Hum se Abu Nu'man ne byaan kiya ‘ kaha ke hum se Hammad bin Zaid ne byaan kiya ‘ un se Ayub ne ‘ un se Nafi ne aur un se Ibn Umar razi Allahu anhuma ne ke maine Nabi Karim salla Allahu alaihi wasallam se suna . (Doosri sanad) aur hum se Abdullah bin Maslamah ne byaan kiya ‘ un se Malik ne ‘ un se Nafi ne aur un se Abdullah bin Umar razi Allahu anhuma ne ke Rasool Allah salla Allahu alaihi wasallam ne farmaya jab ke Aap mimbar par tashreef rakhte thay . Aap ne sadqa aur kisi ke saamne haath na phailane ka aur doosron se mangne ka zikr farmaya aur farmaya ke oopar wala haath neeche wale haath se behtar hai . Oopar ka haath kharch karne wale ka hai aur neeche ka haath mangne wale ka .