Hum se Said Bin Abi Maryam ne bayan kiya, kaha hum se Laith ne bayan kiya kaha ke mujh se Aqeel ne bayan kiya, un se Ibn Shihab ne bayan kiya, kaha mujh ko Said Bin Musayyab ne khabar di aur un se Abu Hurairah (Radi Allahu Anhu) ne bayan kiya ke hum Rasul Allah (Sallallahu Alaihi Wasallam) ke paas baithe hue thay, to Aap (Sallallahu Alaihi Wasallam) ne farmaya ke mein ne khwab mein Jannat dekhi, mein ne is mein ek aurat ko dekha jo ek mahal ke kinare wazu kar rahi thi. Mein ne pucha ke ye mahal kis ka hai? To farishton ne bataya ke ye Umar Bin Khattab (Radi Allahu Anhu) ka mahal hai. Mujhe un ki ghairat yaad aayi aur mein wahan se fauran laut aaya. Ye sun kar Umar (Radi Allahu Anhu) ro diye aur kehne lage: Ya Rasul Allah! Kya mein Aap ke sath bhi ghairat karoon ga?
.

Hum se Sa'id bin Abi Maryam ne bayan kiya, kaha hum ko Laith ne khabar di, kaha ke mujh se Aqeel ne bayan kiya, in se Ibn Shihab ne bayan kiya ke mujhe Sa'id bin al-Musayyib ne khabar di aur in se Abu Hurairah Radi Allahu Anhu ne bayan kiya ke hum Rasoolullah Sallallahu Alaihi Wa Sallam ki khidmat mein hazir thay. Aap Sallallahu Alaihi Wa Sallam ne farmaya ke mein soya hua tha ke mein ne khwab mein jannat dekhi. Mein ne dekha ke ek aurat ek mahal ke kinare wudhu kar rahi hai. Mein ne poocha yeh mahal kis ka hai? To farishton ne jawab diya ke Umar Radi Allahu Anhu ka. Phir mujhe in ki ghairat-o-hamiyat yaad aayi aur mein wahin se lout aaya. Is par Umar Radi Allahu Anhu ro diye aur arz kiya: Ya Rasul Allah! Kya mein Aap par bhi ghairat karunga?

Hum se Muhammad bin Abi Bakr Muqaddami ne byaan kiya, unhon ne kaha hum se Mutamir bin Sulayman ne byaan kiya, unhon ne kaha hum se Ubaydullah bin Umar Umri ne, un se Muhammad bin Munkadir ne aur un se Jabir bin Abdullah razi Allahu anhuma ne byaan kiya ke Nabi Karim salla Allahu alaihi wasallam ne farmaya ke main jannat mein dakhil hua ya (Aap salla Allahu alaihi wasallam ne yeh farmaya ke) main jannat mein gaya, wahan main ne ek mahal dekha main ne poocha yeh mahal kis ka hai? Farishton ne bataya ke Umar bin Khattab razi Allahu anhu ka main ne chaha ke is ke andar jaon lekin ruk gaya kyunke tumhari ghairat mujhe maloom thi. Is par Umar razi Allahu anhu ne arz kiya: ya Rasool Allah! Mere maan baap Aap par fida hon, Ae Allah ke Nabi! kiya main Aap par ghairat karoon ga.

Hum se Abdan ne byaan kiya, kaha hum ko Abdullah bin al-Mubarak ne khabar di, unhein Yunus ne, unhein Zuhri ne, kaha ke mujhe Saeed bin Musayyab ne khabar di, aur un se Abu Hurairah razi Allahu anhu ne byaan kiya ke hum Rasool Allah salla Allahu alaihi wasallam ke paas baithe huay thay Nabi Karim salla Allahu alaihi wasallam ne farmaya ke khwab mein main ne apne aap ko jannat mein dekha. Wahan main ne dekha ke ek mahal ke kinare ek aurat wuzu kar rahi thi. Main ne poocha ke yeh mahal kis ka hai? Farishte ne kaha ke Umar bin Khattab razi Allahu anhu ka. Main un ki ghairat ka khayal kar ke wapas chala aaya. Umar razi Allahu anhu ne jo is waqt majlis mein maujood thay is par ro diye aur arz kiya: ya Rasool Allah! kiya main Aap par ghairat karoon ga?

`Hum se Said bin Afir ne bayan kiya, kaha hum se Laith bin Saad ne bayan kiya, kaha mujh se Aqeel ne bayan kiya, un se Ibn Shihab ne bayan kiya ke mujhe Said bin Musayyib ne khabar di aur un se Abu Hurairah Radi Allahu Anhu ne bayan kiya ke hum Rasul Allah صلی اللہ علیہ وسلم ke paas baithe thay ke Aap صلی اللہ علیہ وسلم ne farmaya ”Mein soya hua tha ke mein ne apne aap ko jannat mein dekha. Mein ne dekha ke jannat ke mahal ke ek kinare ek aurat wuzu kar rahi hai. Mein ne poocha: yeh mahal kis ka hai? Bataya ke Umar bin Khattab Radi Allahu Anhu ka. Phir mein ne un ki gairat yaad ki aur wahan se laut gaya.“ Abu Hurairah Radi Allahu Anhu ne bayan kiya ke Umar bin Khattab Radi Allahu Anhu is par ro pade aur arz kiya: ya Rasul Allah! mere maan baap Aap par qurban hon, kya mein Aap par gairat karoon ga?

`Hum se Amr bin Ali ne bayan kiya, unhon ne kaha hum se Mu'tamir bin Sulaiman ne bayan kiya, un se Ubaidullah bin Umar ne bayan kiya, un se Muhammad bin Munkadir ne aur un se Jabir bin Abdullah Radi Allahu Anhuma ne bayan kiya ke Rasul Allah صلی اللہ علیہ وسلم ne farmaya ”Mein jannat mein dakhil hua to wahan ek sone ka mahal mujhe nazar aaya. Mein ne poocha yeh kis ka hai? Kaha ke Quraish ke ek shakhs ka. Ae Ibn al-Khattab! mujhe is ke andar jaane se tumhari gairat ne rook diya hai jise mein khoob jaanta hoon.“ Umar Radi Allahu Anhu ne arz kiya: ya Rasul Allah! kya mein Aap par gairat karoon ga.

`Mujh se Yahya bin Bukair ne bayan kiya, kaha hum se Laith bin Saad ne bayan kiya, un se Aqeel ne, un se Ibn Shihab ne, unhein Said bin Musayyib ne khabar di aur un se Abu Hurairah Radi Allahu Anhu ne bayan kiya ke hum Rasul Allah صلی اللہ علیہ وسلم ke paas baithe hue thay. Nabi Kareem صلی اللہ علیہ وسلم ne farmaya ”Mein soya hua tha ke mein ne apne aap ko jannat mein dekha wahan ek aurat ek mahal ke kinare wuzu kar rahi thi. Mein ne poocha yeh mahal kis ka hai? Kaha Umar Radi Allahu Anhu ka. Phir mein ne un ki gairat yaad ki aur wahan se laut kar chala aaya.“ Is par Umar Radi Allahu Anhu ro diye aur arz kiya: ya Rasul Allah! mere maan baap Aap par fida hon, kya Aap par gairat karoon ga.