Hum se Ibrahim Bin Musa ne bayan kiya, kaha hum ko Isa ne khabar di, kaha hum se Hisham ne bayan kiya, un se Muhammad ne, un se Ubaida ne aur un se Ali (Radi Allahu Anhu) ne bayan kiya ke Ghazwah-e-Ahzab (khandaq) ke mauqe par Rasul Allah (Sallallahu Alaihi Wasallam) ne (mushrikeen ko) ye bad-dua di ke ae Allah! In ke gharon aur qabron ko aag se bhar de. Unhon ne hum ko Salat-ul-Wusta (Asr ki namaz) nahi parhne di (ye aap (Sallallahu Alaihi Wasallam) ne is waqt farmaya) jab sooraj ghuroob ho chuka tha aur Asr ki namaz qaza ho gayi thi
.

Hum se Qabisah ne bayan kiya, kaha hum se Sufyan Bin Uyainah ne bayan kiya, un se Ibn Zakwan ne, un se Aaraj ne aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) (subah ki) duaye qanut mein (doosri rakat ke ruku ke baad) ye dua parhte thay «‏‏‏‏allhm anj slmh bn hsham , allhm anj alwlyd bn alwlyd , allhm anj eyash bn aby rbyeh , allhm anj almstzefyn mn almwmny n , allhm ashdd wtatk ely mzr , allhm snyn ksny ywsf» "Ae Allah Salama Bin Hisham ko najat de, Waleed Bin Waleed ko najat de, ae Allah! Ayash Bin Abi Rabia ko najat de, ae Allah! Tamam kamzor musalmanon ko najat de. (jo Makkah mein mushrikeen ki sakhtiyan jhel rahe hain) ae Allah! Mudar par apna sakht azab nazil kar. Ae Allah aisa qahet nazil kar jaise Yusuf (Alaihis Salam) ke zamana mein para tha."
.

Hum se Ahmad Bin Muhammad ne bayan kiya, kaha hum ko Abdullah Bin Mubarak ne khabar di, unhein Ismail Bin Abi Khalid ne khabar di aur unhon ne Abdullah Bin Abi Aufa (Radi Allahu Anhu) se suna, aap bayan karte thay ke Ghazwah-e-Ahzab ke mauqe par Rasul Allah (Sallallahu Alaihi Wasallam) ne ye dua ki thi «allhm mnzl alktab srye alhsab , allhm ahzm alahzab , allhm ahzmhm wzlzlhm» "Ae Allah! Kitab ke nazil karne wale (qayamat ke din) hisab bari surat se lene wale, ae Allah! Mushrikon aur kafiron ki jamaaton ko (jo musalmanon ka isteesal karne aayi hain) shikast de. Ae Allah! Unhein shikast de aur unhein jhanjhor kar rakh de."
.

Hum se Abdullah Bin Abi Shaiba ne bayan kiya, kaha hum se Jafar Bin Aun ne bayan kiya, hum se Sufyan Sauri ne, un se Abu Ishaq ne, un se Amr Bin Maimoon ne aur un se Abdullah Bin Masood (Radi Allahu Anhu) ne ke Nabi Kareem (Sallallahu Alaihi Wasallam) Kaabah ke saye mein namaz parh rahe thay, Abu Jahl aur Quraish ke baaz doosre logon ne kaha ke oont ki ojhri la kar kaun in par dalega? Makkah ke kinare ek oont zibah hua tha (aur isi ki ojhri lane ke waste) in sab ne apne aadmi bheje aur wo is oont ki ojhri utha laye aur ise Nabi Kareem (Sallallahu Alaihi Wasallam) ke upar (namaz parhte hue) daal diya. Is ke baad Fatima (Radi Allahu Anha) aayiin aur unhon ne aap (Sallallahu Alaihi Wasallam) ke upar se is gandagi ko hataya. Aap (Sallallahu Alaihi Wasallam) ne is waqt ye bad-dua ki «allhm elyk bqrysh , allhm elyk bqrysh , allhm elyk bqrysh . laby jhl bn hsham , wetbh bn rbyeh , wshybh bn rbyeh , walwlyd bn etbh , waby bn khlf , wetbh bn aby meyt .» "Ae Allah! Quraish ko pakar, ae Allah! Quraish ko pakar, Abu Jahl Bin Hisham, Utba Bin Rabia, Shaiba Bin Rabia, Waleed Bin Utba, Ubayy Bin Khalaf aur Uqba Bin Abi Muayt sab ko pakar le." Abdullah Bin Masood (Radi Allahu Anhu) ne kaha chunancha mein ne in sab ko jung-e-Badr mein Badr ke kuon mein dekha ke sab ko qatl kar ke is mein daal diya gaya tha. Abu Ishaq ne kaha ke mein saatvein shakhs ka (jis ke haqq mein aap (Sallallahu Alaihi Wasallam) ne bad-dua ki thi naam) bhool gaya aur Yusuf Bin Abi Ishaq ne kaha ke in se Abu Ishaq ne (Sufyan ki riwayat mein Ubayy Bin Khalaf ki bajaye) Umayyah Bin Khalaf bayan kiya aur Shuba ne kaha ke Umayyah ya Ubayy (shaq ke sath hai) lekin sahi Umayyah hai
.

Hum se Sulaiman Bin Harb ne bayan kiya, kaha hum se Hammad Bin Zaid ne bayan kiya, un se Ayyub Sakhtiyani ne, un se Ibn Abi Mulaika ne aur un se Aisha (Radi Allahu Anha) ne ke baaz yahudi Nabi Kareem (Sallallahu Alaihi Wasallam) ki khidmat mein aaye aur kaha «alsam elyk .» (tum par maut aaye) mein ne un par lanat bheji. Aap (Sallallahu Alaihi Wasallam) ne farmaya: "Kya baat hui?" Mein ne kaha kya unhon ne abhi jo kaha tha aap ne nahi suna? Aap (Sallallahu Alaihi Wasallam) ne farmaya "Kya aur tum ne nahi suna ke mein ne is ka kya jawab diya «welykm» yani tum par bhi wahi aaye (yani mein ne koi bura lafz zaban se nahi nikala sirf un ki baat un hi par lauta di)."
.