Main ne Imam Malik bin Anas se «fuq-qa» (jo kishmish se tayyar ki jati ku) ke baare mein poochha to unhon ne kaha ke agar is mein nasha na ho to koi haraj nahi aur Ibn al-Darawardi ne bayan kiya ke hum ne is ke mutalliq poochha to kaha ke agar is mein nasha na ho to koi haraj nahi .

Hum se Abdullah bin Yusuf ne bayan kiya , kaha hum ko Imam Malik ne khabar di , unhein Ibn Shihab ne , unhein Abu Salamah bin Abdur Rahman ne aur in se Aisha razi Allahu anha ne bayan kiya ke Rasool Allah salla Allahu alaihi wasallam se «bit-un» ke mutalliq poochha gaya to Aap salla Allahu alaihi wasallam ne farmaya ke jo bhi peene wali cheez nasha laave woh haram hai .

Hum se Abu al-Yaman ne bayan kiya , unhon ne kaha hum ko Shuayb ne khabar di , in se Zuhri ne bayan kiya , unhon ne kaha ke mujhko Abu Salamah bin Abdur Rahman ne khabar di aur in se Aisha razi Allahu anha ne bayan kiya ke Rasool Allah salla Allahu alaihi wasallam se «bit-un» ke mutalliq sawal kiya gaya . Yeh mashroob shehad se tayyar kiya jata tha aur Yaman mein is ka aam riwaj thu . Nabi Karim salla Allahu alaihi wasallam ne farmaya ke jo cheez bhi nasha laane wali ho woh haram hai .

Aur Zuhri se riwayat hai , kaha ke mujh se Anas bin Malik razi Allahu anhu ne bayan kiya ke Rasool Allah salla Allahu alaihi wasallam ne farmaya ke ”Dubba“ aur ”Muzaffat“ mein nabeez na banaya karo aur Abu Hurairah razi Allahu anhu is ke saath ”Hantam“ aur ”Naqeer“ ka bhi izafa kiya karte thay .

Hum se Ahmad bin Abi Rajaa ne bayan kiya , unhon ne kaha hum se Yahya bin Saeed Qattan ne bayan kiya , in se Abu Hayyan Taymi ne , in se Shabi ne aur in se Abdullah bin Umar razi Allahu anhuma ne bayan kiya ke Umar razi Allahu anhu ne Rasool Allah salla Allahu alaihi wasallam ke mimbar par khutba dete huay kaha jab sharab ki hurmat ka hukm hua to woh paanch cheezon se banti ku . Angoor se , khajoor se , gehoon se , jau aur shehad se aur «khamr» (sharab) woh hai jo aql ko makhoor kar de aur teen masail aise hain ke meri tamanna ku ke Rasool Allah salla Allahu alaihi wasallam hamase juda hone se pehle hamain in ka hukm bata jaate , dada ka masla , kalalah ka masla aur sood ke chand masail . Abu Hayyan ne bayan kiya ke main ne Shabi se poochha: Ae Abu Amr! Ek aisa sharbat hai jo Sindh mein chawal se banaya jata hai . Unhon ne kaha ke yeh cheez Rasool Allah salla Allahu alaihi wasallam ke zamane mein nahi payi jati ku ya kaha ke Umar razi Allahu anhu ke zamane mein na ku aur Faraj ibn Minhal ne bhi is hadees ko Hammad bin Salama se bayan kiya aur in se Abu Hayyan ne is mein angoor ke bajaye kishmish hai .

Hum se Hafs bin Umar ne bayan kiya , unhon ne kaha hum se Shubah ne bayan kiya , in se Abdullah bin Abi al-Safar ne bayan kiya , in se Shabi ne in se Abdullah bin Umar razi Allahu anhuma ne ke Umar razi Allahu anhu ne kaha ke sharab paanch cheezon se banti ku kishmish , khajoor , gehoon , jau aur shehad se .

Aur Hisham bin Ammar ne bayan kiya ke in se Sadaqah bin Khalid ne bayan kiya , in se Abdur Rahman bin Yazid ne , in se Atiyyah bin Qays Kalabi ne , in se Abdur Rahman bin Ghanam Ash'ari ne bayan kiya kaha ke mujh se Abu Aamir razi Allahu anhu ya Abu Malik Ash'ari razi Allahu anhu ne bayan kiya: Allah ki qasam! Unhon ne jhoot nahi bayan kiya ke unhon ne Nabi kareem salla Allahu alaihi wasallam se suna , Nabi kareem salla Allahu alaihi wasallam ne farmaya ke meri ummat mein aise bure log paida ho jayein ge jo zina-kari , resham ka pehnna , sharab peena aur gaane bajane ko halal bana lein ge aur kuch mutakabbir qism ke log pahar ki choti par (apne banglon mein rahaish karne ke liye) chale jayein ge . Charwahe in ke maveshi subah o shaam laayein ge aur le jayein ge . In ke paas ek faqeer aadmi apni zaroorat le kar jaye ga to woh taal-ne ke liye is se kahein ge ke kal aana lekin Allah Ta'ala raat ko un ko (in ki sarkashi ki wajah se) halak kar de ga pahar ko (in par) gira de ga aur in mein se bahut son ko Qayamat tak ke liye bandar aur suar ki suraton mein masakh kar de ga .

Hum se Qutaybah bin Saeed ne bayan kiya , kaha hum se Yaqoob bin Abdur Rahman ne bayan kiya , in se Abu Hazim Salama bin Dinar ne bayan kiya ke main ne Sahl bin Saad Saadi se suna , unhon ne kaha ke Abu Usayd Malik bin Rabee aaye aur Nabi kareem salla Allahu alaihi wasallam ko apne walima ki dawat di , in ki biwi hi sab kaam kar rahi thien haalan ke woh nayi dulhan thien . Sahl razi Allahu anhu ne bayan kiya tumhein maloom hai ke main ne Nabi kareem salla Allahu alaihi wasallam ko kiya pilaya thu . Nabi kareem salla Allahu alaihi wasallam ke liye unhon ne patthar ke kounde mein raat ke waqt khajoor bhigo di ku .

Hum se Yusuf bin Musa ne bayan kiya , kaha hum se Muhammad bin Abdullah Abu Ahmad Zubayri ne , kaha hum se Sufyan Sawri ne bayan kiya , in se Mansoor bin Mutamir ne , in se Salim bin Abi al-Jad ne aur in se Jabir razi Allahu anhu ne bayan kiya ke Rasool Allah salla Allahu alaihi wasallam ne chand bartanon mein nabeez bhigone ki (jin mein sharab banti ku) mamanat kar di ku phir Ansar ne arz kiya ke hamare paas to doosre bartan nahi hain . Nabi kareem salla Allahu alaihi wasallam ne farmaya ke to khair phir ijazat hai . Imam Bukhari rahmahullah kehte hain mujh se Khaleefa bin Khayyat ne bayan kiya , kaha hum se Yahya bin Saeed Qattan ne bayan kiya , kaha hum se Sufyan Sawri ne bayan kiya , in se Mansoor bin Mutamir ne aur in se Salim bin Abi al-Jad ne phir yahi hadees riwayat ki ku .

Hum se Ali bin Abdullah Madini ne bayan kiya , kaha hum se Sufyan bin Uyaynah ne , woh Sulayman bin Abi Muslim Ahwal se , woh Mujahid se , woh Abu Ayaz Amr bin Aswad se aur unhon ne Abdullah bin Amr bin Aas se riwayat kiya ke jab Nabi kareem salla Allahu alaihi wasallam ne mashkon ke siwa aur bartanon mein nabeez bhigone se mana farmaya to logon ne Aap salla Allahu alaihi wasallam se arz kiya: ya Rasool Allah! Har kisi ko mashk kahan se mil sakti hai ? Is waqt Aap salla Allahu alaihi wasallam ne bin lakh lage ghare (raughan e zift lage bartan) mein nabeez bhigone ki ijazat de di . Hum se Abdullah bin Muhammad Musandi ne bayan kiya , kaha hum se Sufyan Sawri ne yahi bayan kiya aur is mein yun hai ke jab Nabi kareem salla Allahu alaihi wasallam ne chand bartanon mein nabeez bhigone se mana farmaya .