Hum se Abul Waleed ne byaan kiya , unhon ne kaha ke hum se Shubah ne byaan kiya , un se Abdul Malik bin Umair ne byaan kiya , unhon ne Ziyad ke ghulam Qazah se suna , unhon ne byaan kiya ke mein ne Abu Saeed Khudri razi Allahu anhu ko Rasool Allah salla Allahu alaihi wasallam ke hawala se chaar hadeesein byaan karte huay suna jo mujhe bohat pasand aayin . Aap salla Allahu alaihi wasallam ne farmaya ke aurat apne shauhar ya kisi zi-reham mahram ke baghair do din ka bhi safar na kare aur doosri yeh ke Eid-ul-Fitr aur Eid-ul-Adha donon din roze na rakhe jayein . Teesri baat yeh ke subah ki namaaz ke baad sooraj ke nikalne tak aur Asar ke baad sooraj chhupne tak koi nafl namaaz na parhi jaye . Chauthi yeh ke teen masjidon ke siwa kisi ke liye kajaaway na baandhay jayein . Masjid al-Haram , Masjid al-Aqsa aur meri masjid (yani Masjid Nabwi) .

Hum se Abdul Aziz bin Abdullah ne bayan kiya , unhon ne kaha hum se Ibrahim bin Saad ne bayan kiya , unhon ne Saleh se yeh hadees bayan ki , unhon ne Ibn Shihab se , unhon ne kaha mujh se Ata bin Yazid Jundai Laithi ne bayan kiya ke unhon ne Abu Saeed Khudri raziyallahu anhu se suna . Unhon ne farmaya ke mein ne Nabi Karim salla Allahu alaihi wa sallam se suna , aap salla Allahu alaihi wa sallam farma rahe thay ke fajr ki namaz ke baad koi namaz sooraj ke buland hone tak na parhi jaye , isi tarah asr ki namaz ke baad sooraj doobne tak koi namaz na parhi jaye .

Hum se Ishaq bin Rahwaih ne byaan kiya , unhon ne Abu Usamah se , main ne poocha ke kya aap se Ubaidullah Umari ne Nafey se yeh hadees byaan ki thi ke un se Abdullah bin Umar razi Allahu anhuma ne ke Nabi Karim salla Allahu alaihi wasallam ka yeh farmaan naqal kiya tha ke auraten teen din ka safar zi raham mehram ke baghair na karen (Abu Usamah ne kaha haan) .

Hum se Musaddad bin Musarhad ne byaan kiya , kaha ke hum se Yahya bin Saeed Qattan ne , Ubaidullah Umari se byaan kiya , unhon ne kaha ke hamen Nafey ne khabar di , unhen Ibn Umar razi Allahu anhuma ne Nabi Karim salla Allahu alaihi wasallam se khabar di ke Aap salla Allahu alaihi wasallam ne farmaya aurat teen din ka safar us waqt tak na kare jab tak us ke saath koi mehram rishtedar na ho . Is riwayat ki mutabi'at Ahmad ne Ibn Mubarak se ki un se Ubaidullah Umari ne un se Nafey ne aur un se Ibn Umar razi Allahu anhuma ne Nabi Karim salla Allahu alaihi wasallam ke hawala se .

Hum se Adam ne byaan kiya unhon ne kaha ke hum se Ibn Abi Zi'b ne byaan kiya , unhon ne kaha ke hum se Saeed Maqburi ne apne baap se byaan kiya , un se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ke kisi khatoon ke liye jo Allah aur us ke Rasool par imaan rakhti ho , jaiz nahi ke aik din raat ka safar baghair kisi zi raham mehram ke kare . Is riwayat ki mutabi'at Yahya bin Abi Kaseer , Suhail aur Malik ne Maqburi se ki . Woh is riwayat ko Abu Hurairah razi Allahu anhu se byaan karte thay .

Hum se Abdul Ala bin Hammad ne byaan kiya , kaha ke hum se Wuhaib bin Khalid ne byaan kiya , un se Ayub Sakhtiyani aur Ubaydullah bin Umar ne , un se Nafi ne aur un se Ibn Umar razi Allahu anhuma ne byaan kiya ke Rasool Allah salla Allahu alaihi wasallam ne farmaya ke apne gharon mein bhi kuch namazain parha karo aur unhein bilkul qabrein na bana lo (ke jahan namaaz hi na parhi jaati ho) Wuhaib ke saath is hadees ko Abdul Wahhab Saqafi ne bhi Ayub se riwayat kiya hai .

Hum se Abu-al-Numan ne bayan kiya, kaha hum se Hammad Bin Zaid ne bayan kiya, un se Amr Bin Dinar ne bayan kiya, un se Ibn Abbas (Radi Allahu Anhuma) ke ghulam Abu Ma'bad ne aur un se Ibn Abbas (Radi Allahu Anhuma) ne ke Nabi Kareem (Sallallahu Alaihi Wasallam) ne farmaya ke koi aurat apne mahram rishtedar ke baghair safar na kare aur koi shakhs kisi aurat ke paas is waqt tak na jaye jab tak wahan zi-mahram maujood na ho. Ek shakhs ne poocha ke ya Rasul Allah! mein falan lashkar mein jihad ke liye nikalna chahta hoon, lekin meri biwi ka irada Hajj ka hai ? To Aap (Sallallahu Alaihi Wasallam) ne farmaya ke tu apni biwi ke sath Hajj ko ja
.

Hum se Sulaiman Bin Harb ne bayan kiya, kaha ke hum se Shuba ne, un se Abdul Malik Bin Umar ne, un se Ziyad ke ghulam Qaz'ah ne, unhon ne bayan kiya ke mein ne Abu Saeed Khudri (Radi Allahu Anhu) se suna jinhon ne Nabi Kareem (Sallallahu Alaihi Wasallam) ke sath barah jihad kiye thay. Wo kehte thay ke mein ne char baatein Nabi Kareem (Sallallahu Alaihi Wasallam) se suni theen ya ye ke wo ye char baatein Nabi Kareem (Sallallahu Alaihi Wasallam) se naqal karte aur kehte thay ke ye baatein mujhe intehai pasand hain ye ke koi aurat do din ka safar is waqt tak na kare jab tak is ke sath is ka shohar ya koi zhu-reham mahram na ho, na Eid-ul-Fitr aur Eid-ul-Adha ke roze rakhe jayein na Asr ki namaz ke baad ghuroob hone ke pehle aur na subah ki namaz ke baad sooraj nikalne se pehle koi namaz parhi jaye aur na teen masajid ke siwa kisi ke liye kajawe bandhe jayein Masjid-ul-Haram, meri Masjid aur Masjid-ul-Aqsa
.

Abu Abdullah (Imam Bukhari Rahimahullah) farmate hain ke mujh se Muhammad Bin Muthanna ne bayan kiya, kaha ke hum se Yahya Bin Saeed ne bayan kiya, un se Hisham ne bayan kiya ke mujhe mere baap Urwah ne khabar di ke Aisha (Radi Allahu Anha) Ayyam-e-Mina (Ayyam-e-Tashreeq) ke roze rakhti theen aur Hisham ke baap (Urwah) bhi in dinon mein roza rakhte thay
.