Hum se Musaddad ne bayan kiya , kaha hum se Hammad bin Zayd ne bayan kiya , in se Sabit Banani ne aur in se Anas bin Malik razi Allahu anhu ne (doosri sanad) aur is hadees ko Hammad ne Ayub Sakhtiyani se aur Ayub ne Abu Qulabah se riwayat kiya aur in se Anas bin Malik razi Allahu anhu ne ke Rasool Allah salla Allahu alaihi wasallam ek safar mein thay aur Aap ke saath Aap ka ek Habshi ghulam tha . In ka naam Anjashah tha woh hudi parh raha thu (jis ki wajah se sawari teiz chalne lagi) . Nabi Karim salla Allahu alaihi wasallam ne farmaya ”afsos «waihaka» Ae Anjashah! Sheeshon ke saath aahista aahista chal .

Hum se Ali Bin Abdullah Madini ne bayan kiya, kaha ke hum se Sufyan Bin Uyainah ne bayan kiya, un se Amr Bin Dinar ne, un se Ata Bin Abi Rabah ne aur un se Abdullah Bin Abbas (Radi Allahu Anhuma) ne ke Rasul Allah (Sallallahu Alaihi Wasallam) ne Bait Allah ka tawaf aur Safa Marwah ki sayee is tarah ki ke Mushrikeen ko Aap apni quwat dikhla sakein. Humaidi ne ye izafa kiya hai ke hum se Sufyan Bin Uyainah ne bayan kiya, un se Amr Bin Dinar ne bayan kiya, kaha ke mein ne Ata se suna aur unhon ne Ibn Abbas (Radi Allahu Anhuma) se yahi hadees suni
.

Hum se Musaddad ne bayan kiya , kaha hum se Ismail ne bayan kiya , kaha hum se Ayub Sakhtiyani ne bayan kiya , in se Abu Qulabah ne aur in se Anas bin Malik razi Allahu anhu ne bayan kiya ke Nabi Karim salla Allahu alaihi wasallam (ek safar ke mauqa par) apni auraton ke paas aaye jo oonton par sawar ja rahi thien , in ke saath Umm Sulaym razi Allahu anha Anas ki walda bhi thien . Nabi Karim salla Allahu alaihi wasallam ne farmaya ke afsos , Anjashah! Sheeshon ko aahistagi se le chal . Abu Qulabah ne kaha ke Nabi Karim ne auraton se mutalliq aise alfaz ka istemal farmaya ke agar tum mein koi shakhs istemal kare to tum is par aib-jooyi karo . Yani Nabi Karim salla Allahu alaihi wasallam ka yeh irshad ke sheeshon ko narmi se le chal .

Hum se Musa bin Ismail ne bayan kiya, kaha hum se Wuhaib ne bayan kiya, kaha hamase Ayub ne bayan kiya, in se Abu Qulabah ne aur in se Anas razi Allahu anhu ne bayan kiya ke Umm Sulaym razi Allahu anha musafiron ke saman ke saath thien aur Nabi Karim salla Allahu alaihi wasallam ke ghulam Anjashah auraton ke oont ko haank rahe thay. Nabi Karim salla Allahu alaihi wasallam ne farmaya ”Anjash! Zhara is tarah aahistagi se le chal jaise sheeshon ko le kar jata hai.“

Hum se Adam bin Abi Iyas ne bayan kiya, kaha hum se Shubah ne, in se Sabit Banani ne, in se Anas bin Malik razi Allahu anhu ne bayan kiya ke Nabi Karim salla Allahu alaihi wasallam ek safar mein thay, rasta mein hudi-khwan ne hudi parhi to Nabi Karim salla Allahu alaihi wasallam ne farmaya ”Ae Anjashah! Sheeshon ko aahista aahista le kar chal, tujh par afsos.“

Hum se Sulayman bin Harb ne bayan kiya, unhon ne kaha hum se Hammad ne bayan kiya, in se Sabit Banani ne bayan kiya, in se Anas wa Ayub ne, in se Abu Qulabah ne aur in se Anas razi Allahu anhu ne ke Nabi Karim salla Allahu alaihi wasallam ek safar mein thay, Anjashah naami ghulam auraton ki sawariyon ko hudi parhta le kar chal raha thu. Nabi Karim salla Allahu alaihi wasallam ne is se farmaya ”Anjashah! Sheeshon ko aahista le chal.“ Abu Qulabah ne bayan kiya ke murad auratein thien.

Hum se Ishaq ne bayan kiya, kaha hamain ko Habban ne khabar di, kaha hum se Humam bin Yahya ne bayan kiya, in se Qatadah ne bayan kiya, in se Anas bin Malik razi Allahu anhu ne bayan kiya ke Nabi Karim salla Allahu alaihi wasallam ke ek hudi-khwan thay Anjashah naami in ki aawaz bari achhi ku. Nabi Karim salla Allahu alaihi wasallam ne in se farmaya ”Anjashah! Aahista chaal ikhtiyar kar, in sheeshon ko mat torr.“ Qatadah ne bayan kiya ke murad kamzor auratein thien (ke sawari se gir na jayein).