Hum se Muhammad Bin Saeed Asbahani ne bayan kiya kaha hum ko Abdullah Bin Mubarak ne khabar di unhein Maamar ne unhein Hammam Bin Munabbih ne aur unhein Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Khizar (Alaihis Salam) ka ye naam is wajah se hua ke wo ek sookhi zameen (jahan sabzi ka naam bhi na tha) par baithe. Lekin joun hi wo wahan se uthe to wo jagah sarsabz ho kar lehlehane lagi."