Hum se Musaddad ne kaha, kaha hum se Yahya Qattan ne bayan kiya, in se Usman bin Ghiyas ne, kaha hamase Abu Usman Nahdi ne bayan kiya aur in se Abu Musa Ash'ari ne ke woh Nabi Karim salla Allahu alaihi wasallam ke saath Madinah ke bagon mein se ek bagh mein thay. Nabi Karim salla Allahu alaihi wasallam ke hath mein ek lakri ku, Aap is ko pani aur kecharh mein maar rahe thay. Is dauran mein ek sahab ne bagh ka darwaza khulwana chaha. Nabi Karim salla Allahu alaihi wasallam ne mujh se farmaya ke is ke liye darwaza khol de aur unhein jannat ki khush-khabri suna de. Main gaya to wahan Abu Bakr razi Allahu anhu maujood thay, main ne in ke liye darwaza khola aur unhein jannat ki khush-khabri sunayi phir ek aur sahab ne darwaza khulwaya. Nabi Karim salla Allahu alaihi wasallam ne farmaya ke darwaza khol de aur unhein jannat ki khush-khabri suna de is martaba Umar razi Allahu anhu thay. Main ne in ke liye bhi darwaza khola aur unhein bhi jannat ki khush-khabri suna di. Phir ek teesre sahab ne darwaza khulwaya. Nabi Karim salla Allahu alaihi wasallam is waqt taik lagaye huay thay ab seedhe baith gaye. Phir farmaya darwaza khol de aur jannat ki khush-khabri suna de, in aazmaishon ke saath jis से (duniya mein) unhein do-char hona pare ga. Main gaya to wahan Usman razi Allahu anhu thay. In ke liye bhi main ne darwaza khola aur unhein jannat ki khush-khabri sunayi aur woh baat bhi bata di jo Nabi Karim salla Allahu alaihi wasallam ne farmayi ku. Usman razi Allahu anhu ne kaha khair Allah madadgar hai.

Hum se Muhammad bin Bashar ne bayan kiya kaha hamase Ibn Abi Adi ne bayan kiya, in se Shubah ne, in se Sulayman wa Mansoor ne, in se Saad bin Ubaidah ne in se Abu Abd-ur-Rahman Salmi ne aur in se Ali razi Allahu anhu ne bayan kiya ke Nabi Karim salla Allahu alaihi wasallam ke saath ek janaza mein shareek thay. Nabi Karim salla Allahu alaihi wasallam ke hath mein ek chhari ku usay Aap zameen par maar rahe thay phir Aap salla Allahu alaihi wasallam ne farmaya ke tum mein koi aisa nahi hai jis ka jannat ya dozakh ka thikana tay na ho chuka ho. Sahabah ne arz kiya: phir kyun na hum is par bharosa kar lein. Nabi Karim salla Allahu alaihi wasallam ne farmaya ke amal karte raho kyunke har shakhs jis thikane ke liye paida kiya gaya hai us ko waisi hi taufiq di jaye gi. Jaisa ke Quran Shareef ke Surah al-Lail mein hai «fa-ammaa man ata wattaqaa» ”jis ne lillah khairat ki aur Allah Ta'ala se dara“ aakhir tak.

Hum se Abu al-Yaman ne bayan kiya, kaha hum ko Shuayb ne khabar di, unhein Zuhri ne, in se Hind bin Haris ne bayan kiya ke Umm Salamah razi Allahu anha ne bayan kiya ke Nabi Karim salla Allahu alaihi wasallam (raat mein) bedar huay aur farmaya ”Subhan-allah! Allah ki rahmat ke kitne khazane aaj nazil kiye gaye hain aur kis tarah ke fitne bhi utaare gaye hain. Kaun hai! Jo in hujra waliyon ko jagaye.“ Nabi Karim salla Allahu alaihi wasallam ki murad azwaj e mutahharat se ku taake woh namaz parh lein kyunke bahut si duniya mein kapre pehnne waliyaan aakhirat mein nangi hon gi. Aur Ibn Abi Sawr ne bayan kiya, in se Ibn Abbas razi Allahu anhuma ne aur in se Umar razi Allahu anhu ne bayan kiya ke main ne Rasool Allahsalla Allahu alaihi wasallam se poochha, kiya Aap ne azwaj e mutahharat ko talaq de di hai? Nabi Karim salla Allahu alaihi wasallam ne farmaya ke nahi. Main ne kaha Allahu-akbar!

Hum se Abu al-Yaman ne bayan kiya, unhon ne kaha hum ko Shuayb ne khabar di, unhein Zuhri ne (doosri sanad) aur hamase Ismail bin Abi Oways ne bayan kiya, unhon ne kaha ke mujh se mere bhai Abd-ul-Hameed ne bayan kiya, in se Sulayman ne bayan kiya, in se Muhammad bin Abi Ateeq ne bayan kiya, in se Ibn Shihab ne bayan kiya, in se Imam Zain-ul-Aabideen Ali bin Husain ne ke Nabi Karim salla Allahu alaihi wasallam ki zauja mutahhara Safiyyah bint Huyai razi Allahu anha ne unhein khabar di ke woh Nabi Karim salla Allahu alaihi wasallam ke paas milne aayin. Nabi Karim salla Allahu alaihi wasallam is waqt masjid mein Ramzan ke aakhri ashra mein itikaf kiye huay thay. Isha ke waqt thori der unhon ne Nabi Karim salla Allahu alaihi wasallam se baatein kiein aur wapas lautne ke liye uthien to Nabi Karim salla Allahu alaihi wasallam bhi unhein chhorr aane ke liye khare ho gaye. Jab woh masjid ke is darwaza ke paas pahunche jahan Nabi Karim salla Allahu alaihi wasallam ki zauja mutahhara Umm Salamah razi Allahu anha ka hujra thu, to idhar se do Ansari sahabi guzre aur Nabi Karim salla Allahu alaihi wasallam ko salam kiya aur aage barh gaye. Lekin Nabi Karim salla Allahu alaihi wasallam ne in se farmaya ke thori der ke liye thehar jao. Yeh Safiyyah bint Huyai meri biwi hain. In donon sahabah ne arz kiya: Subhan-allah, ya Rasool اللہ. In par bara shaaq guzra. Lekin Aap salla Allahu alaihi wasallam ne farmaya ke shaytan insan ke andar khoon ki tarah dorta rehta hai, is liye mujhe khauf hua ke kahin woh tumhare dil mein koi shubha na daal de.

Hum se Adam bin Abi Iyas ne bayan kiya, kaha hum se Shubah ne bayan kiya, in se Qatadah ne, unhon ne Uqbah bin Sahban Azdi se suna, woh Abdullah bin Mughaf-fal Muzni se naqal karte thay ke Nabi Karim salla Allahu alaihi wasallam ne kankari phenkne se mana kiya thu aur farmaya thu ke woh na shikar maar sakti hai aur na dushman ko koi nuqsan pahuncha sakti hai, albatta aankh phorr sakti hai aur daant torr sakti hai.

Hum se Muhammad bin Kaseer ne bayan kiya, kaha hum se Sufyan Sawri ne bayan kiya, kaha hamase Sufyan ne bayan kiya aur in se Anas bin Malik razi Allahu anhu ne bayan kiya ke Nabi Karim salla Allahu alaihi wasallam ke paas do as-haab chheinke. Nabi Karim salla Allahu alaihi wasallam ne ek ka jawab yarhamukallah (Allah tum par raham kare) se diya aur doosre ka nahi. Nabi Karim salla Allahu alaihi wasallam se is ki wajah poochhi gayi to farmaya ke is ne Al-hamdu lillah kaha thu (is liye is ka jawab diya) aur doosre ne Al-hamdu lillah nahi kaha thu. Chheinkne wale ko Al-hamdu lillah zaroor kehna chahiye aur sunne walon ko yarhamukallah.

Hum se Sulayman bin Harb ne bayan kiya, kaha hum se Shubah ne bayan kiya, in se Ash-as bin Sulaym ne ke main ne Muawiyah bin Suwayd bin Muqarrin se suna aur in se Bara razi Allahu anhu ne bayan kiya ke hamain Nabi Karim salla Allahu alaihi wasallam ne saat baaton ka hukm diya thu aur saat kaamon se roka thu, hamain Nabi Karim salla Allahu alaihi wasallam ne beemar ki mizaj-pursa karne, janaza ke peeche chalne, chheinkne wale ke jawab dene, dawat karne wale ki dawat qabool karne, salam ka jawab dene, mazloom ki madad karne aur qasam kha lene wale ki qasam poori karne mein madad dene ka hukm diya thu aur Nabi Karim salla Allahu alaihi wasallam ne hamain saat kaamon se roka thu, sone ki angoothi se, ya bayan kiya ke sone ke chhalle se, resham aur deeba aur sundu-s (deeba se bareek reshmi kapra) pehnne se aur reshmi zain se.

Hum se Adam bin Abi Iyas ne bayan kiya, unhon ne kaha hum se Ibn Abi Zib ne bayan kiya, in se Saeed Muqbiri ne bayan kiya, in se un ke walid ne, in se Abu Hurairah razi Allahu anhu ne aur in se Nabi Karim salla Allahu alaihi wasallam ne (farmaya ke) Allah Ta-ala chheink ko pasand karta hai aur jamayi ko napasand karta hai. Is liye jab tum mein se koi shakhs chheinke aur Al-hamdu lillah kahe to har Musalman par jo usay sune, haq hai ke is ka jawab yarhamukallah se de. Lekin jamayi shaytan ki taraf se hoti hai is liye jahan tak ho sake usay roke kyunke jab woh munh khol kar ha ha ha kehta hai to shaytan is par hans-ta hai.

Hum se Malik bin Ismail ne bayan kiya, unhon ne kaha hum se Abd-ul-Aziz bin Abu Salamah ne bayan kiya, unhein Abdullah bin Dinar ne khabar di, woh Abu Salih se aur woh Abu Hurairah razi Allahu anhu se riwayat karte hain ke Nabi Karim salla Allahu alaihi wasallam ne farmaya ”jab tum mein se koi chheinke to «al-hamdu lillah» kahe aur is ka bhai ya is ka saathi (rawi ko shubha thu) «yarhamukallah» kahe. Jab saathi «yarhamukallah» kahe to is ke jawab mein chheinkne wala «yahdeekum-ullahu wa yuslihu baalakum» .“

Hum se Adam bin Abi Iyas ne bayan kiya, kaha hum se Shubah ne bayan kiya, kaha hamase Sulayman Taymi ne bayan kiya, kaha ke main ne Anas razi Allahu anhu se suna, unhon ne bayan kiya ke Nabi Karim salla Allahu alaihi wasallam ki maujoodgi mein do aadmiyon ne chheinka. Lekin Nabi Karim salla Allahu alaihi wasallam ne in mein se ek ki chheink par yarhamukallah kaha aur doosre ki chheink par nahi kaha. Is par doosra shakhs bola ke ya Rasool اللہ! Aap ne in ki chheink par yarhamukallah farmaya. Lekin meri chheink par nahi farmaya? Nabi Karim salla Allahu alaihi wasallam ne farmaya ke unhon ne Al-hamdu lillah kaha thu aur tum ne nahi kaha thu.