Hum se Abdul Aziz bin Abdullah ne bayan kiya, unhon ne kaha hum se Ibrahim bin Saad ne bayan kiya, in se Salih ne, in se Ibn Shihab ne aur in se Urwah bin Zubayr ne ke Nabi Karim salla Allahu alaihi wasallam ki zauja mutahhara Aisha razi Allahu anha ne bayan kiya ke kuch Yahudi Rasool Allahsalla Allahu alaihi wasallam ke paas aaye aur kaha «as-saamu alaykum» (tumhein maut aaye) Aisha razi Allahu anha ne bayan kiya ke main is ka mafhoom samajh gayi aur main ne in ka jawab diya ke «wa alaykum-us-saamu wal-laanatu» (yani tumhein maut aaye aur lanat ho) bayan kiya ke is par Rasool Allahsalla Allahu alaihi wasallam ne farmaya, thehro, Ae Aisha! Allah Ta'ala tamam muamlat mein narmi aur mulaimat ko pasand karta hai. Main ne arz kiya: ya Rasool اللہ! kiya Aap ne suna nahi unhon ne kiya kaha tha. Nabi Karim salla Allahu alaihi wasallam ne farmaya ke main ne is ka jawab de diya thu ke «wa alaykum» (aur tumhein bhi).

Hum se Abdullah bin Abd-ul-Wahhab ne bayan kiya, kaha hum se Hammad bin Zayd ne bayan kiya, in se Sabit ne aur in se Anas bin Malik razi Allahu anhu ne kaha ke ek dehati ne masjid mein peshab kar diya tha. Sahabah ikraam in ki taraf dore lekin Rasool Allahsalla Allahu alaihi wasallam ne farmaya ke is ke peshab ko mat roko. Phir Aap ne pani ka doul mangwaya aur woh peshab ki jagah par baha diya gaya.

Hum se Muhammad bin Yunus ne bayan kiya, kaha hum se Sufyan ne bayan kiya, in se Abu Burdah Burayd bin Abu Burdah ne kaha ke mujhe mere dada Abu Burdah ne khabar di, in se un ke walid Abu Musa Ash'ari razi Allahu anhu ne ke Nabi Karim salla Allahu alaihi wasallam ne farmaya ke ek momin doosre momin ke liye is tarah hai jaise imarat ke is ka ek hissa doosre hisse ko thaame rehta hai (girne nahi deta) phir Aap ne apni ungliyon ko qainchi ki tarah kar liya.

Aur aisa hua ke Nabi Karim salla Allahu alaihi wasallam is waqt baithe huay thay ke ek sahab ne aa kar sawal kiya ya koi zaroorat poori karaani chahi. Nabi Karim salla Allahu alaihi wasallam hamari taraf mutawajjo huay aur farmaya ke tum khamosh kyun baithe rehte ho balkay is ki sifarish karo taake tumhein bhi ajar mile aur Allah jo chahe ga apne Nabi ki zaban par jaari kare ga (tum apna sawab kyun khowo).

«kifl» ke maani is aayat mein hissa ke hain, Abu Musa Ash'ari razi Allahu anhu ne kaha ke Habshi zaban mein «kiflayni» ke maani do ajar ke hain.

Hum se Muhammad bin al-Alaa ne bayan kiya, kaha hum se Abu Usamah ne bayan kiya, in se Burayd ne, in se Abu Burdah ne aur in se Abu Musa Ash'ari razi Allahu anhu ne ke Nabi Karim salla Allahu alaihi wasallam ke paas jab koi maangne wala ya zaroorat-mand aata to Aap salla Allahu alaihi wasallam farmate ke logo! tum sifarish karo taake tumhein bhi sawab mile aur Allah apne Nabi ki zaban par jo chahe ga faisla karaye ga.

Hum se Hafs bin Umar bin Haris Abu Amr Haush ne bayan kiya, kaha hum se Shubah bin Hajjaj ne bayan kiya, in se Sulayman ne, unhon ne Abu Wail Shaqeeq bin Salama se suna, unhon ne Masrooq se suna, unhon ne bayan kiya ke Umar razi Allahu anhu ne kaha (doosri sanad) Imam Bukhari rahmahullah ne kaha hamase Qutaybah bin Saeed ne bayan kiya, kaha hum se Jareer ne bayan kiya, in se Aamash ne, in se Shaqeeq bin Salama ne aur in se Masrooq ne bayan kiya ke jab Muawiyah razi Allahu anhu ke saath Abdullah bin Amr bin al-Aas Kufa tashreef laaye to hum in ki khidmat mein hazir huay. Unhon ne Rasool Allahsalla Allahu alaihi wasallam ka zikr kiya aur batlaya ke Nabi Karim salla Allahu alaihi wasallam bad-go na thay aur na Aap bad-zaban thay aur unhon ne yeh bhi bayan kiya ke Aap salla Allahu alaihi wasallam ne farmaya ke tum mein sab se behtar woh aadmi hai, jis ke akhlaq sab se achhe hon.

Hum se Muhammad bin Salam ne bayan kiya, kaha hum ko Abd-ul-Wahhab Saqafi ne khabar di, unhein Ayub Sakhtiyani ne, unhein Abdullah bin Abi Mulaykah ne aur unhein Aisha razi Allahu anha ne ke kuch Yahudi Rasool Allahsalla Allahu alaihi wasallam ke yahan aaye aur kaha «as-saamu alaykum» (tum par maut aaye) is par Aisha razi Allahu anha ne kaha «alaykum, wa laanakum-ullahu, wa ghadib-allahu alaykum» ke tum par bhi maut aaye aur Allah ki tum par lanat ho aur is ka ghazab tum par nazil ho. Lekin Nabi Karim salla Allahu alaihi wasallam ne farmaya, (thehro) Aisha! Tumhein narm-khooi ikhtiyar karne chahiye sakhti aur bad-zabani se bachna chahiye. Aisha razi Allahu anha ne arz kiya: ya Rasool اللہ! Aap ne in ki baat nahi suni, Nabi Karim salla Allahu alaihi wasallam ne farmaya ke tum ne unhein mera jawab nahi suna, main ne in ki baat unhi par lauta di aur in ke haq mein meri bad-dua qabool ho jaye gi. Lekin mere haq mein in ki bad-dua qabool hi na ho gi.

Hum se Asbagh bin Faraj ne bayan kiya, unhon ne kaha ke mujhe Abdullah bin Wahb ne khabar di unhon ne kaha hum ko Abu Yahya Falih bin Sulayman ne khabar di, unhein Hilal bin Usamah ne bayan kiya aur in se Anas bin Malik razi Allahu anhu ne bayan kiya ke Rasool Allahsalla Allahu alaihi wasallam na gaali dete thay na bad-go thay na bad-kho thay aur na lanat-malamat karte thay. Agar hum mein se kisi par naraz hote itna farmate usay kiya ho gaya hai, is ki peshani mein khak lage.

Hum se Amr bin Esa ne bayan kiya, kaha hum se Muhammad bin Sawa ne bayan kiya, kaha hum se Rauh ibn Qasim ne bayan kiya, in se Muhammad bin al-Munkadir ne, in se Urwah ne aur in se Aisha razi Allahu anha ne ke Rasool Allahsalla Allahu alaihi wasallam se ek shakhs ne andar aane ki ijazat chahi. Nabi Karim salla Allahu alaihi wasallam ne usay dekh kar farmaya ke bura hai falan qabila ka bhai. Ya (Aap salla Allahu alaihi wasallam ne farmaya) ke bura hai falan qabila ka beta. Phir jab woh Nabi Karim salla Allahu alaihi wasallam ke paas aa baitha to Aap is ke saath bahut khush-khalqi ke saath pesh aaye. Woh shakhs jab chala gaya to Aisha razi Allahu anha ne Aap se arz kiya: ya Rasool اللہ! Jab Aap ne usay dekha thu to is ke mutalliq yeh kalmaat farmaye thay, jab Aap is se mile to bahut hi khanda-peshani se mile. Nabi Karim salla Allahu alaihi wasallam ne farmaya ke Ae Aisha! Tum ne mujhe bad-go kab paya. Allah ke yahan Qayamat ke din woh log bad-tareen hon ge jin ke shar ke dar se log is se milna chhorr dein.