Imam Bukhari rahmahullah ne kaha mujh se Khaleefa bin Khay-yaat ne bayan kiya . Hamase Mutamir ne bayan kiya , kaha main ne apne walid Sulayman se suna , unhon ne Qatadah se , unhon ne Abu Rafi se , unhon ne Abu Hurairah razi Allahu anhuse , unhon ne Nabi Karim salla Allahu alaihi wasallam se , Aap salla Allahu alaihi wasallam ne farmaya ”Allah Ta'ala jab khalqat ka paida karna thehra chuka (ya jab khalqat paida kar chuka) to us ne arsh ke oopar apne paas ek kitab likh kar rakkhi is mein yun hai meri rahmat merey ghusse par ghalib hai ya merey ghusse se aage barh chuki hai .“

Hum se Qutaiba Bin Said ne bayan kiya, unhon ne kaha hum se Mugheera Bin Abdur Rahman Qurashi ne bayan kiya, unhon ne kaha ke hum se Abu-uz-Zinad ne bayan kiya, un se Aaraj ne bayan kiya aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya "Jab Allah Ta'ala makhluq ko paida kar chuka to apni kitab (Lauh-e-Mahfooz) mein, jo is ke paas Arsh par maujood hai, us ne likha ke meri rehmat mere ghusse par ghalib hai."
.

Hum se Abdan ne bayan kiya, in se Abu Hamza ne bayan kiya, in se Aamash ne, in se Salih ne aur in se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ”jab Allah Ta'ala ne makhlooq ko paida kiya to apni kitab mein usay likha, us ne apni zaat ke mutalliq bhi likha aur yeh ab bhi arsh par likha hua maujood hai «in-na rahmatee taghlibu ghazhabee» ke ”meri rahmat meere ghazhab par ghalib hai.““

Hum se Abu al-Yaman ne bayan kiya, unhon ne kaha hum ko Shuayb ne khabar di, unhon ne kaha hum se Abu al-Zinad ne bayan kiya, in se Aaraj ne aur in se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ”Allah Ta'ala ne jab makhlooq paida ki to arsh ke oopar apne paas likha ke meri rahmat mere ghussa se barh kar hai.“

Hum se Saeed bin Abi Maryam ne bayan kiya, unhon ne kaha hamako Muhammad bin Jafar ne khabar di, unhon ne kaha mujhe Shareek bin Abdullah bin Abi Namr ne khabar di, unhein Kuraib ne aur in se Ibn Abbas raziAllahu anhuma ne bayan kiya ke ek raat main ne Umm al-Momineen Maimoona razi Allahu anha ke ghar guzaari is raat Nabi kareem salla Allahu alaihi wasallam unhi ke paas thay. Mera maqsud raat mein Nabi Karim salla Allahu alaihi wasallam ki namaz dekhna thu. Nabi Karim salla Allahu alaihi wasallam ne thori der to apni ahliya ke saath baat-cheet ki phir so gaye. Jab raat ka aakhri tihayi hissa ya baaz hissa baqi reh gaya to Aap uth baithe aur aasman ki taraf dekh kar yeh aayat parhi «in-na fee khal-qis-samaawaati wal-ardhi» ”bilashubha aasmanon aur zameen ki paidaish mein aql rakhne walon ke liye nishaniyaan hain“ phir uth kar Aap ne wuzu kiya aur miswak ki, phir gyarah raka-tein parhien, phir Bilal razi Allahu anhune namaz ke liye azan di aur Aap ne do rakaat namaz parhi, phir bahar aa gaye aur logon ko subah ki namaz parhayi.

Mujh se Muhammad bin Ghalib ne bayan kiya , in se Muhammad bin Ismail Basri ne bayan kiya , kaha hamase Mutamir bin Sulayman ne bayan kiya , unhon ne apne walid se suna , unhon ne kaha ke hamase Qatadah ne bayan kiya , in se Abu Rafi ne hadees bayan ki , unhon ne Abu Hurairah razi Allah anhu ne suna , unhon ne bayan kiya ke main ne Rasool Allah salla Allahu alaihi wasallam se suna , Aap salla Allahu alaihi wasallam ne farmaya ke Allah Ta'ala ne makhlooq ko paida karne se pehle ek tahreer likhi ke meri rahmat merey ghazhab se barh kar hai , chunanche yeh is ke paas arsh ke oopar likha hua hai .