Kyunke Allah Ta'ala ne farmaya ke jo log apna maal Allah ke raste mein kharch karte hain aur jo kuch unhon ne kharch kiya hai is ki wajah se na ehsan jatlate hain aur na takleef dete hain .

Hum se Abu Asim Nabeel ne Umar bin Saeed se byaan kiya ‘ un se Ibn Abi Malaikah ne ke Uqbah bin Harith razi Allahu anhu ne un se byaan kiya ke Rasool Allah salla Allahu alaihi wasallam ne Asr ki namaaz ada ki phir jaldi se Aap salla Allahu alaihi wasallam ghar mein tashreef le gaye . Thori der baad bahar tashreef le aaye . Is par maine poocha ya kisi aur ne poocha to Aap salla Allahu alaihi wasallam ne farmaya ke main ghar ke andar sadqa ke sone ka ek tukra chhor aaya tha mujhe yeh baat pasand nahi aayi ke isay taqseem kiye baghair raat guzaraon pas maine is ko baant diya .