Hum se Abul Numan Muhammad bin Fazl ne bayan kiya , kaha ke hum se Abdul Wahid bin Ziyad ne bayan kiya , kaha hum se Shaibani Sulaiman ne bayan kiya , kaha ke hum se Abdullah bin Shaddad bin Had ne bayan kiya , kaha hum ne Maimoona raziyallahu anha se suna , woh farmati thin ke Nabi Karim salla Allahu alaihi wa sallam namaz parhte hote aur mein aap salla Allahu alaihi wa sallam ke barabar mein soti rehti . Jab aap salla Allahu alaihi wa sallam sajda mein jate to aap salla Allahu alaihi wa sallam ka kapra mujhe chhoo jata halanke mein haiza hoti thi .

Hum se Hasan bin Mudrik ne bayan kiya, unhon ne kaha hum se Yahya bin Hammad ne bayan kiya, unhon ne kaha humein Abu Awanah Wazzah ne apni kitab se dekh kar khabar di. Unhon ne kaha ke humein khabar di Sulaiman Shaibani ne Abdullah bin Shaddad se, unhon ne kaha main ne apni khala Maimunah Razi Allah Anha se jo Nabi Kareem Sallallahu Alaihi Wasallam ki Zauja Mutahira thin suna ke main haiza hoti to namaz nahi padhti thi aur yeh ke Aap Rasool Allah Sallallahu Alaihi Wasallam ke (ghar mein) namaz padhne ki jagah ke qareeb leti hoti thi. Aap Sallallahu Alaihi Wasallam namaz apni chatai par padhte. Jab Aap Sallallahu Alaihi Wasallam sajda karte to Aap Sallallahu Alaihi Wasallam ke kapre ka koi hissa mujh se lag jata tha. 104667

Hum se Musaddad ne bayan kiya Khalid se, kaha ke hum se Sulaiman Shaibani ne bayan kiya Abdullah bin Shaddad se, unhon ne Maimunah Razi Allah Anha se, Aap ne farmaya ke Nabi Kareem Sallallahu Alaihi Wasallam namaz padhte aur haiza hone ke bawajood main un ke samne hoti, aksar jab Aap Sallallahu Alaihi Wasallam sajda karte to Aap Sallallahu Alaihi Wasallam ka kapra mujhe chhoo jata. Unhon ne kaha ke Aap Sallallahu Alaihi Wasallam (khajur ke patton se bane hue ek chhote se) musallay par namaz padhte thay.

Hum se Abu al-Waleed Hisham bin Abdul Malik ne bayan kiya, ke kaha hum se Shuba ne, kaha hum se Sulaiman Shaibani ne Abdullah bin Shaddad ke wasite se, unhon ne Umm-ul-Momineen Maimunah Razi Allah Anha se, unhon ne kaha ke Nabi Kareem Sallallahu Alaihi Wasallam sajda gah (yani chhote musallay) par namaz padha karte thay.

Hum se Ismail bin Abi Uwais ne bayan kiya, ke kaha mujh se Imam Malik ne Amr bin Ubaidullah ke ghulam Abu al-Nazr Salim ke hawala se, unhon ne Abu Salamah bin Abdur Rahman se, unhon ne Nabi Kareem Sallallahu Alaihi Wasallam ki Zauja Mutahira Aisha Razi Allah Anha se. Aap ne batlaya ke main Rasool Allah Sallallahu Alaihi Wasallam ke aage so jati aur mere paon Aap Sallallahu Alaihi Wasallam ke qibla mein hote. Jab Aap Sallallahu Alaihi Wasallam sajda karte, to mere paon ko aahista se daba dete. Main apne paon samait leti aur Aap jab khade ho jate to main unhein phir phaila deti. In dinon gharon mein chiragh bhi nahi hua karte thay.

Hum se Yahya bin Bukair ne bayan kiya, kaha hum se Laith bin Saad ne Aqeel se, unhon ne Ibn Shihab se, un ko Urwah ne khabar di ke Aisha Razi Allah Anha ne unhein bataya ke Rasool Allah Sallallahu Alaihi Wasallam apne ghar ke bichhone par namaz padhte aur Aisha Razi Allah Anha Aap Sallallahu Alaihi Wasallam ke aur qibla ke darmiyan is tarah leti hotin jaise (namaz ke liye) janaza rakkha jata hai.

Hum se Abdullah bin Yusuf ne bayan kiya kaha hum se Laith bin Saad ne hadees bayan ki Yazid se, unhon ne Irak se, unhon ne Urwah bin Zubair se ke Nabi Kareem Sallallahu Alaihi Wasallam is bichhone par namaz padhte jis par Aap Sallallahu Alaihi Wasallam aur Aisha Razi Allah Anha sote aur Aisha Razi Allah Anha Aap Sallallahu Alaihi Wasallam ke aur qibla ke darmiyan is bistar par leti rahtin.

Hum se Usman bin Abi Shaiba ne bayan kiya , kaha hum se Jarir bin Abdul Hameed ne bayan kiya Mansoor bin Mutamir se , unhon ne Ibrahim Nakhai se , unhon ne Aswad bin Yazid se , unhon ne Aisha raziyallahu anha se aap ne farmaya tum logon ne hum auraton ko kutton aur gadhon ke barabar bana diya . Halanke mein charpayi par leti rehti thi . Aur Nabi Karim salla Allahu alaihi wa sallam tashreef laye aur charpayi ke beech mein aa jate ya charpayi ko apne aur qibla ke beech mein kar lete phir namaz parhte . Mujhe aap salla Allahu alaihi wa sallam ke samne para rehna bura maloom hota , is liye mein paenti ki taraf se khisak ke lihaf se bahar nikal jati .

Hum se Ismail bin Khalil ne bayan kiya , kaha hum se Ali bin Musahhar ne bayan kiya Sulaiman Amash ke wastay se , unhon ne Muslim bin Subaih se , unhon ne Masrooq se , unhon ne Aisha raziyallahu anha se ke un ke samne zikr hua ke namaz ko kya cheezen tor deti hain , logon ne kaha ke kutta , gadha aur aurat bhi namaz ko tor deti hai . Jab samne aa jaye Aisha raziyallahu anha ne farmaya ke tum ne humein kutton ke barabar bana diya . Halanke mein janti hun ke Nabi Karim salla Allahu alaihi wa sallam namaz parh rahe thay . Mein aap salla Allahu alaihi wa sallam ke aur aap salla Allahu alaihi wa sallam ke qibla ke darmiyan samne charpayi par leti hui thi . Mujhe zaroorat pesh aati thi aur yeh bhi achha nahi maloom hota tha ke khud ko aap salla Allahu alaihi wa sallam ke samne kar dun . Is liye mein aahista se nikal aati thi . Amash ne Ibrahim se , unhon ne Aswad se , unhon ne Aisha se isi tarah yeh hadees bayan ki .

Hum se Musaddad bin Musarhad ne bayan kiya , kaha ke hum se Yahya bin Saeed Qattan ne bayan kiya , kaha ke hum se Hisham bin Urwah ne bayan kiya , kaha mujh se mere walid ne Aisha raziyallahu anha ke wastay se bayan kiya , woh farmati thin ke Nabi Karim salla Allahu alaihi wa sallam namaz parhte rehte aur mein aap salla Allahu alaihi wa sallam ke samne bichhone par aari soti hui pari hoti . Jab aap salla Allahu alaihi wa sallam witr parhna chahte to mujhe bhi jaga dete aur mein bhi witr parh leti thi .

Hum se Abdullah bin Yusuf Tinnisi ne bayan kiya , kaha ke humein Imam Malik ne khabar di Umar bin Ubaidullah ke ghulam Abul Nadr se , unhon ne Abu Salama Abdullah bin Abdur Rahman se , unhon ne Nabi Karim salla Allahu alaihi wa sallam ki zauja mutahhara Aisha raziyallahu anha se ke aap raziyallahu anha ne farmaya , mein Rasool Allah salla Allahu alaihi wa sallam ke samne so jaya karti thi . Mere paon aap salla Allahu alaihi wa sallam ke samne phele hue hote . Jab aap salla Allahu alaihi wa sallam sajda karte to paon ko halke se daba dete aur mein unhein sakir leti phir jab qiyam farmate to mein unhein phela leti thi is zamane mein gharon ke andar chiragh nahi hote thay . Maloom hua ke aisa karna bhi jaiz hai .

Hum se Umar bin Hafs bin Ghiyath ne bayan kiya kaha , ke mujh se mere walid ne bayan kiya , kaha ke hum se Amash ne bayan kiya , kaha ke hum se Ibrahim ne Aswad ke wastay se bayan kiya , unhon ne Aisha raziyallahu anha se doosri sanad aur Amash ne kaha ke mujh se Muslim bin Subaih ne Masrooq ke wastay se bayan kiya , unhon ne Aisha raziyallahu anha se ke un ke samne un cheezon ka zikr hua . Jo namaz ko tor deti hain yani kutta , gadha aur aurat . Is par Aisha raziyallahu anha ne farmaya ke tum logon ne humein gadhon aur kutton ke barabar kar diya . Halanke khud Nabi Karim salla Allahu alaihi wa sallam is tarah namaz parhte thay ke mein charpayi par aap salla Allahu alaihi wa sallam ke aur qibla ke beech mein leti rehti thi . Mujhe koi zaroorat pesh aayi aur chunke yeh baat pasand na thi ke aap salla Allahu alaihi wa sallam ke samne jab ke aap salla Allahu alaihi wa sallam namaz parh rahe hun baithun aur is tarah aap salla Allahu alaihi wa sallam ko takleef ho . Is liye mein aap salla Allahu alaihi wa sallam ke paon ki taraf se khamoshi ke sath nikal jati thi .

Hum se Ishaq bin Ibrahim ne bayan kiya , kaha ke humein Yaqoob bin Ibrahim ne khabar di , kaha ke mujh se mere bhatije Ibn Shihab ne bayan kiya , unhon ne apne chacha se poocha ke kya namaz ko koi cheez tor deti hai ? to unhon ne farmaya ke nahi , isay koi cheez nahi torti . Kyunke mujhe Urwah bin Zubair raziyallahu anhu ne khabar di hai ke Nabi Karim salla Allahu alaihi wa sallam ki zauja mutahhara Aisha raziyallahu anha ne farmaya ke Nabi Karim salla Allahu alaihi wa sallam khare ho kar raat ko namaz parhte aur mein aap salla Allahu alaihi wa sallam ke samne aap salla Allahu alaihi wa sallam ke aur qibla ke darmiyan arz mein bistar par leti rehti thi .

Hum se Amr bin Zurara ne bayan kiya , kaha ke hum se Hushaim ne Shaibani ke wastay se bayan kiya , unhon ne Abdullah bin Shaddad bin Had se , kaha mujhe meri khala Maimoona bint al-Harith raziyallahu anha ne khabar di ke mera bistar Nabi Karim salla Allahu alaihi wa sallam ke musalle ke barabar mein hota tha . Aur baaz dafa aap salla Allahu alaihi wa sallam ka kapra namaz parhte mein mere upar aa jata aur mein apne bistar par hi hoti thi .

Hum se Amr bin Ali ne bayan kiya , kaha ke hum se Yahya bin Saeed Qattan ne bayan kiya , kaha ke hum se Ubaidullah Umri ne bayan kiya , kaha ke hum se Qasim bin Muhammad ne bayan kiya , unhon ne Aisha raziyallahu anha se , aap ne farmaya ke tum ne bura kiya ke hum ko kutton aur gadhon ke hukm mein kar diya . Khud Nabi Karim salla Allahu alaihi wa sallam namaz parh rahe thay . Mein aap salla Allahu alaihi wa sallam ke samne leti hui thi . Jab sajda karna chahte to mere paon ko chhoo dete aur mein unhein sakir leti thi .

Hum se Musaddad bin Musarhad ne byaan kiya , kaha ke hum se Hisham bin Urwah ne byaan kiya , kaha ke mujh se mere baap ne Aisha razi Allahu anha se byaan kiya ke Aap ne farmaya Nabi Karim salla Allahu alaihi wasallam (Tahajjud ki) namaaz parhte rehte aur main Aap salla Allahu alaihi wasallam ke bistar par arz mein laiti rehti . Jab Witr parhne lagte to mujhe bhi jaga dete aur main bhi Witr parh laiti .

Hum se Abdullah bin Maslamah al-Qanabi ne byaan kiya , kaha ke hum se Imam Malik rahimahullah ne byaan kiya , un se Abun Nadar Salim bin Abi Umayyah ne , un se Abu Salamah bin Abdur Rahman ne aur un se Aisha razi Allahu anha ne farmaya ke main apna paon Nabi Karim salla Allahu alaihi wasallam ke saamne phaila leti thi aur Aap salla Allahu alaihi wasallam namaaz parhte hote jab Aap salla Allahu alaihi wasallam sajda karne lagte to Aap salla Allahu alaihi wasallam mujhe haath lagate , main paon samait leti , phir jab Aap salla Allahu alaihi wasallam kharay ho jaate to main phaila leti .

Hum se Qutaybah bin Saeed ne bayan kiya, kaha hum se Jareer ne bayan kiya, in se Aamash ne, in se Abu al-Duha ne, in se Masrooq ne aur in se Aisha razi Allahu anha ne bayan kiya ke Rasool Allahsalla Allahu alaihi wasallam takht ke wast mein namaz parhte thay aur main Nabi Karim salla Allahu alaihi wasallam aur qibla ke darmiyan layti rehti ku mujhe koi zaroorat hoti lekin mujhko khade ho kar Aap ke samne aana bura maloom hota. Albatta Aap ki taraf rukh kar ke main aahista se khisak jati ku.