Hum se Ishaq bin Ibrahim ne bayan kiya , kaha hum ko Waki ne khabar di (doosri sanad) Imam Bukhari rahmahullah ne kaha , hamase Yahya ne bayan kiya , kaha hum se Waki ne bayan kiya , kaha hum se Aamash ne , in se Ibrahim ne , in se Alqama ne aur in se Abdullah bin Masood razi Allahu anhu ne bayan kiya ke jab yeh aayat nazil hui «al-lazheena aamanoo wa lam yalbisooo imaanahum bi-zhulmin» ”woh log jo iman le aaye aur apne iman ke saath zhulm ko nahi milaya“ to sahabah ko yeh muamla bahut mushkil nazar aaya aur unhon ne kaha ham mein kaun ho ga jo zhulm na karta ho . Nabi Karim salla Allahu alaihi wasallam ne farmaya ke is ka matlab woh nahi hai jo tum samajhte ho balkay is ka matlab Luqman alaihissalam ke is irshad mein hai jo unhon ne apne larke se kaha thu «ya bunay-ya laa tushrik bil-laahi innash-shirka la-zhulmun azheemun» ke ”Ae bete! Allah ke saath kisi ko shareek na thehrana , bilashubha shirk karna bahut bada zhulm hai .“

Hamaare saamne Abul Waleed ne bayan kiya, unhon ne kaha hum se Sho’bah ne bayan kiya (doosri sanad) aur Imam Bukhari Rahimahullah ne kaha ke hum se (isi Hadees ko) Bishr ne bayan kiya, un se Muhammed ne, un se Sho’bah ne, unhon ne Sulaiman se, unhon ne Alqamah se, unhon ne Abdullah bin Mas’ood Radhiallahu Anhu se jab Surah Al-An’aam ki yeh Aayat utri“jo log imaan laaye aur unhon ne apne imaan mein gunaaho ki aamezish nahi ki”to Aap Sallallahu Alaihi Wasallam ke ashaab ne kaha ya RasoolAllah! Yeh to bahut hi mushkil hai. Hum mein kaun aisa hai jis ne gunaah nahi kiya. Tab Allah paak ne Surah Luqman ki yeh Aayat utaari «إِنَّ الشِّرْكَ لَظُلْمٌ عَظِيمٌ» ke be-shak shirk bada zulm hai.

Hum se Umar Bin Hafs Bin Ghiyath ne bayan kiya, kaha hum se hamare walid ne bayan kiya, un se Aamash ne bayan kiya kaha ke mujh se Ibrahim ne bayan kiya, un se Alqama ne aur un se Abdullah Bin Masood (Radi Allahu Anhu) ne bayan kiya ke jab ye ayat utri "allazina amanu wa-lam yalbisū imānahum bi-zhulmin" "Jo log iman laye aur apne iman mein kisi qism ke zhulm ki milawat na ki." To hum ne arz kiya: Ya Rasul Allah! Hum mein aisa kaun ho ga jis ne apni jaan par zhulm na kiya ho ga? Nabi Kareem (Sallallahu Alaihi Wasallam) ne farmaya ke waqiya wo nahi jo tum samajhte ho. Jis ne apne iman ke sath zhulm ki milawat na ki. (mein zhulm se murad) shirk hai kya tum ne Luqman Alaihis Salam ki apne bete ko ye nasihat nahi suni ke "Ae bete! Allah ke sath shareek na karna, beshak shirk bahut hi bada zhulm hai."
.

Hum se Abu Al-Walid ne bayan kiya kaha hum se Shuba ne bayan kiya un se Amash ne un se Ibrahim ne un se Alqamah ne aur un se Abdullah Bin Masood (Radi Allahu Anhu) ne bayan kiya ke jab aayat «allazina amanu walam yalbisoo imanahum bizulmin» "Jo log iman laye aur apne iman mein zulm ki milawat nahi ki." Nazil hui to Nabi Kareem (Sallallahu Alaihi Wasallam) ke Sahaba ne arz kiya hum mein aisa kaun hoga jis ne apne iman mein zulm nahi kiya hoga. Is par ye aayat nazil hui «la tushrik billahi innash shirka lazulmun azeemun» "Allah ke sath kisi ko shareek na thehra. Beshak shirk hi zulm-e-azeem hai."

Mujh se Ishaq Bin Rahwayh ne bayan kiya kaha hum ko Isa Bin Yunus ne khabar di kaha hum se Amash ne bayan kiya un se Ibrahim Nakhi ne un se Alqamah ne aur un se Abdullah Bin Masood (Radi Allahu Anhu) ne bayan kiya ke jab aayat «allazina amanu walam yalbisoo imanahum bizulmin» "Jo log iman laye aur apne iman ke sath zulm ki milawat nahi ki." Nazil hui to Musalmanon par bara shaaq guzra aur unhon ne arz kiya hum mein kaun aisa ho sakta hai jis ne apne iman ke sath zulm ki milawat na ki hogi? Nabi Kareem (Sallallahu Alaihi Wasallam) ne farmaya ke is ka ye matlab nahi zulm se murad aayat mein shirk hai. Kya tum ne nahi suna ke Luqman (Alaihis Salam) ne apne bete se kaha tha ise nasihat karte hue ke ae bete! Allah Ta'ala ke sath kisi ko shareek na thehra beshak shirk bara hi zulm hai

Hum se Qutaybah bin Saeed ne byaan kiya , kaha hum se Jareer ne byaan kiya , un se Aamash ne , un se Ibrahim ne , un se Alqamah ne aur un se Abdullah bin Masood razi Allahu anhu ne byaan kiya ke jab aayat «allazhina aamanu wa lam yalbisoo imanahum bi-zhulmin» ke ”jo log iman laye aur apne iman ke saath zulm ki aamezish nahi ki .“ Nazil hui to as-haab e Rasool salla Allahu alaihi wasallam bahut ghabraye aur kehne lage ke hum mein kaun aisa ho ga jis ne apne iman ke saath zulm ki milawat nahi ki ho gi ? Aap salla Allahu alaihi wasallam ne farmaya ke aayat mein zulm se yeh murad nahi hai . Tum ne Luqman alaihissalam ki woh nasihat nahi suni jo unhon ne apne bete ko ki thi «innash-shirka la-zhulmun azeemun» ke ”beshak shirk karna bara bhaari zulm hai .“

Hum se Qutaybah bin Saeed ne bayan kiya, unhon ne kaha hamain ko Jareer bin Abd-ul-Hameed ne bayan kiya, unhon ne Aamash se, unhon ne Ibrahim Nakhai se, unhon ne Alqama se, unhon ne Abdullah bin Masood razi Allahu anhu se, unhon ne kaha ke jab (Surah al-An'am ki) yeh aayat «al-lazheena aamanoo wa lam yalbisooo imaanahum bi-zhulmin» utri ”jo log iman laaye aur unhon ne iman ko gunah se aalood nahi kiya (yani zhulm se)“ to Nabi Karim salla Allahu alaihi wasallam ke sahabah ko bahut garaan guzri woh kehne lage bhala ham mein kaun aisa hai jis ne iman ke saath koi zhulm (yani gunah) na kiya ho. Nabi Karim salla Allahu alaihi wasallam ne farmaya ke is aayat mein zhulm se gunah murad nahi hai (balkay shirk murad hai) kiya tum ne Luqman alaihissalam ka qaul nahi suna «innash-shirka la-zhulmun azheemun» ”shirk bada zhulm hai“ .