Hum se Abu Nuaim ne bayan kiya, kaha hum se Sufyan ne bayan kiya, un se Saad Bin Ibrahim ne, un se Abdur Rahman Bin Hurmuz ne aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya "Quraish, Ansar, Juhainah, Muzainah, Aslam, Ghifar aur Ashja mere khair-khwah hain, aur Allah aur is ke Rasul ke siwa aur koi un ka humayati nahi
."

Hum se Abu Nuaim ne bayan kiya, unhon ne kaha hum se Sufyan ne bayan kiya aur un se Saad Bin Ibrahim ne (doosri sanad) Yaqub Bin Ibrahim ne kaha ke hamare walid ne hum se bayan kiya aur un se un ke walid ne, kaha mujh se Abdur Rahman Bin Hurmuz Al-Aaraj ne bayan kiya aur un se Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Quraish, Ansar, Juhainah, Muzainah, Aslam, Ashja aur Ghifar in sab qabilon ke log mere khair-khwah hain aur un ka bhi Allah aur is ke Rasul ke siwa koi humayati nahi hai
."

Hum se Muhammad Bin Ghurair Zuhri ne bayan kiya, unhon ne kaha hum se Yaqub Bin Ibrahim ne bayan kiya, un se un ke walid ne, un se Salih ne, un se Nafay ne aur unhein Abdullah Bin Umar (Radi Allahu Anhuma) ne khabar di ke Rasul Allah (Sallallahu Alaihi Wasallam) ne minbar par farmaya "Qabila Ghifar ki Allah Ta'ala ne maghfirat farma di aur qabila Aslam ko Allah Ta'ala ne salamat rakkha aur qabila Assiyah ne Allah Ta'ala ki aur is ke Rasul ki na-farmani ki
."

Hum se Muhammad Bin Salam ne bayan kiya, kaha hum ko Abdul Wahab Saqafi ne khabar di, unhein Ayub ne, unhein Muhammad ne, unhein Abu Hurairah (Radi Allahu Anhu) ne aur un se Nabi Kareem (Sallallahu Alaihi Wasallam) ne bayan kiya ke "Qabila Aslam ko Allah Ta'ala ne salamat rakkha aur qabila Ghifar ki Allah Ta'ala ne maghfirat farma di
."

Mujh se Muhammad Bin Bashar ne bayan kiya, kaha hum se Ghundar ne bayan kiya, un se Shuba ne bayan kiya, un se Muhammad Bin Abi Yaqub ne bayan kiya, unhon ne Abdur Rahman Bin Abi Bakrah se suna, unhon ne apne walid se ke Aqra Bin Habis (Radi Allahu Anhu) ne Nabi Kareem (Sallallahu Alaihi Wasallam) se arz kiya ke aap se in logon ne baiyat ki hai ke jo hajiyon ka saman churaya karte thay yani Aslam aur Ghifar aur Muzainah ke log, Muhammad Bin Abi Yaqub ne kaha ke mein samajhta hoon Abdur Rahman ne Juhainah ka bhi zikr kiya, Shuba ne kaha ke ye shak Muhammad Bin Abi Yaqub ko hua. Nabi Kareem (Sallallahu Alaihi Wasallam) ne farmaya "Batlao Aslam, Ghifar, Muzainah, aur mein samajhta hoon ke Juhainah ko bhi kaha ye charon qabile Bani Tamim, Bani Aamir aur Asad aur Ghatafan se behtar nahi hain? Kya ye (muakh-khar-ul-zikr) kharab aur barbad nahi hue?" Aqra ne kaha: Haan, Aap (Sallallahu Alaihi Wasallam) ne farmaya "Qasam hai is zaat ki jis ke hath mein meri jaan hai! Ye un se behtar hain
."

Aur Hanzala Bin Abi Sufyan se riwayat hai, unhon ne bayan kiya ke mein ne Salim Bin Abdullah se suna, wo bayan karte thay ke Rasul Allah Sallallahu Alaihi Wasallam Safwan Bin Umayya, Suhail Bin Amr aur Harith Bin Hisham ke liye bad-dua karte thay is par ye ayat «laisa laka minal amri shaiun» se «fainnahum zalimun» tak nazil hui
.

Hum se Hasan bin Rabee ne bayan kiya, kaha hum se Abu al-Ahwas ne bayan kiya, in se Aasim ne aur in se Anas razi Allahu anhu ne ke Nabi Karim salla Allahu alaihi wasallam ne ek muhim bheji, jis mein shareek logon ko Qurraa (yani Quran Majeed ke qaari) kaha jata thu. In sab ko shaheed kar diya gaya. Main ne nahi dekha ke Nabi Karim salla Allahu alaihi wasallam ko kabhi kisi cheez ka itna gham hua ho jitna Aap ko in ki shahadat ka gham hua thu. Chunanche Nabi Karim salla Allahu alaihi wasallam ne ek mahine tak fajr ki namaz mein in ke liye bad-dua ki, Aap kehte ke Usay-yah ne Allah aur is ke Rasool ki nafarmani ki.

Mujh se Abdullah bin Muhammad ne bayan kiya, kaha hum se Wahb ne bayan kiya, kaha hum se Shubah ne bayan kiya, in se Muhammad bin Abi Yaqub ne, in se Abd-ul-Rahman bin Abi Bakrah ne aur in se in ke walid ne ke Nabi Karim salla Allahu alaihi wasallam ne farmaya ”bhala batlao Aslam, Ghifar, Muzaina aur Juhaina ke qabail agar Tameem, Aamir bin Sas-ah, Ghatafan aur Asad walon se behtar hon to yeh Tameem aur Aamir aur Ghatafan aur Asad wale ghaate mein pare aur nuqsan mein rahe ya nahi. Sahabah ne arz kiya: ji haan beshak. Nabi Karim salla Allahu alaihi wasallam ne is par phir farmaya ke is zaat ki qasam jis ke hath mein meri jaan hai (woh pehle jin qabail ka zikr hua) in (Tameem waghaira) se behtar hain.“

`Hum se Ahmad bin Muhammad ne bayan kiya, kaha hum ko Abdullah bin Mubarak ne khabar di, kaha hum ko Ma'mar ne, unhein Zuhri ne, unhein Salim ne aur unhein Abdullah bin Umar Radi Allahu Anhuma ne unhon ne Nabi Kareem صلی اللہ علیہ وسلم se suna, aap صلی اللہ علیہ وسلم fajr ki namaz mein yeh dua ruku se sar uthane ke baad parhte thay «Allahumma Rabbana wa lakal hamdu» ”Ae Allah! hamare Rabb tere hi liye tamam tareefein hain.“ Phir aap صلی اللہ علیہ وسلم ne farmaya ”Ae Allah! falan aur falan ko apni rehmat se door kar de.“ Is par Allah Azza wa Jalla ne yeh ayat nazil ki ke aap ko is maamle mein koi ikhtiyar nahi hai Allah! un ki tauba qabool kar le ya unhein azab de ke bilashuba wo had se tajawuz karne wale hain.