Aur Ishaq ne bayan kiya ke main ne Anas razi Allahu anhu se suna ke Abu Talha ke ek bache Abu Umayr naami ka intiqal ho gaya. Unhon ne (apni biwi se) poochha ke bacha kaisa hai? Umm Sulaym razi Allahu anha ne kaha ke is ki jaan ko sukoon hai aur mujhe umeed hai ke ab woh chain se ho ga. Abu Talha is kalam ka matlab yeh samjhe ke Umm Sulaym sachi hai.

Hum se Adam bin Abi Iyas ne bayan kiya, kaha hum se Shubah ne, in se Sabit Banani ne, in se Anas bin Malik razi Allahu anhu ne bayan kiya ke Nabi Karim salla Allahu alaihi wasallam ek safar mein thay, rasta mein hudi-khwan ne hudi parhi to Nabi Karim salla Allahu alaihi wasallam ne farmaya ”Ae Anjashah! Sheeshon ko aahista aahista le kar chal, tujh par afsos.“

Hum se Sulayman bin Harb ne bayan kiya, unhon ne kaha hum se Hammad ne bayan kiya, in se Sabit Banani ne bayan kiya, in se Anas wa Ayub ne, in se Abu Qulabah ne aur in se Anas razi Allahu anhu ne ke Nabi Karim salla Allahu alaihi wasallam ek safar mein thay, Anjashah naami ghulam auraton ki sawariyon ko hudi parhta le kar chal raha thu. Nabi Karim salla Allahu alaihi wasallam ne is se farmaya ”Anjashah! Sheeshon ko aahista le chal.“ Abu Qulabah ne bayan kiya ke murad auratein thien.

Hum se Ishaq ne bayan kiya, kaha hamain ko Habban ne khabar di, kaha hum se Humam bin Yahya ne bayan kiya, in se Qatadah ne bayan kiya, in se Anas bin Malik razi Allahu anhu ne bayan kiya ke Nabi Karim salla Allahu alaihi wasallam ke ek hudi-khwan thay Anjashah naami in ki aawaz bari achhi ku. Nabi Karim salla Allahu alaihi wasallam ne in se farmaya ”Anjashah! Aahista chaal ikhtiyar kar, in sheeshon ko mat torr.“ Qatadah ne bayan kiya ke murad kamzor auratein thien (ke sawari se gir na jayein).

Hum se Musaddad ne bayan kiya, kaha hum se Yahya ne bayan kiya, in se Shubah ne, in se Qatadah ne aur in se Anas bin Malik razi Allahu anhu ne ke Madinah Munawwarah par (ek raat na-maloom aawaz ki wajah se) dar tari ho gaya. Chunanche Rasool Allahsalla Allahu alaihi wasallam Abu Talha ke ek ghore par sawar huay. Phir (wapas aa kar) farmaya ”hamain to koi (khauf ki) cheez nazar na aayi, albatta yeh ghora to goya darya thu.“

Aur Ibn Abbas razi Allahu anhuma ne kaha Nabi Karim salla Allahu alaihi wasallam ne do qabr walon ke haq mein farmaya ke kisi bare gunah mein azab nahi diye jaate aur haalan ke woh bara gunah hai.

Hum se Muhammad bin Salam ne bayan kiya, kaha hum ko Makhlad bin Yazid ne khabar di, kaha hum ko Ibn Jurayj ne khabar di ke Ibn Shihab ne bayan kiya ke mujhko Yahya bin Urwah ne khabar di, unhon ne Urwah se suna, kaha ke Aisha razi Allahu anha ne bayan kiya ke kuch logon ne Rasool Allahsalla Allahu alaihi wasallam se kahinon ke baare mein poochha. Nabi Karim salla Allahu alaihi wasallam ne in se farmaya ke in ki (pesheen-goiyon ki) koi haisiyat nahi. Sahabah ne arz kiya: ya Rasool اللہ! Lekin woh baaz auqat aaisi baatein karte hain jo sahih sabit hoti hain. Nabi Karim salla Allahu alaihi wasallam ne farmaya ke woh baat, sachi baat hoti hai jise jin farishton se sun kar ura leta hai aur phir usay apne wali (kahin) ke kaan mein murgh ki aawaz ki tarah daalta hai. Is ke baad kahin is (ek sachi baat mein) sau se zyada jhoot mila dete hain.

Aur Allah Ta'ala ne (Surah al-Ghashiyah mein) farmaya «afalaa yanzhuroona ilal-ibili kaifa khuliqat wa ilas-samaa-i kaifa rufiat» ”kiya وہ oont ko nahi dekhte ke kaise is ki paidaish ki gayi hai aur aasman ki taraf ke kaise woh buland kiya gaya hai.“ Aur Ayub ne bayan kiya, in se Ibn Abi Mulaykah ne aur in se Aisha razi Allahu anha ne ke Rasool Allahsalla Allahu alaihi wasallam ne sar mubarak aasman ki taraf uthaya.

Hum se Ibn Bukayr ne bayan kiya, unhon ne kaha hum se Layth bin Saad ne bayan kiya, in se Aqeel ne, in se Ibn Shihab ne ke main ne Abu Salamah bin Abd-ur-Rahman se suna, woh bayan karte thay ke mujhe Jabir bin Abdullah ne khabar di, unhon ne Rasool Allahsalla Allahu alaihi wasallam se, Nabi Karim salla Allahu alaihi wasallam ne farmaya ke phir mere paas wahi aane ka silsila band ho gaya. Ek din main chal raha thu ke main ne aasman ki taraf se ek aawaz suni, main ne aasman ki taraf nazar uthayi to main ne phir is farishte ko dekha jo mere paas Ghar e Hira mein aaya thu, woh aasman o zameen ke darmiyan kursi par baitha hua thu.

Hum se Ibn Abi Maryam ne bayan kiya, kaha hum se Muhammad bin Jafar ne bayan kiya, kaha ke mujhe Shareek ne khabar di, unhein Kurayb ne aur in se Ibn Abbas razi Allahu anhuma ne bayan kiya ke main ne ek raat Maymoonah razi Allahu anha (khala) ke ghar guzari, Nabi Karim salla Allahu alaihi wasallam bhi is raat wahien thehre huay thay. Jab raat ka aakhri tihayi hissa hua ya is ka baaz hissa reh gaya to Nabi Karim salla Allahu alaihi wasallam uth baithe aur aasman ki taraf dekha phir is aayat ki tilawat ki «inna fee khalqis-samawaati wal-ardi wakhtilaafil-laili wan-nahaari la-aayaatil-li-oolil-albaabi» ”bilashubha aasman ki aur zameen ki paidaish mein aur din raat ke badalte rehne mein aql walon ke liye nishaniyaan hain.“