Hum se Musaddad ne byaan kiya ‘ kaha ke hum se Yazid bin Zuray ne byaan kiya ‘ kaha ke hum se Khalid Hazza ne byaan kiya ‘ un se Abu Qulaba ne aur un se Thabit bin Dahhak razi Allahu anhu ne ke Nabi Karim salla Allahu alaihi wasallam ne farmaya ke jo shakhs Islam ke siwa kisi aur deen par hone ki jhooti qasam qasdan khaye to woh waisa hi ho jaye ga jaisa ke us ne apne liye kaha hai aur jo shakhs apne ko dhaar daar cheez se zibah kar le ise Jahannam mein isi hathiyar se azab hota rahe ga .

Hum se Ishaq ne bayan kiya ‘ kaha hum se Yahya Bin Salih ne bayan kiya ‘ kaha hum se Muawiya ne bayan kiya ‘ wo Salam ke bete hain ‘ in se Yahya ne ‘ in se Abu Qilaba ne aur unhein Sabit Bin Zahhak Radi Allahu Anhu ne khabar di ke unhon ne Nabi Kareem Sallallahu Alaihi Wasallam se darakht ke neeche baiat ki thi
.

Mujh se Muhammad bin Waleed ne byaan kiya , kaha hum se Muhammad bin Jafar ne byaan kiya , kaha hum se Shubah ne byaan kiya , un se Khalid ne , un se Abu Qulabah ne aur un se Sabit bin Dahhak ne aur woh (Sulah Hudaybiyah ke din) darakht ke neeche bai'at karne walon mein shamil thay .

Hum se Muhammad bin Bashar ne bayan kiya, kaha hum se Usman bin Amr ne, kaha hum se Ali bin Mubarak ne bayan kiya, in se Yahya bin Abi Kaseer ne, in se Abu Qulabah ne ke Sabit bin Dah-haak razi Allahu anhu as-haab e shajar (bai-at e rizwan karne walon) mein se thay, unhon ne in se bayan kiya ke Rasool Allahsalla Allahu alaihi wasallam ne farmaya ke jo Islam ke siwa kisi aur mazhab par qasam khaye (ke agar main ne falan kaam kiya to main nasrani hoon, Yahudi hoon) to woh aisa ho jaye ga jaise ke us ne kaha aur kisi insan par in cheezon ki nazr sahih nahi hoti jo is ke ikhtiyar mein na hon aur jis ne duniya mein kisi cheez se khud-kushi kar li usay isi cheez se aakhirat mein azab ho ga aur jis ne kisi Musalman par lanat bheji to yeh is ke khoon karne ke barabar hai aur jo shakhs kisi Musalman ko kafir kahe to woh aisa hai jaise is ka khoon kiya.

Hum se Musa bin Ismail ne bayan kiya, kaha hum se Wuhaib ne bayan kiya, kaha hum se Ayub Sakhtiyani ne bayan kiya, in se Abu Qulabah ne, in se Sabit bin Dah-haak razi Allahu anhu ne aur in se Nabi Karim salla Allahu alaihi wasallam ne farmaya ke jis ne Islam ke siwa kisi aur mazhab ki jhoot moot qasam khayi to woh waisa hi ho jata hai, jis ki us ne qasam khayi hai aur jis ne kisi cheez se khud-kushi kar li to usay jahannum mein isi se azab diya jaye ga aur momin par lanat bhejna usay qatl karne ke barabar hai aur jis ne kisi momin par kufr ki tuhmat lagayi to yeh is ke qatl ke barabar hai.

Hum se Mualla bin Asad ne bayan kiya, kaha hum se Wuhaib ne bayan kiya, unhon ne Ayub se riwayat kiya, unhon ne Abu Qulabah se, unhon ne Sabit bin Zhah-hak se, unhon ne kaha ke Rasool Allah salla Allahu alaihi wasallam ne farmaya ”jo Islam ke siwa kisi aur mazhab par qasam khaye pas woh aisa hi hai jaisi ke us ne qasam khayi hai aur jo shakhs apne nafs ko kisi cheez se halak kare woh dozakh mein isi cheez se azab diya jata rahe ga aur momin par lanat bheijna us ko qatl karne ke barabar hai aur jis ne kisi momin par kufr ka ilzam lagaya pas woh bhi is ke qatl karne ke barabar hai.“