Hum se Humaidi ne bayan kiya, kaha hum se Sufyan Bin Uyaina ne bayan kiya, kaha hum se Abu-uz-Zinad ne bayan kiya, un se Aaraj ne aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya "Allah Ta'ala ka irshad hai ke mein ne apne naik bandon ke liye wo cheezain tayyar kar rakhi hain, jinhein na ankhon ne dekha, na kanon ne suna aur na kisi insan ke dil mein un ka kabhi khayal guzra hai. Agar jee chahe to ye ayat parh lo 'fala talamu nafsun ma ukhfiya lahum min qurrati ayunin' 'Pas koi shakhs nahi janta ke is ki ankhon ki thandak ke liye kya kya cheezain chhupa kar rakhi gayi hain'."
.

Hum se Ali bin Abdullah ne byaan kiya , kaha hum se Sufyan ne byaan kiya , un se Abu al-Zinad ne , un se Aaraj ne aur un se Abu Hurairah razi Allahu anhu ne ke Rasool Allah salla Allahu alaihi wasallam ne farmaya ke Allah Ta'ala ka irshad hai ke ”main ne apne salih aur naik bandon ke liye woh cheezin tayyar kar rakkhi hain jinhein kisi aankh ne dekha na kisi kaan ne suna aur na kisi ke guman o khayal mein woh aayi hain .“ Abu Hurairah razi Allahu anhu ne kaha ke agar chaho to is aayat ko parh lo «fala talamu nafsun ma ukhfiya lahum min qurrati ayunin» ke ”so kisi ko nahi maloom jo jo saman aankhon ki thandak ka un ke liye jannat mein chhupa kar rakkha gaya hai .“ Ali bin Abdullah Madini ne byaan kiya ke hum se Sufyan ne byaan kiya , un se Abu al-Zinad ne byaan kiya , un se Aaraj ne aur un se Abu Hurairah razi Allahu anhu ne ke Allah Ta'ala ne farmaya hai , pehli hadees ki tarah . Sufyan se poocha gaya ke yeh Aap Nabi Karim salla Allahu alaihi wasallam ki hadees riwayat kar rahe hain ya apne ijtihad se farma rahe hain ? Unhon ne farmaya ke (agar yeh Nabi Karim salla Allahu alaihi wasallam ki hadees nahi hai) to phir aur kya hai ? Abu Muawiyah ne byaan kiya , un se Aamash ne aur un se Salih ne ke Abu Hurairah razi Allahu anhu ne (aayat mazkoora mein) qirat (sigha e jama ke saath) parha hai .

Mujh se Ishaq bin Nasr ne byaan kiya , kaha hum se Abu Usamah ne byaan kiya , un se Aamash ne , kaha hum se Abu Salih ne byaan kiya aur un se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ke Allah Ta'ala irshad farmata hai ke main ne apne naiko-kar bandon ke liye woh cheezin tayyar rakkhi hain jinhein kisi aankh ne na dekha aur kisi kaan ne na suna aur na kisi insan ke dil mein un ka kabhi guman o khayal paida hua . Allah ki in niamaton se waqfiyat aur aagahi to alag rahi (in ka kisi ko guman o khayal bhi paida nahi hua) . Phir Nabi Karim salla Allahu alaihi wasallam ne is aayat ki tilawat ki «fala talamu nafsun ma ukhfiya lahum min qurrati ayunin jazaa-an bima kanoo yamaloona» ke ”so kisi nafs e momin ko maloom nahi jo jo saman aankhon ki thandak ka (jannat mein) un ke liye chhupa kar rakkha gaya hai , yeh badla hai un ke naik amalon ka jo duniya mein karte rahe .“

Hum se Abdullah bin Yusuf ne byaan kiya , unhon ne kaha hum se Layth bin Saad ne byaan kiya , unhon ne kaha ke mujh se Ibn al-Haad ne byaan kiya , un se Abdullah bin Khabbab ne aur un se Abu Saeed Khudri razi Allahu anhu ne byaan kiya ke hum ne arz kiya: ya Rasool Allah! Aap par salam bhejne ka tariqa to hamain maloom ho gaya hai . Lekin «salatun» (durood) bhejne ka kya tariqa hai ? Nabi Karim salla Allahu alaihi wasallam ne farmaya ke yun kaha karo «allahumma salli ala muhammadin abdika wa rasoolika , kama sallayta ala aali Ibraheema , wa baarik ala muhammadin wa ala aali muhammadin kama baarakta ala Ibraheema» . Abu Salih ne byaan kiya ke aur un se Layth bin Saad ne (in alfaz ke saath) «ala muhammadin wa ala aali muhammadin , kama baarakta ala aali Ibraheema» ke alfaz riwayat kiye hain .

`Hum se Mu'az bin Asad ne bayan kiya kaha, hum ko Abdullah bin Mubarak ne khabar di, kaha hum ko Ma'mar ne khabar di, unhein Hammam bin Munabbih ne aur unhein Abu Hurairah Radi Allahu Anhu ne ke Nabi Kareem صلی اللہ علیہ وسلم ne farmaya ”Allah Ta'ala farmata hai ke jannat mein, Mein ne apne naik bandon ke liye wo cheezein tayyar kar rakkhi hain jinhein na aankhon ne dekha, na kaanon ne suna aur na kisi insan ke dil mein un ka khayal guzra.“