Hum se Yahya bin Sulayman ne bayan kiya , kaha hum se Ibn Wahb ne bayan kiya , unhein Amr ne khabar di , in se Abd-ul-Rahman bin Qasim ne bayan kiya , in se un ke walid ne aur in se Aisha razi Allahu anha ne bayan kiya ke Abu Bakr razi Allahu anhuaane aur zor se मेरे ek sakht ghounsa lagaya aur kaha tu ne ek haar ke liye sab logon ko روک diya . Main is se marne ke qareeb hu gayi is qadar mujhko dard hua lekin kiya kar sakti ku kyunke Nabi Karim salla Allahu alaihi wasallam ka sar mubarak meri raan par thu . «lakaza» aur «wakaza» ke ek hi maani hain .

Hum se Musa ne bayan kiya , in se Abu Awanah ne bayan kiya , kaha hum se Abd-ul-Malik ne bayan kiya , in se Mugheera ke kaatib Warrad ne , in se Mugheera razi Allahu anhu ne bayan kiya ke Saad bin Ubadah razi Allahu anhu ne kaha ke agar main apni biwi ke saath kisi ghair mard ko dekh loon to seedhi talwar ki dhaar se usay maar daaloon . Yeh baat Nabi Karim salla Allahu alaihi wasallam tak pahunchi to Aap salla Allahu alaihi wasallam ne farmaya ke kiya tumhein Saad ki ghairat par hairat hai . Main in se bhi barh kar ghairat-mand hoon aur Allah mujh se bhi zyada ghairat-mand hai .

Hum se Ismail ne bayan kiya , kaha hum se Imam Malik ne bayan kiya , in se Shihab ne , in se Saeed bin al-Musayyab ne aur in se Abu Hurairah razi Allahu anhu ne bayan kiya ke Rasool Allah salla Allahu alaihi wasallam ke paas ek dehati aaya aur kaha ke ya Rasool Allah! Meri biwi ne kala larka jina hai . Nabi Karim salla Allahu alaihi wasallam ne poochha , tumhare paas oont hain ? Unhon ne kaha ke ji haan . Aap salla Allahu alaihi wasallam ne poochha in ke rang kaise hain ? Unhon ne kaha ke surkh . Nabi Karim salla Allahu alaihi wasallam ne poochha in mein koi khaki rang ka bhi hai ? Unhon ne kaha ke haan . Nabi Karim salla Allahu alaihi wasallam ne poochha phir yeh kahan se aa gaya ? Unhon ne kaha mera khayal hai ke kisi rug ne yeh rang khainch liya jis ki wajah se aisa oont paida hua . Nabi Karim salla Allahu alaihi wasallam ne farmaya ke phir aisa bhi mumkin hai ke tere bete ka rang bhi kisi rug ne khainch liya hu .

Hum se Abdullah bin Yusuf ne bayan kiya , unhon ne kaha hum se Layth bin Saad ne bayan kiya , in se Yazid bin Abi Habeeb ne bayan kiya , in se Bukayr bin Abdullah ne bayan kiya , in se Sulayman bin Yasar ne bayan kiya , in se Abd-ul-Rahman bin Jabir bin Abdullah ne bayan kiya aur in se Abu Hurairah razi Allahu anhu ne bayan kiya ke Nabi Karim salla Allahu alaihi wasallam ne farmaya ”hudood-allaahi mein kisi muqarrara hadd ke siwa kisi aur saza mein das koray se zyada bataur e tazir wa saza na maare jayein .“

Hum se Amr bin Ali ne bayan kiya , unhon ne kaha hum se Fuzhail bin Sulayman ne bayan kiya , unhon ne kaha hum se Muslim bin Abi Maryam ne bayan kiya , kaha mujh se Abd-ul-Rahman bin Jabir ne in sahabi se bayan kiya jinon ne Nabi Karim salla Allahu alaihi wasallam se suna thu ke Aap salla Allahu alaihi wasallam ne farmaya ”Allah Ta'ala ki hudood mein se kisi hadd ke siwa mujrim ko das koray se zyada ki saza na di jaye .“

Hum se Yahya bin Sulayman ne bayan kiya , unhon ne kaha mujh se Ibn Wahb ne bayan kiya , unhon ne mujhko Amr ne khabar di , in se Bukayr ne bayan kiya ke main Sulayman bin Yasar ke paas baitha hua thu ke Abd-ul-Rahman bin Jabir aane aur Sulayman bin Yasar se bayan kiya phir Sulayman bin Yasar hamari taraf mutawaj-jo huay aur unhon ne kaha ke mujh se Abd-ul-Rahman bin Jabir ne bayan kiya hai ke in se un ke walid ne bayan kiya aur unhon ne Abu Burdah Ansari razi Allahu anhuse suna . Unhon ne bayan kiya ke main ne Nabi Karim salla Allahu alaihi wasallam se suna , Nabi Karim salla Allahu alaihi wasallam ne farmaya ke hudood-allaahi mein se kisi hadd ke siwa kisi saza mein das koray se zyada ki saza na do .

Hum se Yahya bin Bukayr ne bayan kiya , kaha hum se Layth bin Saad ne bayan kiya , in se Aqeel ne , in se Ibn Shihab ne , in se Abu Salamah ne aur in se Abu Hurairah razi Allahu anhu ne ke Rasool Allah salla Allahu alaihi wasallam ne wisal (musalsal iftar ke baghair kai din ke roze rakhne) se mana farmaya to baaz sahabah ne arz kiya: ya Rasool Allah! Aap khud to wisal karte hain . Nabi Karim salla Allahu alaihi wasallam ne farmaya ke tum mein se kaun mujh jaisa hai ? Mera to haal yeh hai ke mujhe mera Rabb khilata hai aur pilata hai lekin wisal karne se sahabah nahi ruke to Nabi Karim salla Allahu alaihi wasallam ne in ke saath ek din ke baad doosre din ka wisal kiya phir is ke baad logon ne chaand dekh liya . Nabi Karim salla Allahu alaihi wasallam ne farmaya ke agar (Eid ka) chaand na dikhayi deta to main aur wisal karta . Yeh Aap ne tambihan farmaya thu kyunke woh wisal karne par misar thay . Is riwayat ki mutabia-t Shuayb , Yahya bin Saeed aur Yunus ne Zuhri se ki hai aur Abd-ur-Rahman bin Khalid Fahmi ne bayan kiya , in se Ibn Shihab ne , in se Saeed bin al-Musayyab ne aur in se Abu Hurairah razi Allahu anhu ne Nabi Karim salla Allahu alaihi wasallam se bayan kiya .

Mujh se Ay-yash bin al-Waleed ne bayan kiya , kaha hum se Abd-ul-A'la ne bayan kiya , kaha hum se Mamar ne bayan kiya , in se Zuhri ne , in se Salim ne , in se Abdullah bin Umar razi Allahu anhuma ne ke Rasool Allah salla Allahu alaihi wasallam ke zamana mein is par maar parti ke jab ghalla ke dhair yun hi khareedein , bin naape aur tole is ko isi jagah doosre ke hath beich daalein haan woh ghalla utha kar apne thikane le jayein phir beichein to kuch saza na hoti .

Hum se Abdan ne bayan kiya , unhon ne kaha hum ko Abdullah bin Mubarak ne khabar di , unhon ne kaha hum ko Yunus ne khabar di , unhein Zuhri ne , unhein Urwah ne khabar di aur in se Aisha razi Allahu anha ne bayan kiya ke Rasool Allah salla Allahu alaihi wasallam ne apne zaati muamla mein kabhi kisi se badla nahi liya haan jab Allah kiqaim ki hui hadd ko tora jata to Aap phir badla laite thay .

Hum se Ali ne bayan kiya , kaha hum se Sufyan Sawri ne bayan kiya , in se Zuhri ne bayan kiya aur in se Sahl bin Saad razi Allahu anhu ne bayan kiya ke main ne do lian karne wale miyaan biwi ko dekha thu . Is waqt meri umr pandrah saal thi . Nabi Karim salla Allahu alaihi wasallam ne donon ke darmiyan judayi kara di thi . Shohar ne kaha thu ke agar اب bhi main (apni biwi ko) apne saath rakkhoon to is ka matlab yeh hai ke main jhoota hoon . Sufyan ne bayan kiya ke main ne Zuhri se yeh riwayat mahfooz rakkhi hai ke ”agar is aurat ke aisa bacha paida hua to shohar sacha hai aur agar is ke aisa aisa bacha paida hua jaise chhipkali hoti hai to shohar jhoota hai .“ Aur main ne Zuhri se suna , unhon ne bayan kiya ke is aurat ne is aadmi ke ham-shakal bacha jina jo meri tarah ka thu .