil hon aur ye kehte hue ke ya Allah! Hum ko bakhsh de. Lekin unhon ne is ko ulta kiya aur apne choutaron ke bal ghisat-te hue dakhil hue aur ye kehte hue «habbatun fi sha-ratin» (yani baliyon mein daane khoob hon) dakhil hue."