Hum se Adam bin Abi Iyas ne byaan kiya , kaha ke hum se Shubah ne byaan kiya , kaha ke hum se Amr bin Murrah ne byaan kiya , unhon ne kaha ke mein ne Abdur Rahman bin Abi Layla se suna , woh kehte thay ke mujh se Umm Hani razi Allahu anha ke siwa kisi (sahabi) ne yeh nahin byaan kiya ke unhon ne Nabi Karim salla Allahu alaihi wasallam ko chasht ki namaaz parhte dekha hai . Sirf Umm Hani razi Allahu anha ne farmaya ke Fatah Makkah ke din Aap salla Allahu alaihi wasallam un ke ghar tashreef laaye , Aap salla Allahu alaihi wasallam ne ghusl kiya aur phir aath rakat (chasht ki) namaaz parhi . To mein ne aisi halki phulki namaaz kabhi nahin dekhi . Albatta Aap salla Allahu alaihi wasallam ruku aur sajda poori tarah ada karte thay .

Hum se Abdullah bin Maslamah Qa’nabi ne riwayat ki. Unhon ne Imam Malik se, unhon ne Umar bin Ubaidullah ke Maula Abu Nazr se ke Umm-e-Haani bint-e-Abi Talib ke Maula Abu Murrah ne unhein bataaya ke unhon ne Umm-e-Haani bint-e-Abi Talib ko yeh kehte suna ke main Fatah-e-Makkah ke din Rasoolullah Sallallahu Alaihi Wasallam ki khidmat mein haazir hue to main ne dekha ke Aap ghusl farmaa rahe hain aur Fatima Radhiallahu Anha ne pardah kar rakha hai. Nabi-e-Kareem Sallallahu Alaihi Wasallam ne poocha yeh kaun hain. Main ne arz ki ke main Umm-e-Haani hun.

Hum se Ismail bin Abi Uwais ne bayan kiya, kaha mujh se Imam Malik bin Anas ne Amr bin Ubaidullah ke ghulam Abu Nazr Salim bin Umayyah se ke Umm Hani bint Abi Talib ke ghulam Abu Murrah Yazid ne bayan kiya ke unhon ne Umm Hani bint Abi Talib se yeh suna. Woh farmati thin ke main Fatah-e-Makkah ke mauqa par Nabi Kareem Sallallahu Alaihi Wasallam ki khidmat mein hazir hui. Main ne dekha ke Aap ghusl kar rahe hain aur Aap ki sahibzadi Fatima Razi Allah Anha parda kiye hue hain. Unhon ne kaha ke main ne Nabi Kareem Sallallahu Alaihi Wasallam ko salam kiya. Aap Sallallahu Alaihi Wasallam ne poocha ke kaun hai? Main ne bataya ke Umm Hani bint Abi Talib hoon. Aap Sallallahu Alaihi Wasallam ne farmaya acchi aayi ho, Umm Hani. Phir jab Aap Sallallahu Alaihi Wasallam nahane se farigh ho gaye to uthe aur aath rakat namaz padhi, ek hi kapre mein lipat kar. Jab Aap Sallallahu Alaihi Wasallam namaz padh chuke to main ne arz ki ke Ya Rasool Allah! Meri maan ke bete (Ali bin Abi Talib) ka dawa hai ke woh ek shakhs ko zaroor qatl kare ga. Halankay main ne ise panah de rakkhi hai. Yeh (mere khawand) Hubairah ka falan beta hai. Rasool Allah Sallallahu Alaihi Wasallam ne farmaya ke Umm Hani jise tum ne panah de di, hum ne bhi ise panah di. Umm Hani ne kaha ke yeh namaz-e-chasht thi.

Aur Laith bin Saad rahimahullah ne kaha ke mujh se Yunus ne byaan kiya , un se Ibn Shihab ne , unhon ne kaha ke mujh se Abdullah bin Aamir bin Rabee'ah ne byaan kiya ke unhen un ke baap ne khabar di ke unhon ne khud dekha ke Rasool Allah salla Allahu alaihi wasallam (raat mein) safar mein nafil namazen sawari par parhte thay , woh jidhar Aap salla Allahu alaihi wasallam ko le jati udhar hi sahi .

Hum se Ali bin Jad ne byaan kiya ke hum ko Shubah ne khabar di , un se Anas bin Sirin ne byaan kiya ke mein ne Anas bin Malik Ansari razi Allahu anhu se suna ke Ansar mein se ek shakhs (Utban bin Malik) ne jo bohat mote aadmi thay , Rasool Allah salla Allahu alaihi wasallam se arz kiya ke mein Aap salla Allahu alaihi wasallam ke saath namaaz parhne ki taqat nahin rakhta (mujh ko ghar par namaaz parhne ki ijazat dijiye to) unhon ne apne ghar Nabi Karim salla Allahu alaihi wasallam ke liye khana pakwaya aur Aap salla Allahu alaihi wasallam ko apne ghar bulaya aur ek chatayi ke kinare ko Aap salla Allahu alaihi wasallam ke liye paani se saaf kiya , Aap salla Allahu alaihi wasallam ne us par do rakat namaaz parhi . Aur falan bin falan bin Jarood ne Anas razi Allahu anhu se poocha ke kya Nabi Karim salla Allahu alaihi wasallam chasht ki namaaz parha karte thay ? To Aap ne farmaya ke mein ne is roz ke siwa Aap salla Allahu alaihi wasallam ko kabhi yeh namaaz parhte nahin dekha .

Hum se Hafs bin Umar ne byaan kiya , kaha ke hum se Shu'bah ne byaan kiya , un se Amr bin Murrah ne , un se Ibn Abi Laila ne , unhon ne kaha ke hamen kisi ne yeh khabar nahi di ke Rasool Allah salla Allahu alaihi wasallam ko unhon ne chasht ki namaaz parhte dekha haan Umm Hani razi Allahu anha ka byaan hai ke Fatah Makkah ke din Nabi Karim salla Allahu alaihi wasallam ne un ke ghar ghusal kiya tha aur is ke baad Aap salla Allahu alaihi wasallam ne aath rakaten parhi thin , main ne Aap salla Allahu alaihi wasallam ko kabhi itni halki phulki namaaz parhte nahi dekha albatta Aap salla Allahu alaihi wasallam ruku aur sajdah poori tarah karte thay .