Hum se Musaddad ne bayan kiya, in se Abdul Wahid ne bayan kiya, kaha hum se Ammarah bin Qaqaa ne bayan kiya, in se Abu Zurah bin Amr bin Jareer ne aur in se Abu Hurairah razi Allahu anhu ne bayan kiya ke Rasool Allahsalla Allahu alaihi wasallam ne farmaya ke jo zakhmi bhi Allah ke raste mein zakhmi ho gaya ho usay Qayamat ke din is halat mein uthaya jaye ga ke is ke zakham se jo khoon jaari ho ga is ka rang to khoon hi jaisa ho ga magar is mein mushk jaisi khushboo ho gi.

Hum se Ahmad bin Muhammed ne bayan kiya, unhon ne kaha hamein Abdullah ne khabar di, unhon ne kaha mujhe Ma’mar ne Hammam bin Munabbih se khabar di aur woh Abu Hurairah Radhiallahu Anhu se riwayat karte hain, woh Rasoolullah Sallallahu Alaihi Wasallam se ke Aap Sallallahu Alaihi Wasallam ne farmaaya har zakhm jo Allah ki raah mein musalmaan ko lage woh qiyamat ke din usi haalat mein hoga jis tarah woh laga tha. Us mein se khoon behta hoga. Jis ka rang (to) khoon ka sa hoga aur khusbhoo mushk ki si hogi.

Hum se Abdullah bin Yusuf ne byaan kiya ‘ unhon ne kaha ke hum se Layth bin Saad ne byaan kiya ‘ unhon ne kaha ke mujh se Ibn Shihab ne byaan kiya ‘ un se Abdur Rahman bin Ka'ab bin Malik ne ‘ un se Jabir bin Abdullah razi Allahu anhuma ne ke Nabi Karim salla Allahu alaihi wasallam ne Uhud ke do do shaheedon ko mila kar ek hi kapray ka kafan diya . Aap salla Allahu alaihi wasallam daryaft farmate ke in mein Quran kise zyada yaad hai . Kisi ek ki taraf ishaara se bataya jata to Aap salla Allahu alaihi wasallam baghli qabr mein isi ko aage karte aur farmate ke main Qayamat mein in ke haq mein shahadat doon ga . Phir Aap salla Allahu alaihi wasallam ne sab ko un ke khoon samait dafan karne ka hukm diya . Na unhein ghusl diya gaya aur na un ki namaaz-e-janaza parhi gayi .

Hum se Abu al-Waleed ne byaan kiya , kaha ke hum se Layth bin Saad ne byaan kiya un se Ibn Shihab ne , un se Abdur Rahman bin Ka'ab ne aur un se Jabir razi Allahu anhu ne ke Nabi Karim salla Allahu alaihi wasallam ne farmaya ke unhein khoon samait dafan kar do yani Uhud ki larayi ke mauqe par aur unhein ghusl nahin diya tha .

Phir humein Imam Awzai ne khabar di . Unhein Zuhri ne aur un se Jabir bin Abdullah razi Allahu anhuma ne ke Rasool Allah salla Allahu alaihi wasallam poochte jaate thay ke in mein Quran zyada kis ne haasil kiya hai ? Jis ki taraf ishaara kar diya jata Aap salla Allahu alaihi wasallam Lahad mein isi ko doosre se aage barhate . Jabir bin Abdullah razi Allahu anhuma ne byaan kiya ke mere waalid aur chacha ko ek hi kambal mein kafan diya gaya tha .

Hum se Abdan ne byaan kiya ‘ kaha ke humein Abdullah bin Mubarak ne khabar di ‘ unhon ne kaha humein Layth bin Saad ne khabar di ‘ unhon ne kaha ke mujh se Ibn Shihab ne byaan kiya . Un se Abdur Rahman bin Ka'ab bin Malik ne ‘ aur un se Jabir bin Abdullah Ansari razi Allahu anhuma ne byaan kiya ke Uhud ke shuhada ko Nabi Karim salla Allahu alaihi wasallam ek kafan mein do do ko ek saath kar ke poochte thay ke Quran kis ko zyada yaad tha . Phir jab kisi ek taraf ishaara kar diya jata to baghli qabr mein ise aage kar diya jata . Phir Aap salla Allahu alaihi wasallam farmate thay ke main Qayamat ko in (ke iman) par gawah banoon ga . Aap salla Allahu alaihi wasallam ne unhein baghair ghusl diye khoon samait dafan karne ka hukm diya tha .

Hum se Abdullah Bin Yusuf Tanisi ne bayan kiya, kaha hum ko Imam Malik ne khabar di Abu-uz-Zinad se, unhon ne Aaraj se aur unhon ne Abu Hurairah (Radi Allahu Anhu) se ke Rasul Allah (Sallallahu Alaihi Wasallam) ne farmaya "Is zat ki qasam jis ke hath mein meri jaan hai jo shakhs bhi Allah ke raste mein zakhmi hua aur Allah Ta'ala khoob janta hai ke us ke raste mein kaun zakhmi hua hai, wo qayamat ke din is tarah se aaye ga ke us ke zakhmon se khoon beh raha ho ga, rang to khoon jaisa ho ga lekin us mein khushbu mushk jaisi hogi."
.