Hum se Ahmad Bin Muhammad ne bayan kiya, kaha hum ko Abdullah Bin Mubarak ne khabar di, unhein Ismail Bin Abi Khalid ne khabar di aur unhon ne Abdullah Bin Abi Aufa (Radi Allahu Anhu) se suna, aap bayan karte thay ke Ghazwah-e-Ahzab ke mauqe par Rasul Allah (Sallallahu Alaihi Wasallam) ne ye dua ki thi «allhm mnzl alktab srye alhsab , allhm ahzm alahzab , allhm ahzmhm wzlzlhm» "Ae Allah! Kitab ke nazil karne wale (qayamat ke din) hisab bari surat se lene wale, ae Allah! Mushrikon aur kafiron ki jamaaton ko (jo musalmanon ka isteesal karne aayi hain) shikast de. Ae Allah! Unhein shikast de aur unhein jhanjhor kar rakh de."
.

Hum se Abdullah Bin Muhammad ne bayan kiya, unhon ne kaha hum se Muawiyah Bin Amr ne bayan kiya, unhon ne kaha ke hum se Abu Ishaq Fazari ne bayan kiya, un se Musa Bin Uqba ne bayan kiya, un se Umar Bin Ubaidullah ke ghulam Salim Abi al-Nazr ne, (Salim un ke munshi thay) bayan kiya ke Abdullah Bin Abi Aufa (Radi Allahu Anhuma) ne unhein khat likha aur mein ne use parha ke Rasul Allah (Sallallahu Alaihi Wasallam) apne baaz dinon mein jin mein Aap jung karte thay Aap (Sallallahu Alaihi Wasallam) intezar karte yahan tak ke sooraj dhal jata (phir Aap Sallallahu Alaihi Wasallam larayi shuru karte)
.

To Aap (Sallallahu Alaihi Wasallam) ne logon ko khitab karte hue farmaya "Ae logo! Dushman se larayi bharayi ki tamanna na karo ‘ balke Allah se salamti mango. Haan! Jab jung chhir jaye to phir sabr kiye raho aur dat kar muqabla karo aur jaan lo ke jannat talwaron ke saye mein hai." Phir Aap (Sallallahu Alaihi Wasallam) ne yun dua ki «allhm mnzl alktab wmjry als hab whazm alahzab ahzmhm wansrna elyhm» "Ae Allah! Kitab (Quran) ke nazil farmane wale ‘ ae badalon ke chalane wale! Ae Ahzab (yani kafiron ki jamaaton ko Ghazwah-e-Khandaq ke mauqe par) shikast dene wale! Hamare dushman ko shikast de aur un ke muqable mein hamari madad kar." Aur Musa Bin Uqba ne kaha ke mujh se Salim Abul Nazr ne bayan kiya ke mein Umar Bin Ubaidullah ka munshi tha. In ke paas Abdullah Bin Abi Aufa (Radi Allahu Anhuma) ka khat aaya ke Rasul Allah (Sallallahu Alaihi Wasallam) ne farmaya tha "Dushman se larayi larne ki tamanna na karo."
.

Hum se Muhammad ne bayan kiya ‘ kaha hum ko Fazari aur Abdah ne khabar di ‘ un se Ismail Bin Abi Khalid ne bayan kiya ke mein ne Abdullah Bin Abi Aufa Radi Allahu Anhu se suna ‘ unhon ne bayan kiya ke Nabi Kareem Sallallahu Alaihi Wasallam ne ahzab (afwaj-e-kuffar) ke liye (Ghazwa Khandaq ke mauqe par) bad-dua ki ”Ai Allah! Kitab ke nazil karne wale! Jaldi hisab lene wale! Kuffar ke lashkar ko shikast de. Ai Allah! Unhein shikast de. Ya Allah! In ki taqat ko mutazalzal kar de“
.

Hum se Ibn Salam ne bayan kiya, kaha hum ko Waki ne khabar di, unhein Ibn Abi Khalid ne, kaha main ne Ibn Abi Aufa razi Allahu anhuma se suna, kaha ke Rasool Allahsalla Allahu alaihi wasallam ne Ahzab ke liye bad-dua ki «allaahumma munzhilal-kitaabi, saree-al-hisaabi, ihzimil-ahzhaaba, ihzimhum wa zalzhilhum» ”Ae Allah! Kitab ke nazil karne wale! Hisab jaldi lene wale! Ahzab ko (mushrikeen ki jama'aton ko, Ghazwa e Ahzab mein) shikast de, unhein shikast de-de aur unhein jhanjhorh de.“

Hum se Qutaybah bin Saeed ne bayan kiya , kaha hum se Sufyan ne bayan kiya , in se Ismail bin Abi Khalid ne , in se Abdullah bin Abi Aufa razi Allahu anhune bayan kiya ke Rasool Allah salla Allahu alaihi wasallam ne Ghazwa e Khandaq ke din farmaya ”Ae Allah! kitab Quran ke nazil karne wale , jald hisab lene wale , in dushman jama-aton ko shikast de aur in ke paon dagmaga de .“ Humaydi ne usay yun riwayat kiya ke hamase Sufyan bin Uyaynah ne bayan kiya , kaha hamase Ismail bin Abi Khalid ne bayan kiya aur unhon ne Abdullah bin Abi Aufa razi Allahu anhuse suna , kaha main ne Nabi kareem salla Allahu alaihi wasallam se suna .