Hum se Musa Bin Ismail ne bayan kiya, kaha hum se Dawood Bin Abi Furat ne bayan kiya, kaha hum se Abdullah Bin Buraida ne bayan kiya Abi Al-Aswad se ke mein Madinah aaya to yahan waba phaili hui thi, log bari teizi se mar rahe thay. Mein Umar (Radi Allahu Anhu) ki khidmat mein tha ke ek janaza guzra. Logon ne is mayyat ki tareef ki to Umar (Radi Allahu Anhu) ne kaha ke wajib ho gayi. Phir doosra guzar logon ne is ki bhi tareef ki Umar (Radi Allahu Anhu) ne kaha wajib ho gayi. Phir teesra guzra to logon ne is ki burayi ki, Umar (Radi Allahu Anhu) ne is ke liye yahi kaha ke wajib ho gayi. Mein ne poocha Ameer-ul-Momineen! kya wajib ho gayi. Unhon ne kaha ke mein ne isi tarah kaha hai jis tarah Nabi Kareem (Sallallahu Alaihi Wasallam) ne farmaya tha ke jis Musalman ke liye char aadmi acchayi ki gawahi de dein ise Allah Ta'ala jannat mein dakhil karta hai. Hum ne Aap (Sallallahu Alaihi Wasallam) se poocha aur agar teen dein? Aap (Sallallahu Alaihi Wasallam) ne farmaya ke teen par bhi. Hum ne poocha aur agar do aadmi gawahi dein? Farmaya do par bhi. Phir hum ne ek ke mutalliq Aap (Sallallahu Alaihi Wasallam) se nahi poocha
.