Hum se Musaddad bin Musarhad ne byaan kiya . Unhon ne kaha ke hum se Ismail bin Aliyah byaan kiya , unhon ne kaha ke hamein Sahib Ziyadi Abdul Hameed ne khabar di , kaha ke hum se Muhammad bin Sireen ke chachazad bhai Abdullah bin Haarith ne byaan kiya ke Abdullah bin Abbas razi Allahu anhuma ne apne moazzin se ek dafa barish ke din kaha ke «ashhadu anna Muhammadan rasoolullah» ke baad «hayya alas salah» (namaaz ki taraf aao) na kehna balkay yeh kehna ke «salloo fi buyootikum» (apne gharon mein namaaz parh lo) logon ne is baat par taajjub kiya to Aap ne farmaya ke isi tarah mujh se behtar insaan (Rasool Allah salla Allahu alaihi wasallam) ne kiya tha . Beshak juma farz hai aur main makrooh jaanta hoon ke tumhein gharon se bahar nikaal kar mitti aur keechad phislan mein chalaoon .