Hum se Ali Bin Abdullah ne bayan kiya ‘ kaha hum se Sufyan Bin Uyainah ne bayan kiya ‘ in se Salih Bin Hai Abu Hasan ne bayan kiya ‘ kaha ke mein ne Shabi se suna ‘ wo bayan karte thay ke mujh se Abu Burdah ne bayan kiya ‘ unhon ne apne walid (Abu Musa Ashari Radi Allahu Anhu) se suna ke Nabi Kareem (Sallallahu Alaihi Wasallam) ne farmaya "Teen tarah ke aadmi aise hain jinhein dugna sawab milta hai. Awwal wo shakhs jis ki laundi ho ‘ wo ise taleem de aur taleem dene mein accha tariqa ikhtiyar kare ‘ ise adab sikhaye aur is mein acche tariqe se kaam le ‘ phir ise aazad kar ke is se shadi kar le to ise dohra ajar mile ga. Doosra wo momin jo ahl-e-kitab mein se ho ke pehle (apne Nabi par iman laya tha) phir Nabi Kareem (Sallallahu Alaihi Wasallam) par bhi iman laya to ise bhi dohra ajar mile ga ‘ teesra wo ghulam jo Allah Ta'ala ke huqooq ki bhi adayegi karta hai aur apne aaqa ke sath bhi bhalayi karta hai." Is ke baad Shabi (rawi-e-hadees) ne kaha ke mein ne tumhein ye hadees bila kisi mehnat o mashaqqat ke de di hai. Ek zamana wo bhi tha jab is se bhi kam hadees ke liye Madinah Munawwarah tak ka safar karna parta tha
.