Hum se Musaddad bin Musarhad ne byaan kiya , kaha hum se Yahya Qattan ne byaan kiya , un se Qatadah ne , un se Anas bin Malik ne aur un se Abu Musa Ash'ari razi Allahu anhu ne ke Nabi Karim salla Allahu alaihi wasallam ne farmaya ke is momin ki misal jo Quran Majeed parhta hai aur is par amal bhi karta hai meethe leemoon ki si hai jis ka maza bhi lazzat-dar aur khushboo bhi achhi aur woh momin jo Quran parhta to nahi lekin is par amal karta hai is ki misal khajoor ki hai jis ka maza to umdah hai lekin khushboo ke baghair aur is munafiq ki misal jo Quran parhta hai rayhan ki si hai jis ki khushboo to achhi hoti hai lekin maza karwa hota hai aur is munafiq ki misal jo Quran bhi nahi parhta indrain ke phal ki si hai jis ka maza bhi karwa hota hai (rawi ko shak hai) ke lafz «murrun» hai ya «khabeesun» aur is ki boo bhi kharab hoti hai .

Hum se Abu Khalid Hudbah bin Khalid ne byaan kiya, kaha hum se Hammam bin Yahya ne byaan kiya, kaha hum se Qatadah ne byaan kiya un se Anas bin Malik ne byaan kiya aur un se Abu Musa Ash'ari razi Allahu anhu ne ke Nabi Karim salla Allahu alaihi wasallam ne farmaya ke is ki (momin ki) misal jo Quran ki tilawat karta hai sangtaray ki si hai jis ka maza bhi lazeez hota hai aur jis ki khushboo bhi behtareen hoti hai aur jo momin Quran ki tilawat nahi karta is ki misal khajoor ki si hai is ka maza to umdah hota hai lekin is mein khushboo nahi hoti aur is bad-kaar (munafiq) ki misal jo Quran ki tilawat karta hai rayhanah ki si hai ke is ki khushboo to achhi hoti lekin maza karwa hota hai aur is bad-kaar ki misal jo Quran ki tilawat bhi nahi karta indrain ki si hai jis ka maza bhi karwa hota hai aur is mein koi khushboo bhi nahi hoti.

Hum se Qutaybah ne bayan kiya , unhon ne kaha hum se Abu Awanah ne bayan kiya , in se Qatadah ne bayan kiya , in se Anas razi Allahu anhu ne bayan kiya aur in se Abu Musa Ash'ari razi Allahu anhu ne bayan kiya ke Rasool Allah salla Allahu alaihi wasallam ne farmaya ke is momin ki misal jo Quran parhta ho sangtare jaisi hai jis ki khushboo bhi pakeeza hai aur maza bhi pakeeza hai aur is momin ki misal jo Quran nahi parhta khajoor jaisi hai jis mein koi khushboo nahi hoti lekin maza meetha hota hai aur munafiq ki misal jo Quran parhta ho , rayhanah (phool) jaisi hai jis ki khushboo to achhi hoti hai lekin maza karwa hota hai aur jo munafiq Quran bhi nahi parhta is ki misal indrain jaisi hai jis mein koi khushboo nahi hoti aur jis ka maza bhi karwa hota hai .

Hum se Hadba bin Khalid ne bayan kiya , unhon ne kaha hamase Humam ne bayan kiya , unhon ne kaha hamase Qatadah ne bayan kiya , unhon ne kaha hamase Anas razi Allahu anhune aur in se Abu Musa razi Allahu anhune ke Nabi Karim salla Allahu alaihi wasallam ne farmaya ”is momin ki misal jo Quran parhta hai turunj ki si hai ke is ka maza bhi achha aur is ki khushboo bhi umdah hai aur woh momin jo nahi parhta khajoor ki tarah hai ke is ka maza to achha hai lekin is mein khushboo nahi aur is faasiq ki misal jo Quran parhta hai rayhaana ki tarah hai ke is ki khushboo to achhi hai lekin is ka maza karwa hai aur jo faasiq Quran nahi parhta is ki misal indrayan ki si hai ke is ka maza bhi karwa hai aur koi khushboo bhi nahi .“