Hum se Yahya bin Qazah ne byaan kiya , unhon ne kaha hum se Imam Malik ne byaan kiya , un se Shihab ne byaan kiya (doosri sanad) aur Layth bin Saad ne byaan kiya ke mujh se Yunus ne byaan kiya , un se Ibn Shihab ne byaan kiya , un se Ubaydullah bin Abdullah ne byaan kiya aur unhein Abdullah bin Abbas razi Allahu anhuma ne khabar di ke woh ek gadhe par sawar ho kar aaye to Rasool Allah salla Allahu alaihi wasallam Mina mein kharay logon ko namaz parha rahe thay . Yeh Hajjat al-Wida ka mauqa tha . Un ka gadha saff ke kuch hisse se guzra , phir woh utar kar logon ke saath saff mein kharay ho gaye .

Hum se Ismail ne bayan kiya, un se Malik ne, un se Ibn-e-Shihaab ne, un se Ubaidullah bin Abdullah bin ’Utbah ne, woh Abdullah bin Abbas Radhiallahu Anhuma se riwayat karte hain ke main (ek martaba) gadhi par sawaar ho kar chala, us zamaane mein, main buloogh ke qareeb tha. Rasoolullah Sallallahu Alaihi Wasallam Minaa mein Namaz padh rahe the aur Aap ke saamne deewaar (ki aad) na thi, to main baaz safon ke saamne se guzra aur gadhi ko chor diya. Woh charne lagi, jab ke main saf mein shaamil ho gaya (magar) kisi ne mujhe us baat par toka nahi.

Hum se Abdullah bin Yusuf Tinnisi ne bayan kiya , unhon ne kaha ke hum se Imam Malik ne Ibn Shihab ke wastay se bayan kiya , unhon ne Ubaidullah bin Abdullah bin Utba se ke Abdullah bin Abbas raziyallahu anhuma ne farmaya ke mein ek gadhi par sawar ho kar aaya . Is zamane mein baligh hone wala tha . Rasool Allah salla Allahu alaihi wa sallam Mina mein logon ko namaz parha rahe thay . Lekin deewar aap salla Allahu alaihi wa sallam ke samne na thi . Mein saff ke baaz hissay se guzar kar sawari se utra aur mein ne gadhi ko charne ke liye chhor diya aur saff mein dakhil ho gaya . Pas kisi ne mujh par itraz nahi kiya .

Hum se Abdullah bin Maslamah Qanabi ne byaan kiya , un se Imam Malik ne byaan kiya , un se Ibn Shihab Zuhri ne byaan kiya , un se Ubaydullah bin Abdullah bin Utbah ne byaan kiya , un se Abdullah bin Abbas razi Allahu anhuma ne , Aap ne farmaya ke main ek gadhi par sawar ho kar aaya . Abhi main jawani ke qareeb tha (lekin baligh na tha) aur Nabi Karim salla Allahu alaihi wasallam Mina mein logon ko namaaz parha rahe thay . Aap salla Allahu alaihi wasallam ke saamne deewar waghera (aar) na thi . Main saf ke ek hisse ke aage se guzar kar utra . Gadhi charne ke liye chhor di aur khud saf mein shamil ho gaya . Kisi ne mujh par itiraz nahi kiya (halaanke main nabaligh tha) .

Hum se Abul Yaman ne bayan kiya, kaha hum ko Shuayb Bin Abi Hamza ne khabar di, un se Nafi ne bayan kiya ke Ibn Umar (Radi Allahu Anhuma) farmaya karte thay ke Rasul Allah (Sallallahu Alaihi Wasallam) ne Hajjat-ul-Wida ke moqa par apna sar mundaya tha
.

Hum se Ishaq Bin Mansoor ne bayan kiya, unhon ne kaha humein Yaqub Bin Ibrahim ne khabar di, un se un ke bhatije Ibn Shihab Zuhri ne bayan kiya, un se un ke chacha ne, unhein Ubaidullah Bin Abdullah Bin Utba ne, khabar di ke Ibn Abbas (Radi Allahu Anhuma) ne kaha mein apni ek gadhi par sawar ho kar (Mina mein aya) is waqt mein jawani ke kareeb tha, Rasul Allah (Sallallahu Alaihi Wasallam) Mina mein kharay namaz parha rahe thay. Mein pehli saff ke ek hissa ke aage se ho kar guzra phir sawari se neeche utar aya aur usay charne ke liye chor diya. Phir Rasul Allah (Sallallahu Alaihi Wasallam) ke peeche logon ke sath saff mein shareek ho gaya, Yunus ne Ibn Shihab ke wasta se bayan kiya ke ye Hajjat-ul-Wida ke mauqe par Mina ka waqiyah hai
.