Hum se Abu al-Yaman ne bayan kiya, unhon ne kaha hum ko Shuayb ne khabar di, unhein Zuhri ne (doosri sanad) aur hamase Ismail bin Abi Oways ne bayan kiya, unhon ne kaha ke mujh se mere bhai Abd-ul-Hameed ne bayan kiya, in se Sulayman ne bayan kiya, in se Muhammad bin Abi Ateeq ne bayan kiya, in se Ibn Shihab ne bayan kiya, in se Imam Zain-ul-Aabideen Ali bin Husain ne ke Nabi Karim salla Allahu alaihi wasallam ki zauja mutahhara Safiyyah bint Huyai razi Allahu anha ne unhein khabar di ke woh Nabi Karim salla Allahu alaihi wasallam ke paas milne aayin. Nabi Karim salla Allahu alaihi wasallam is waqt masjid mein Ramzan ke aakhri ashra mein itikaf kiye huay thay. Isha ke waqt thori der unhon ne Nabi Karim salla Allahu alaihi wasallam se baatein kiein aur wapas lautne ke liye uthien to Nabi Karim salla Allahu alaihi wasallam bhi unhein chhorr aane ke liye khare ho gaye. Jab woh masjid ke is darwaza ke paas pahunche jahan Nabi Karim salla Allahu alaihi wasallam ki zauja mutahhara Umm Salamah razi Allahu anha ka hujra thu, to idhar se do Ansari sahabi guzre aur Nabi Karim salla Allahu alaihi wasallam ko salam kiya aur aage barh gaye. Lekin Nabi Karim salla Allahu alaihi wasallam ne in se farmaya ke thori der ke liye thehar jao. Yeh Safiyyah bint Huyai meri biwi hain. In donon sahabah ne arz kiya: Subhan-allah, ya Rasool اللہ. In par bara shaaq guzra. Lekin Aap salla Allahu alaihi wasallam ne farmaya ke shaytan insan ke andar khoon ki tarah dorta rehta hai, is liye mujhe khauf hua ke kahin woh tumhare dil mein koi shubha na daal de.

Hum se Abu-al-Yaman ne bayan kiya, kaha ke hum ko Shuaib ne khabar di, un se Zuhri ne bayan kiya ke mujhe Imam Zain-ul-Abidin Ali Bin Husain ne khabar di, aur unhein Nabi Kareem (Sallallahu Alaihi Wasallam) ki paak biwi Safiya (Radi Allahu Anha) ne khabar di ke wo Ramzan ke aakhri asharay mein jab Rasul Allah (Sallallahu Alaihi Wasallam) aitikaf mein baithe hue thay, Aap (Sallallahu Alaihi Wasallam) se milne masjid mein aayiein thori dair tak baatein kii-ein phir wapas hone ke liye khari hueein. Nabi Kareem (Sallallahu Alaihi Wasallam) bhi unhein pohanchane ke liye kharay hue. Jab wo Umm-e-Salma (Radi Allahu Anha) ke darwaze se qareeb wale masjid ke darwaze par pohancheein, to do ansari aadmi udhar se guzre aur Nabi Kareem (Sallallahu Alaihi Wasallam) ko salam kiya. Aap (Sallallahu Alaihi Wasallam) ne farmaya kisi soch ki zaroorat nahi, ye to (meri biwi) Safiya Bint Huyayy (Radi Allahu Anha) hain. In donon sahabiyon ne arz ki, Subhan Allah! ya Rasul Allah! un par aap ka jumla bara shaq guzra. Aap (Sallallahu Alaihi Wasallam) ne farmaya ke shaitan khoon ki tarah insan ke badan mein dorta rehta hai. Mujhe khatra hua ke kahin tumhare dilon mein wo koi bad-gumani na daal de
.

Hum se Saeed Bin Afir ne bayan kiya, kaha ke mujh se Laith ne bayan kiya, un se Abdur Rahman Bin Khalid ne bayan kiya, un se Ibn Shihab ne, un se Imam Zain-ul-Abidin Ali Bin Husain (Radi Allahu Anhu) ne ke Nabi Kareem (Sallallahu Alaihi Wasallam) ki paak biwi Safiya (Radi Allahu Anha) ne unhein khabar di (doosri sanad) aur Imam Bukhari (Rahimahullah) ne kaha ke hum se Abdullah Bin Muhammad ne bayan kiya kaha ke hum se Hisham ne bayan kiya, unhein Mamar ne khabar di, unhein Zuhri ne, unhein Ali Bin Husain (Radi Allahu Anhu) ne ke Nabi Kareem (Sallallahu Alaihi Wasallam) masjid mein (aitikaf mein) thay aap ke paas azwaj-e-mutahharat baithi theen. Jab wo chalne lageein to aap ne Safiya Bint Huyayy (Radi Allahu Anha) se farmaya ke jaldi na kar, mein tumhein chorne chalta hoon. Un ka hujra daar-e-Usama (Radi Allahu Anhu) mein tha, chunanche jab Rasul Allah (Sallallahu Alaihi Wasallam) un ke sath nikle to do ansari sahabiyon se aap (Sallallahu Alaihi Wasallam) ki mulaqat hui. In donon hazraat ne Nabi Kareem (Sallallahu Alaihi Wasallam) ko dekha aur jaldi se aage barh jana chaha. Lekin aap ne farmaya thehro! idhar suno! ye Safiya Bint Huyayy hain (jo meri biwi hain) in hazraat ne arz ki, Subhan Allah! ya Rasul Allah! aap ne farmaya ke shaitan (insan ke jism mein) khoon ki tarah dorta hai aur mujhe khatra ye hua ke kahin tumhare dilon mein bhi koi (buri) baat na daal de
.

Hum se Ismail Bin Abdullah ne bayan kiya, unhon ne kaha ke mujhe mere bhai ne khabar di, unhein Suleiman ne, unhein Muhammad Bin Abi Ateeq ne, unhein Ibn Shihab ne, unhein Ali Bin Husain (Radi Allahu Anhu) ne ke Safiya (Radi Allahu Anha) ne unhein khabar di (doosri sanad) aur hum se Ali Bin Abdullah ne bayan kiya, un se Sufyan Bin Uyainah ne bayan kiya, kaha ke mein ne Zuhri se suna. Wo Ali Bin Husain (Radi Allahu Anhu) se khabar dete thay ke Safiya (Radi Allahu Anha) Nabi Kareem (Sallallahu Alaihi Wasallam) ke yahan aayiein. Aap (Sallallahu Alaihi Wasallam) is waqt aitikaf mein thay. Phir jab wo wapas hone lageein to aap bhi un ke sath (thori door tak unhein chorne) aaye. (aate hue) ek ansari sahabi (Radi Allahu Anhu) ne aap ko dekha. Jab Nabi Kareem (Sallallahu Alaihi Wasallam) ki nazar un par pari, to fauran Aap (Sallallahu Alaihi Wasallam) ne unhein bulaya, ke suno! ye (meri biwi) Safiya (Radi Allahu Anha) hain. (Sufyan ne hi Safiya ke bajaye baaz auqat «hadhihi Safiya» ke alfaz kahe. (is ki wazahat is liye zaroori samjhi) ke shaitan insan ke jism mein khoon ki tarah dorta rehta hai. Mein (Ali Bin Abdullah) ne Sufyan se poocha ke ghaliban wo raat ko aayi hongi ? to unhon ne farmaya ke raat ke siwa aur waqt hi kaun sa ho sakta tha
.

Hum se Said Bin Afir ne bayan kiya, kaha ke mujh se Laith Bin Saad ne bayan kiya, kaha ke mujh se Abdur Rahman Bin Khalid ne bayan kiya, un se Ibn Shihab ne, un se Ali Bin Husain Zain-ul-Abidin ne ke Nabi Kareem (Sallallahu Alaihi Wasallam) ki zauja mutahhara Safiya (Radi Allahu Anha) ne unhein khabar di ke wo Nabi Kareem (Sallallahu Alaihi Wasallam) ki khidmat mein milne ke liye hazir hui. Nabi Kareem (Sallallahu Alaihi Wasallam) Ramzan ke aakhri ashra ka masjid mein itikaf kiye hue thay. Phir wo wapas hone ke liye utheen to Nabi Kareem (Sallallahu Alaihi Wasallam) bhi un ke sath uthe. Jab Aap (Sallallahu Alaihi Wasallam) apni zauja mutahhara Umm-e-Salama (Radi Allahu Anha) ke darwaza ke qareeb pahunche jo Masjid-e-Nabwi ke darwaze se mila hua tha to do Ansari Sahabi (Usaid Bin Hudhair Radi Allahu Anhu aur Abbad Bin Bishr Radi Allahu Anhu) wahan se guzre. Aur Aap (Sallallahu Alaihi Wasallam) ko unhon ne salam kiya aur aage barhne lage. Lekin Aap (Sallallahu Alaihi Wasallam) ne un se farmaya, zara thehr jao (mere sath meri biwi Safiya Radi Allahu Anha hain yaani koi doosra nahi) un dono ne arz kiya. Subhan Allah, Ya Rasul Allah! In hazrat par Aap ka ye farmana bada shaaq guzra. Aap (Sallallahu Alaihi Wasallam) ne is par farmaya ke Shaitan insan ke andar is tarah daudta rehta hai jaise jism mein khoon daudta hai. Mujhe yahi khatra hua ke kahin tumhare dilon mein bhi koi waswasa paida ho jaye
.

Hum se Mahmud Bin Ghaylan ne bayan kiya, kaha hum se Abdur Razzaq ne bayan kiya, kaha hum ko Ma'mar ne khabar di, unhein Zuhri ne, unhein Zain-ul-Abidin Ali Bin Husain (Radi Allahu Anhu) ne aur un se Safiyya Bint Huyay (Radi Allahu Anha) ne bayan kiya ke Rasul Allah (Sallallahu Alaihi Wasallam) itikaf mein thay to mein raat ke waqt Aap se mulaqat ke liye (masjid mein) aayi, mein Aap (Sallallahu Alaihi Wasallam) se baatein karti rahi, phir jab wapas hone ke liye khadi hui to Aap (Sallallahu Alaihi Wasallam) bhi mujhe chhod aane ke liye khade hue. Umm-ul-Momineen Sayyida Safiyya (Radi Allahu Anha) ka makan Usama Bin Zaid (Radi Allahu Anhuma) ke makan hi mein tha. Isi waqt do ansari sahaba (Usaid Bin Huzair, Ubada Bin Bashir) guzre. Jab unhon ne Aap (Sallallahu Alaihi Wasallam) ko dekha to taiz chalne lage. Aap (Sallallahu Alaihi Wasallam) ne un se farmaya, zara thehar jao ye Safiyya Bint Huyay hain. In dono sahaba ne arz kiya, Subhan Allah: Ya Rasul Allah! (Kya hum bhi Aap ke bare mein koi shubha kar sakte hain) Aap (Sallallahu Alaihi Wasallam) ne farmaya ke shaitan insan ke andar khoon ki tarah daudta rehta hai. Is liye mujhe darr laga ke kahin tumhare dilon mein bhi koi waswasa na daal de, ya Aap (Sallallahu Alaihi Wasallam) ne (lafz 'su-in' ki jagah) lafz 'shaian' farmaya, maane ek hi hain
.

`Hum se Abdul Aziz bin Abdullah ne bayan kiya, kaha hum se Ibrahim bin Saad ne bayan kiya, un se Ibn Shihab ne aur un se Janab Zain al-Aabideen Ali bin Husain Rahimahullah ne ke Safiyya bint Huyayy Radi Allahu Anha (raat ke waqt) Nabi Kareem صلی اللہ علیہ وسلم ke paas aayin (aur Nabi Kareem صلی اللہ علیہ وسلم masjid mein mu'takif thay) jab wo wapas aane lageen to Nabi Kareem صلی اللہ علیہ وسلم bhi un ke saath aaye. Is waqt do Ansari sahabi idhar se guzre to Nabi Kareem صلی اللہ علیہ وسلم ne unhein bulaya aur farmaya ke yeh Safiyya hain. In donon Ansariyoon ne kaha, Subhan Allah (kya hum Aap par shubha karein ge) Nabi Kareem صلی اللہ علیہ وسلم ne farmaya ke shaitan insan ke andar is tarah daudta hai jaise khoon daudta hai. Is ki riwayat Shuaib, Ibn Musafir, Ibn Abi Ateeq aur Ishaq bin Yahya ne Zuhri se ki hai, un se Ali bin Husain ne aur un se Safiyya Radi Allahu Anha ne Nabi Kareem صلی اللہ علیہ وسلم se yahi waqia naql kiya hai.